"AID" (Contén)

ILLAS

Illa de Xapón, a máis setentrional das catro grandes illas do arquipélago, que constitúe o ken homónimo (78.523 km2; 5.683.062 h [2000]). A súa capital é Sapporo. O estreito de La Pérouse sepáraa da Sahalin rusa, ao N. É unha illa montañosa de orixe volcánica que na súa maior parte está ocupada pola cordilleira de Hokkaidō, que a atravesa de S a N desde o cabo Erimo ao cabo Sōya. Os seus cursos fluviais son de réxime torrencial. Polo que respecta ao clima, o factor máis condicionante é a presenza constante ao longo de todo o ano de ventos fríos procedentes de Siberia que chegan con potencia á súa latitude (por baixo dos 46° N) e provoca invernos rigorosos e veráns frescos. Este medio físico relativamente hostil fai que o seu poboamento sexa feble en comparación coa media do país (72 h/km2 fronte aos 340 h/km2 da media nacional). A poboación concéntrase nas chairas litorais e a rede urbana aparece xerarquizada pola capital,...

CAPITAIS

Capital do condado de Kent, situada en Inglaterra, Reino Unido, á beira do río Medway (138.500 h [1994]). É o centro dunha rica comarca agrícola e conta con industria cervexeira, papeleira e de artes gráficas.

1. Relativo ou pertencente aos maidu.

2. Individuo da tribo maidu.

3. Tribo amerindia que habita entre o val do Sacramento e as montañas de Sierra Nevada, no estado de California. O seu número ascendía a uns 9.500 individuos (1770) organizados en tres grandes grupos, cunha economía baseada na caza e no aproveitamento dos recursos do seu medio. O descubrimento de ouro a mediados do s XIX provocou a ocupación do seu territorio polos mineiros. A súa poboación concéntrase ao redor da reserva de Round Valley.

CAPITAIS

Capital do estado de Borno, Nixeria, situada ao SO do lago Chad (320.000 h [1996]). É un centro comercial e un nó ferroviario.

PERSOEIRO

Eclesiástico. Monxe agostiño e alumno de Antonio de Guevara e de Fray Luis de León, escribiu Libro de la conversión de la Magdalena (1588), peza fundamental da elocuencia sagrada escrita en castelán.

PERSOEIRO

Fotógrafa italiana. Coñecida como Tina Modotti, comezou a súa carreira con Edward H. Weston (1921). Viaxou a México (1922), onde coñeceu a Diego Rivera, José Clemente Orozco e David A. Siqueiros. Colaborou na revista Mexican Folkways e integrouse no Partido Comunista Mexicano (1927). Expulsada de México (1930), viaxou por Rusia e Alemaña, onde se relacionou coa Bauhaus de Berlín, e participou na Guerra Civil Española. A súa obra difundiuse a través da exposición itinerante Women of Photography (1975).

PERSOEIRO

Historiador da arte. Especialista en vidreiras españolas, desenvolveu a súa actividade investigadora arredor da arte medieval, renacentista e contemporánea, esta última a carón dos artistas do grupo El Paso. Entre 1984 e 1991 dirixiu a revista de arte Fragmentos. Da súa obra destacan Goya: vida y obra (1967), La vidriera del Renacimiento en España (1970), Impresionismo y Fauvismo (1972), Del Cubismo al surrealismo (1987), Historia del Arte (1994) e La vidriera española, ocho siglos de luz (1998, Premio Nacional de Historia, 1999). Membro do Consello Científico do Museo del Prado desde 1987, en 2002 foi elixido membro da Real Academia de Bellas Artes de San Fernando.

1. Artefacto que permite reducir notablemente a velocidade dun corpo dentro da atmosfera, especialmente nun descenso ou nunha caída. Consiste, xeralmente, nun tecido moi resistente, que adopta unha forma máis ou menos cupular ao despregarse, e que vai fixado a unhas cordas de nailon e do que sae un conxunto de correas e tirantes que se axustan arredor da persoa que o utiliza. Baséase no principio de presentar unha gran superficie de resistencia ao aire que se opón á aceleración da gravidade. Segundo a forma da superficie do paracaídas distínguense catro tipos básicos: o de vela completa, que presenta unha soa abertura, chamada cheminea, situada na parte central superior do casquete hemisférico; o de fendas, que presenta unha ou diversas fendas dispostas meriodional ou transversalmente sobre o casquete, e o paso por elas permite manobrar minimamente durante o descenso; o de tobeiras, que presenta un complexo sistema de aberturas, de formas diversas, que permiten controlar...

2. Dispositivo de seguridade dos ascensores, montacargas e outros aparatos semellantes, que impide a caída acelerada no caso de rotura dos cables. Se se produce unha rotura, os cables perden tensión e acciónanse automaticamente unhas pezas dentadas que agarran fortemente as guías e bloquean a cabina.

CAPITAIS

Capital do mu ḥ āfa ẓ a de Port Saïd (472.335 h [1996]). Construída durante as obras de apertura da canal de Suez, está situada no extremo N e á beira O deste, nunha estreita franxa de terra entre o lago Manzala e o Mediterráneo. É un importante centro comercial de Próximo Oriente e un porto de tránsito e de abastecemento.