"Anu" (Contén)

1. Publicación na que se recolle cada ano o resumo dos acontecementos do ano anterior nunha actividade determinada ou os traballos orixinais dunha entidade científica, literaria, económica, deportiva, etc, cunha finalidade basicamente propagandística. A publicación de anuarios iniciouse no s XVI. Os anuarios adoitan especializarse en determinadas materias segundo a institución á que pertencen ou ao público ao que van destinadas (actualmente teñen especial importancia os anuarios estatísticos). Serven tamén como guía para os profesionais dun sector que necesitan información detallada sobre os organigramas da empresa que o publica ou sobre calquera outro aspecto da súa actividade. O anuario ten relación a miúdo co almanaque.

2. Publicación que se edita cando comeza un novo ano e que contén informacións de interese relativas a el.

3. Publicación na que figuran as horas e as alturas da baixamar e a preamar para todos os días do ano e referente a un número determinado de portos. Tamén inclúe datos que permiten calcular o mesmo para outros portos menos importantes.

PUBLICACIÓNS

Publicación bilingüe aparecida entre os anos 1948 e 1951, e editada polo concello de Betanzos na imprenta de Manuel Villuendas. Subtitulábase “Historia-Etnografía-Bellas Artes-Administración Municipal-Actualidades”. Fundado e dirixido por Francisco Vales Villamarín, contou coa colaboración de Xosé Mª Díaz Castro, Sofía Casanova, Xoán Naya, Ramón Otero Pedrayo, Álvaro Cunqueiro, Enrique Chao Espina e incluíu reproducións de textos de Manuel Murguía e Antón Vilar Ponte, entre outros. As ilustracións eran de Manuel Abelenda, Emilio de la Iglesia Caruncho, Cebreiro, Pérez Villamil e Manuel Castro Gil. Contaba con diversas seccións: estatísticas, planos da cidade, programa das festas de San Roque, industria, comercio e outras informacións. Reapareceu en 1982 con novos colaboradores e máis seccións.

PUBLICACIÓNS

Publicación de carácter anual editada polo grupo Editorial Compostela, S A,   iniciada no ano 1992. Coordinada por Juan Salgado, conta cunha serie de apartados, divididos en meses e dedicados a “Economía”, “Internacional”, “Galicia”, “Deportes”, etc. Introduce amais cadros estatísticos, gráficos, debuxos e fotografías dos acontecementos máis impactantes do mundo nese ano.

PUBLICACIÓNS

Publicación en galego anual editada en Vigo dende 1992 pola editorial Galaxia, e especializada na investigación da literatura galega. Dirixida por Xoán González-Millán dende Nova York e por Dolores Vilavedra dende Galicia, contaba coa colaboración de Ramiro Fonte, Xosé R. Pena, Damián Villalaín, Manuel Vieites e Helena González, entre outros. Incluía as seccións: “Estudios”, “Comunicacións”, “Panorámicas”, “Compendio bibliográfico anual” e “Libros”.

PUBLICACIÓNS

Publicación con formato de libro aparecida en Ourense en 1908, que cesou ao ano seguinte. O seu director e redactor foi Xosé Casas. Nela incluíase unha relación das publicacións católicas de España, Portugal, América e Filipinas, xunto con comentarios e cadros estatísticos.

PUBLICACIÓNS

Publicación aparecida en Santiago no ano 1856, que contaba con informes e datos referidos á propia Universidade.

PUBLICACIÓNS

Publicación de carácter anual editada polo Grupo Voz iniciada no ano 1984. Coordinada por Luci Garcés, conta con seccións mensuais dedicadas a “Economía”, “Internacional”, “Galicia”, “Deportes”, etc. Introduce amais cadros estatísticos, gráficos, debuxos e fotografías dos acontecementos máis impactantes do mundo acontecidos ao longo do ano.

PUBLICACIÓNS

Publicación aparecida na cidade de Ferrol no ano 1903, onde se recollían as actividades do Ateneo Ferrolano. Na edición de 1905-1906 incluíase un extenso poema en galego titulado “Cipriana” de Emilio Balás.

PUBLICACIÓNS

Publicación aparecida na cidade de Vigo no ano 1939 e subtitulada “Guía general del comercio, la industria y las profesiones”.

PUBLICACIÓNS

Publicación anual aparecida en Vigo no ano 1959 con referencias, datos e informes referidos a esta actividade.

PUBLICACIÓNS

Publicación saída en 1900 e fundada por Nicolás Fort Roldán que era tamén o seu redactor. Colaboraron nela Alberto Camino, Andrés Martínez Salazar e Aurelio Ribalta, entre outros. Incluíanse estudios de ciencias sociais (arqueoloxía) e ciencias naturais, xunto con algunhas biografías. Finalizou a súa edición en 1904 coa publicación do Anuario Ferrolano para 1905.

1. Termo da xerga dos telleiros ou daordes que corresponde ás voces ‘ocultar e esconder’.

2. Termo do barallete, xerga dos afiadores e paraugueiros, que corresponde á voz ‘esconder’.

1. Cubriren as nubes o azul do ceo ou a luz dun astro, especialmente do Sol e da Lúa.

2. Perda ou diminución momentánea da capacidade de percepción visual ou racional.

3. Entristecer, escurecer, esmorecer.

4. Cubrirse o ceo de nubes.

5. Perda ou diminución momentánea da capacidade de percepción visual ou racional.