"Gallego" (Contén)

Premios instituídos en 2001 pola Xunta de Galicia e o grupo Unedisa que teñen como obxectivo promover a actividade cultural e científica como medio ou vehículo para a proxección internacional da comunidade galega. Teñen unha periodicidade bianual e concédense no eido das Letras, Artes Plásticas e Arquitectura, Artes Escénicas e Música, Cinematografía e Artes Audiovisuais, e Ciencias e Investigación. Sen dotación económica, os premiados reciben a escultura Fariñento de F. Leiro. Na súa primeira convocatoria foron galardoados Camilo José Cela, César Portela, Rogelio Groba, Xavier Villaverde e Luís Concheiro e Ángel Carracedo, nas respectivas modalidades.

Relixioso mercedario. Colaborou nas revistas La Merced e San Ramón y su Santuario e publicou Una flor que se marchita (1916), Las veladas en el hogar doméstico (1917), Los golfos (1919), Un abrazo histórico (1922) e Despertador mercedario (1928).

Periódico liberal editado en Santiago de Compostela a partir do 21 de abril de 1820. Cesou a súa edición en outubro dese ano (nº53). Saía todos os martes e venres dos obradoiros tipográficos de Campaña e Aguayo. Fundado e dirixido por Antonio B. Fandiño, incluía artigos de carácter satírico dirixido aos políticos, feito que motivou a suspensión da edición.

Revista cultural editada en Ourense a partir do 1 de xaneiro de 1874. Cesou a súa edición o 23 de outubro de 1880 (nº408). Subtitulouse “Semanario de ciencias, artes y literatura”. Fundada e dirixida por Valentín Lamas Carvajal. A través dos seus comentarios criticou o caciquismo e defendeu a independencia política dos partidos e a fe cristiá.

Periódico editado en setembro de 1906. Cesou a súa edición en 1950. Subtitulouse “Órgano de las colectividades gallegas en el Plata” e “El periódico gallego de mayor circulación en la Argentina y el Uruguay”. Dirixido por Julio de la Cuesta, imprimiuse nos obradoiros tipográficos de La Iberia.

Revista editada a partir do 1 de xuño de 1922 en Bos Aires. Foi o voceiro oficial da sociedade Hogar Gallego, escindida da Casa de Galicia. Nos seus primeiros números foi quincenal, mentres que a partir do 29 se converteu en mensual. Incluíu informacións da sociedade, e seccións dedicadas ao deporte e á cultura, ademais de colaboracións literarias.

Revista semanal editada en La Habana a partir do 3 de xuño de 1909. Voceira das Sociedades Gallegas de Instrución, foi dirixida por Casimiro Fernández. Ademais da información societaria, incluíu tamén artigos de carácter cultural, xunto con algunhas colaboracións literarias.

Xornal editado na Coruña a partir do 1 de abril de 1917. Nos seus inicios subtitulouse “Diario católico, regionalista e independiente”, de acordo cos principios do seu fundador, o sacerdote Xosé Toubes Pego. Veu encher o oco deixado polo periódico católico El Eco de Galicia, destruído por un incendio. En 1931 incorporouse ao grupo da Editorial Católica, propietaria de El Debate, do diario Ya e da axencia Logos, entre outros medios de comunicación. Durante a Segunda República (1931-1936) sufriu a acción da censura. Nese mesmo período serviu como apoio da CEDA, defendeu a opinión da Igrexa Católica e a acción da alta burguesía de Galicia. No período de posguerra seguiu mantendo a súa orientación ideolóxica e mantivo unha estreita relación co goberno franquista, xa que moitos membros do seu consello de dirección pertencían a diversas institucións e cargos públicos. Ao longo da súa traxectoria editorial, dirixírono: Alfredo G. Ramos, Xacobe Varela, Xosé Mª de Santiago,...

Revista editada en Vigo a partir de xuño de 1986. Dirixida por Víctor Martínez de las Heras, incluía crónicas e noticias referidas á actualidade de Vigo e de Galicia, ademais de información sobre saúde, política, economía, espectáculos, deportes e cultura. Inseriu tamén numerosas entrevistas a persoeiros políticos, economistas, deportistas e intelectuais.

Xornal que apareceu en Ourense a partir do 1 de xaneiro de 1900 e que cesou en 1901. Subtitulouse “Revista semanal de enseñanza” e estivo dirixida polo inspector de ensino primario Xerardo Álvarez Limeses. Substituíu o Boletín de la Asociación Provincial de Primera Enseñanza como revista profesional de maxisterio.

Revista que se editou en Santiago de Compostela a partir de agosto de 1882 e que cesou en 1913. Subtitulouse “Revista de Instrución Primaria. Portavoz de la Asociación de Socorros de los Maestros del Distrito Universitario de Santiago”. Estivo dirixida por Augusto Milón e, posteriormente (1904), por Celestino Buján Suárez. En 1912 pasou a titularse Revista de Instrución Pública.