"Tui" (Contén)

GALICIA

Concello situado na comarca do Baixo Miño, no SO da Comunidade Autónoma de Galicia e no S da provincia de Pontevedra (42° 02’ 50’’ N - 8° 39’ 08’’ O). Limita ao N cos concellos de Gondomar, O Porriño e Salceda de Caselas (os tres da comarca de Vigo), ao S con Tomiño (O Baixo Miño) e o río Miño, que o separa de Portugal, ao L con Salceda de Caselas e Salvaterra de Miño (O Condado) e ao O con Gondomar e Tomiño (Baixo Miño). Abrangue unha superficie de 68,3 km 2 cunha poboación de 16.948 h (2007), distribuída nas parroquias de Areas, Baldráns, Caldelas de Tui, Guillarei, Malvas, Paramos, Pazos de Reis, Pexegueiro, Randufe, Rebordáns, Ribadelouro e Tui. A capital é a vila de Tui, situada a 102 km de Santiago de Compostela e a 48 km de Pontevedra. Está adscrito ao partido xudicial de Tui e á diocese de Tui-Vigo.
Xeografía física
A tectónica definiu a morfoloxía do relevo tudense. Unha serie de fracturas de dirección N-S condicionan a disposición das unidades do...

LIÑAXES

Liñaxe de orixe galega que trae por armas, en campo de ouro, un xevrón de goles, acompañado de dous ferros de lanza de sable, un en cada cantón do xefe, e unha panela de sinople en punta. Aparece tamén coa forma castelanizada Tuy.

ENTRADA LARGA

Catedral situada en Tui, baixo a advocación de Nosa Señora da Asunción. A súa orixe atópase nun mosteiro beneditino e nunha igrexa situadas no barrio de San Bartolomeu. Segundo un documento de 1071 Urraca afirmaba que se construíra alí unha catedral dedicada a santa María, que posteriormente foi arrasada polo que a igrexa de San Bartolomeu desempeñou as funcións de catedral.
A orixe
Segundo os documentos o inicio das obras puido ser en 1120, durante o goberno do bispo Afonso, ou en 1125, cando o Rei Afonso de Portugal fixo unha doazón á igrexa de Tui. Outra data que se sinala é a de 1170, cando o Rei Fernando II mandou trasladar o asentamento da cidade a outro lugar máis seguro, identificable co lugar onde se atopaban as posesións da Igrexa. Desde entón documéntanse diversas doazóns para a súa construción. Consagrouse baixo o goberno do bispo Estevo Egea (1218-1239), entre 1224 e 1225. Tendo en conta a documentación e a tipoloxía arquitectónica da mesma, obras deberon...

IGREXAS

Igrexa situada en Tui. Comezou a súa construción en 1769 no lugar que ocupara o cuarto onde morreu san Telmo. Está realizada en estilo barroco portugués e ten planta circular cunha cúpula lobulada. Na fachada destaca unha gran ventá no centro sobre a que se sitúa unha fornela na que está a imaxe do patrón.

1. Árbore da familia das cupresáceas, con follas aplanadas e opostas e flores masculinas e femininas.

2. Arbusto ou pequena árbore de ata 15 m de altura, coas follas de cor branca prateada no envés e conos solitarios, subglobulosos, con 6-8 escamas grosas. Florece a mediados da primavera. É orixinaria de Xapón e en Galicia non é moi frecuente aínda que se atopan algúns exemplares en diversos parques e xardíns.

3. Árbore de ata 60 m de altura coa cortiza delgada de cor agrisada e fendas lonxitudinais. As follas son planas, opostas e moi aromáticas. As flores masculinas, duns 2-3 mm de lonxitude, son de cor vermella escura e as femininas verde amarelenta. Habita en lugares frecos e húmidos, no fondo dos vales ou preto dos arroios de montaña, ata os 1.800 m de altitude. É orixinaria do NL de América do Norte e en Galicia é moi frecuente en parques e xardíns.

PARROQUIA

Parroquia do concello de Bóveda baixo a advocación de santa María.

MUNICIPIOS

Municipio da provincia de Las Palmas, Canarias, situado no centro da illa de Fuerteventura (9.843 h [2001]). A economía baséase na agricultura, a pesca e o turismo.

ILLAS

Illa do arquipélago de Samoa que pertence a Samoa Americana, xunto ao illote de Aunun (135 km2; 30.124 h [1980]). O seu centro principal é Pago Pago e produce bananas e copra.