"dición" (Contén)

Empresa editorial fundada en Vigo en 1974, pertencente ao grupo Santillana. Dirixida por Carme Vázquez Rodríguez, con máis de trescentos libros editados. Dedícase fundamentalmente á publicación de libros de texto, literatura infantil e xuvenil, cartografía e dicionarios. Divide a súa produción editorial nas coleccións “Obradoiro-Alfaguara Infantil” e “Obradoiro-Alfaguara Xuvenil”.

Empresa editorial fundada en Santiago de Compostela en 1990. Dirixida por Francisco Macías, conta con máis de cincuenta libros editados. Dedícase fundamentalmente á publicación de ensaios, libros de peto, literatura e revistas en lingua galega e portuguesa. Ademais das coleccións “Diversos”, “Narrativas”, “Plural” e “Popular”, tira do prelo a revista Animal+.

Empresa editorial fundada en 1980 en Santiago de Compostela. Dirixida por Amador Rodríguez Arce e Manuel Casal Salgado, conta con máis de douscentos títulos publicados. A súa liña editorial enmárcase dentro da difusión de obras cartográficas, literatura infantil e xuvenil, narrativa e pedagoxía en lingua galega ou castelá. Divide a súa produción nas coleccións “Animais fantásticos”, “Aprender xogando”, “Biblioteca de autores galegos”, “Cartografía”, “Contos clásicos favoritos”, “Ecoloxía”, “Mapas murais/Esfera”, “O meu libro-xogo”, “Os libros do tren”, “Pouquiño a pouco” e “Xeografía e historia”.

Empresa editorial fundada por Xulián Maure Rivas e Germán Sánchez Ruipérez en Vigo no mes de outubro de 1979. Dedicada á edición de libros en lingua galega, pertence ao Grupo Anaya. Naceu coa vontade de abranguer todos os campos da comunicación impresa e para contribuír á normalización da lingua en Galicia. En 1980 creáronse as tres primeiras coleccións “Montes e Fontes”, “Ventobranco” e “Fonteliña”. A partir de 1981 comezou a edición de libros de texto para EXB. Nese mesmo ano incorporouse Luís Mariño Pampín á dirección editorial. O lanzamento dos libros de Bacharelato produciuse en 1982, coincidindo coa presentación de dúas novas coleccións “Extramuros”, para a edición de libros en castelán e “Arroás”, na que se incluíron libros ilustrados. Ao ano seguinte creáronse tres novas coleccións “Xabarín”, para a publicación de literatura xuvenil en galego, “Narrativa” e “Xerais Universitaria”. En 1984 convocouse a primeira edición do Premio Xerais de Novela, e resultou gañador Carlos G. Reigosa...

Conxunto vasto e documentado de coñecementos, adquiridos sobre todo a través das disciplinas históricas e filolóxicas.

Colonización e repoboación das terras da Patagonia e da banda oriental da Plata establecida por Carlos III. Tratábase dunha emigración controlada e dirixida polo goberno español que tivo como finalidade a colonización da Patagonia mediante o traslado de familias enteiras con membros aptos para os traballos agrícolas e artesanais. Os emigrantes procedían de Galicia, Asturias e León, e a súa selección (entre 400 e 500 persoas por expedición) correspondeu á Comisión de Expedición de Familias. A Facenda Real corría cos gastos previos ao embarque das familias. A primeira expedición partiu do porto da Coruña e a pretensión de crear dous establecementos en Bahía Sin Fondo e San Julián chocou coa oposición do vicerrei Vértiz. A derradeira expedición partiu en 1784.

Novela de aventuras publicada en 1994, coa que Marilar Aleixandre acadou o Premio Merlín de Literatura Infantil e Xuvenil 1994 e o Premio da Crítica Galicia de Creación Literaria 1995, sendo a primeira vez que unha obra de literatura infantil e xuvenil levou este galardón. A acción sitúase no s XIX e nela cóntanse en primeira persoa as aventuras da narradora-protagonista, unha rapaza de doce anos chamada Emilia Goianes que escapa da casa e se agocha como polisón na goleta Resolución, para formar parte dunha expedición científica que ten como obxectivo realizar unha viaxe para explorar as terras do Pacífico e recoller mostras de plantas, animais e minerais. Cando o irmán de Emilia a descobre oculta no seu camarote, ambos deciden ocultar a súa identidade de muller baixo o disfrace dun rapaz ao que bautizan co nome de Marcos Goianes. Acompañan a protagonista da aventura un grupo de científicos, ademais do seu irmán, membro tamén da expedición. Intégranse na trama temas como as ideas feministas,...

Expedición carlista contra Madrid (do 15 de maio a outubro de 1837), dirixida polo pretendente Carlos María Isidro. Saíu de Estella, atravesou Aragón, entrou en Catalunya e chegou ao Ebro a finais de xuño. Proseguiu cara a València e despois de atravesar Cuenca, chegou a Madrid o 12 de setembro. R. Cabrera e os outros dirixentes quixeron asaltar Madrid, pero o cuartel xeral ordenou a retirada. A expedición, perseguida por Espartero, que obtivo unha vitoria en Aranjuez o 19 de setembro, volveu directamente a Navarra.

Que ou quen forma parte dunha expedición.

Acto polo que un Estado entrega a un estranxeiro a outro Estado que solicitou a súa comparecencia, en virtude dunha sentenza firme ou dun procesamento contra el. Baséase en acordos de dereito internacional, dos que se exclúen os delitos militares, fiscais e políticos.

Grupo editorial fundado na Coruña en 1985 e presidido por Francisco Rodríguez Iglesias. Está formado por Hércules de Edicións en Galicia, Hércules Astur de Ediciones en Asturias, Publicaciones Comunitarias en Andalucía e mais a Fundación Rodríguez Iglesias, establecida en 1997. O seu labor fundamental céntrase na difusión do Proxecto Galicia, conformado por 50 tomos que atenden as áreas de historia, xeografía, cartografía, antropoloxía, literatura, arte e natureza.

Calidade de incondicional.

Empresa editorial fundada en Vigo por Bieito Ledo Cabido en 1985. Ao longo da súa traxectoria exerceu a función de xerente Xelasio Suárez Santiso e desempeñaron o cargo de director literario Modesto Hermida (1985-1990), Antón Mascato (1991-1998) e Xosé A. Perozo (1998-2003). Comezou a súa andaina publicando dicionarios normativos en galego, para logo converterse nunha editorial con máis de catrocentos títulos repartidos en varias coleccións: Narrativa, onde se inclúen algúns títulos de autores galegos como Álvaro Cunqueiro, Francisco Fernández del Riego, Alfredo Conde, Xosé Mª Álvarez Blázquez, Xosé A. Perozo, Marilar Aleixandre e Tucho Calvo, ademais de traducións de autores estranxeiros, como Roald Dahl, Robert Musil ou Joseph Conrad; O Parrulo, dirixida aos primeiros lectores; Nabarquela e Elefante Contacontos, para o mundo infantil e xuvenil; Clásicos Universais, dirixida por Anxos Vázquez Rodríguez, en que se editan traducións de autores como Edgar A. Poe, Rudyard Kipling, F. Scott...

Acción e efecto de medir.