"Az" (Contén)

LOCALIDADES

Localidade do concello de Astorga, na comarca de La Maragatería, integrada na provincia de León e na Comunidade Autónoma de Castela e León. Situada á beira do Camiño Francés de peregrinación a Santiago de Compostela, constituía un concello independente ata a súa incorporación ao de Astorga. Declarado Ben de Interese Cultural, está considerado como o arquetipo da arquitectura popular maragata, pois conserva este estilo nos seus edificios, na estrutura e mesmo no pavimentado do asentamento.

PARROQUIA

Parroquia do concello de Laza baixo a advocación de san Pedro.

PERSOEIRO

Historiador e investigador cinematográfico. Licenciouse en Historia da Arte pola Universidade de Santiago de Compostela en 1987 e doutorouse en 1997 na mesma universidade. A súa actividade móstrase en artigos de revistas especializadas e en diversas obras como: La Coruña y el cine (1896 - 1996), (1996); A crise da transparencia clásica, enturbamentos e desaxustes no cine de Hollywood (1946 - 1960), (1997); El surgimiento del telefilme: los años cincuenta y la crisis de Hollywood: Alfred Hitchcock y la televisión, (1999) ou Alfred Hitchcock, (2000), entre outras. É coautor de libros sobre os cineastas Ramón Torrado e José Sellier. Dirixiu a revista cinematográfica Vértigo, publicada na Coruña entre 1991 e 1998. Colabora no Festival Internacional de Cine Independente de Ourense, para o que codirixiu a edición dos volumes dedicados a Antonio Casal, Wenceslao Fernández Flórez, Manuel Mur Oti e Gonzalo Torrente Ballester. Tamén participou como redactor en antoloxías e dicionarios cinematográficos...

GALICIA

Pintor. Discípulo de Vicente Díaz y González, participou en diversos certames e exposicións en España e no estranxeiro.

GALICIA

Escritora. Licenciada en Filoloxía Hispánica, colabora en distintos xornais e revistas. Publicou en castelán os poemarios Odisea definitiva (1984), Los versos del eunuco (Premio Hiperión 1986), Los hábitos del artillero (Premio Rey Juan Carlos 1988), De mi haré una estatua ecuestre (1997); unha serie de artigos recollidos en Diario de los años apresurados (1998); e no eido da narrativa El somier (1990) e La fiebre amarilla (1994). En galego deu ao prelo o poemario Baleas e baleas (accésit do Premio Esquío 1988).

PERSOEIRO

Compositor italiano. Estivo en diversas cortes italianas. Publicou Ricercari, motetti, canzoni (Ricercari, motetes, cancións, 1523). O seu fillo, Girolamo Cavazzoni (1525? - 1577?), coñecido como d’Urbino, foi un dos organistas italianos máis destacados do s XVI e traballou en Santa Bárbara de Mantua entre os anos 1565 e 1577. En 1543 publicou un libro de ricercari.

1. Acción e efecto de cazar. No Paleolítico foi o medio de vida e de subsistencia, mentres que no Neolítico (7.000 a C) foi un importante complemento da agricultura. Os últimos cazadores e recadadores localizábanse ata hai pouco en América do Norte, nas terras baixas de América do Sur, en Australia e en certas zonas de Siberia, de África e do sudoeste asiático. A súa práctica implicaba a existencia dunha poboación espallada e de baixa densidade, e adoitaba estar asociada a determinadas culturas e rituais máxicos propiciatorios. Nas culturas do Oriente Próximo, era unha actividade de lecer que practicaba a aristocracia que se transmitiu a Grecia, a Roma e, en xeral, á Europa medieval. Posteriormente, desenvolvéronse a montería e a cetrería. Ao aparecer as armas de fogo, modificáronse as técnicas anteriores e isto motivou a especialización dos cans (cans de mostra, de caza, de rastrexar, de presa). A caza salvaxe, sobre todo a caza maior, diminuíu co crecemento demográfico dos ss XVII e XVIII....

2. Arte de cazar.

3. 1. Animais que se cazaron ou que poden cazarse.

   2. Carne dos animais cazados.

4. Acción de perseguir un barco a outro para efectuar un recoñecemento, combatelo ou capturalo, ou dunha aeronave a outra, especialmente construída con esta finalidade.

5. Avión militar, xeralmente monopraza, de gran velocidade e de elevada potencia de fogo, destinado a asegurar o dominio do espazo aéreo contra os avións inimigos. Os primeiros cazas, aparecidos ao inicio da Primeira Guerra Mundial, eran aparellos de observación dotados de armamento. A partir do 1915 creáronse novos tipos de avións dedicados só a actuar como cazas. Durante a Segunda Guerra Mundial, a arma máis importante foi a metralladora, ata que apareceu o canón automático de calibre pequeno. Existen dous tipos de caza que non teñen relación co concepto orixinario: o interceptor ou avión de superioridade aérea, para as misións aire-aire, e o cazabombardeiro, para misións aire-terra.

6. Persecución contra calquera persoa, sen considerar a súa inocencia ou culpabilidade, dependendo unicamente de acusacións políticas e acompañada dun certo elemento de histeria. O senador Joseph McCarthy dirixiu, entre 1940 e 1960, unha campaña de caza de bruxas nos EE UU contra persoas sospeitosas de ter simpatías prosoviéticas ou comunistas, que incidiu especialmente en intelectuais e artistas da industria cinematográfica de Hollywood.

1. Que ou quen caza porque é a súa profesión ou como deporte. Na tradición oral recóllense ditos como: “A cazador novo, can vello. Cazador e troiteiro, nin ten boa meda nin bo palleiro. Cazador sen morral, caza pouco e caza mal”.

2. Aplícase aos animais que capturan a outros animais por instinto natural.

3. Soldado de infantería ou de cabalería pertencente a batallóns ou rexementos lixeiros. As primeiras unidades foron creadas por Federico II de Prusia en 1740.

4. Sociedade que vive dun conxunto de actividades de explotación dos recursos inmediatamente subministrados pola natureza, sen que esta sexa transformada (caza, pesca e recolleita de froitas, vexetais e outros recursos naturais como o mel ou o marisco), con fins alimentarios. Esta denominación xorde a partir das investigacións dos prehistoriadores, que demostraron a amplitude desta estratexia de subsistencia durante a Prehistoria, e aplícase aos grupos que subsistiron ao longo da historia. Os últimos localizáronse en América do Norte (costa NO de California, Alasca e N de Canadá), as terras baixas de América do Sur, Australia e certas zonas de Siberia e África austral. Tradicionalmente atribuíase a este tipo de sociedades un modelo social baseado na banda (segundo a denominación de Steward) ou horda (segundo Radcliffe-Brown), onde predominaban as relacións sociais igualitarias. Non obstante , a existencia de estratificación social nalgunha das sociedades, levou a antropólogos como Testart...

1. Chaqueta forte que usan os cazadores, os excursionistas ou calquera persoa que realice unha actividade semellante.

2. Chaqueta de la, de coiro ou doutro material, xeralmente aberta por diante, subida ata o colo e cinxida na cadeira e nos pulsos.

MUNICIPIOS

Municipio da comarca de La Sierra, situado na provincia de Sevilla, Andalucía, nos contrafortes de Sierra Morena, á beira do río Viar (5.229 h [1996]). A súa economía baséase na produción agrícola e gandeira. Destaca pola elaboración de anís, tanto seco como doce. Consérvanse os restos dun antigo castelo árabe e dunha cartuxa gótica do s XV.

PERSOEIRO

Realizador cinematográfico mexicano. Formouse no IDHEC de Francia. Cando regresou ao seu país tentou introducir novas tendencias pero sen romper coas antigas tradicións barrocas do cine mexicano. El jardin de tía Isabel (1971) é unha das súas realizacións máis destacadas. Dirixiu tamén: La manzana de la discordia (1968), Aquellos años (1972), Los motivos de Luz (1985) e Lo del César (1987).