"ALE" (Contén)

Aria de ópera, curta, de ritmo vivo e lixeiro con variacións, situada no seu período final, dueto ou concerto e que polo xeral pecha unha escena. Trátase dunha forma usual na ópera italiana do s XIX.

Persoa dunha aldea que tiña máis propiedades aforadas ca o resto dos veciños e que recollía e pagaba os foros de toda a comunidade.

Queixo asturiano de tipo azul elaborado con mesturas de leite cru, principalmente de vaca, con engadidos de leite de ovella e cabra, segundo dispoñibilidade estacional. Está protexido pola Denominación de Orixe. Madúrase en covas naturais situadas en paraxes escarpadas de grande altitude, propias da comarca asturiana de onde procede, dando lugar a un queixo de fina codia e masa semidura veteada (por balorecemento interno co fungo Penicillium glaucum) e pastosa, cun aroma complexo e intenso e cun gusto forte e picante. O callado é mixto, predominantemente enzimático. Haino desde graxo a extragraxo e consómese de semicurado a curado. A súa forma é cilíndrica irregular, cun tamaño moi variable; adoita pesar entre dous e catro quilogramos. Tradicionalmente, envolvíase en follas de pradairo para o seu transporte. O de mellor calidade é o da primavera e verán. Pódese consumir untado en pan ou batido con sidra. Calcúlase unha produción media de 180.000 kg cada ano de maneira artesanal....

Emisora radiofónica fundada en 1966 e implantada no ámbito estatal, pertencente á Sociedad Española de Radiodifusión (Cadena SER). Especializada en música e pioneira na “radio-fórmula”, elabora unha lista semanal cos corenta temas musicais de máis éxito no momento baixo o título de Los 40 Principales. Emite, amais, programas informativos musicais, concertos en directo, ou gravados, presentacións de discos e entrevistas a artistas e profesionais da música. Dirixida en Galicia por Anxo Botana (2000), conta cun coordinador en cada unha das delegacións e frecuencias, repartidas por Santiago de Compostela, A Coruña, Lugo, Ourense, Pontevedra e Vigo. Canal + e Canal Satélite Dixital emiten a mesma fórmula diaria nun canal temático denominado Cuarenta Principales.

Colección de textos dramáticos e outros materiais de carácter teatral que iniciou a súa andaina no ano 1978 co nome de Cuadernos da Escola Dramática Galega. Foi promovida por Francisco Pillado e Manuel Lourenzo como complemento ás actividades educativas da Escola Dramática Galega. Non obstante , perviviu moito máis alá no tempo, chegando ata o ano 1994 con cento cinco números publicados. Entre os obxectivos marcados polos seus fundadores estaba o de facilitar o acceso a textos moi importantes do teatro galego e do teatro universal ao crecente número de persoas interesadas na práctica teatral, ademais de promover a aparición e publicación de textos teatrais breves que, ata o momento, eran moi escasos na literatura galega. Esta publicación, que recibiu a axuda económica de Caixa Galicia, tivo o gran mérito de dar ao prelo importantes obras tanto de autores galegos coma estranxeiros, conseguindo así que saísen á luz obras fundamentais do teatro universal en galego e que se editasen...

Giuseppe Balsamo.

Masa moi fina, en estado líquido, de cal e xeso que se emprega para branquear ou obter baleirados.

Acción e efecto de calear.

Pintar con cal as paredes.

Membro da tribo de Xudá, fillo de Iefuneh, un dos trece enviados por Moisés dende o deserto de Parán para inspeccionar o país de Canaan, a Terra Prometida (doce en representación de cada unha das tribos de Israel e máis Xosué en representación do propio Moisés). Logo da expedición, Xosué e Caleb foron os únicos dos trece que apoiaron a Moisés na proposta de dirixirse cara a ese país, ao enfrontarse á oposición dos demais, que quedaran impresionados polo poderío militar dos cananeos. Segundo a Biblia (Números 14, 24), a confianza de Caleb na palabra de Deus foi recompensada: dos trece exploradores só Xosué e Caleb sobreviviron.

Nome dado polos romanos ao N da illa de Gran Bretaña, ao N dos estuarios Forth e Clyde. Estaba habitada polos pictos e os caledonios, pobos belicosos, feito que obrigou os romanos a construír o chamado valo de Adriano.

Canal de Escocia, que comunica o lago Linnhe, no Océano Atlántico, coa baía Moray, no mar do Norte. Construído por Thomas Telford, cunha profundidade de 5,5 m e unha lonxitude de 95 km, foi aberto en 1822.