"AVI" (Contén)

PERSOEIRO

Xornalista. Redactor de opinión de El Correo Gallego, foi xefe de prensa da Xunta de Galicia, presidente da Asociación da Prensa de Santiago, director da revista Abesana e cofundador de Teima. Foi tamén creador e impulsor dos programas Saber e xogar e Romarías e Etcétera (1989) da TVG, e da publicación Xornal Diario (1991). Participou na publicación de Cultura y medios de comunicación en sociedades dependientes (1982) e escribiu Disparos (1989), El Correo Gallego: Doce décadas de periodismo en Galicia (1991) e Sumud. Conversa con Palestina (2003). Recibiu o premio extraordinario Galicia de Xornalismo (1987).

RIOS

Río da vertente cantábrica que discorre polas provincias de Lugo e Asturias, con dirección S-N. Nace nas montañas do Cebreiro, en Pedrafita do Cebreiro, a 1.100 m de altitude co nome de Pedrafita, e desemboca na ría de Navia, Asturias, tras 11 km de percorrido.

PARROQUIA

Parroquia do concello de Vigo baixo a advocación de san Paio.

MUNICIPIOS

Municipio de Asturias, situado na costa cantábrica, onde desemboca o río homónimo (9.063 h [2001]). É o centro dunha zona agrícola e gandeira, onde a pesca tamén é importante. Hai industrias derivadas do sector primario.

GALICIA

Concello que pertence á comarca dos Ancares, situado no L da Comunidade Autónoma de Galicia e no centro-leste da provincia de Lugo. Limita ao N co concello da Fonsagrada (comarca da Fonsagrada), con Asturias e con León, ao S co de Cervantes (comarca de Ancares) e, novamente, coa provincia de León, ao L con Asturias, e ao O cos de Becerreá (comarca de Ancares) e Baleira (comarca da Fonsagrada). Abrangue unha superficie de 243,3 km 2 en que acolle unha poboación de 1.552 h (2007), distribuída nas parroquias de Barcia, Cabanela, Castañedo, Folgueiras, Freixís, Galegos, Moia, Mosteiro, Muñís, Penamil, Pin, A Proba de Navia, Queizán, Rao, A Ribeira, Ribón, Savane, Son, Vallo e Vilarpandín. A súa capital é a vila da Proba e a súa situación xeográfica é 42° 59’ latitude N e 6° 59´ lonxitude O, localizada a 71 km da capital provincial. Está adscrito á diocese de Lugo e ao partido xudicial da Fonsagrada.
Xeografía física
O relevo do concello inclúese dentro...

1. Que é de forma análoga á dunha nave.

2. Aplícase a algunhas depresións nos ósos.

3. escafoide.

1. Relativo ou pertencente a Navia ou aos seus habitantes.

2. Natural ou habitante de Navia.

MONTES

Monte situado no NL da parroquia de Nogueira (Sobrado). O seu cumio acada os 762 m de altitude.

1. Relativo ou pertencente ás naves ou á navegación.

2. 1. Persoa encargada de representar un barco no porto en que se atopa.

   2. Propietario dun barco ou de varios que explota en nome propio e por conta propia. Con frecuencia os barcos son explotados por sociedades ou armadores.

PERSOEIRO

Enxeñeiro francés. Ademais dos seus estudos sobre hidrodinámica (ecuación de Navier-Stokes), concibiu a primeira teoría xeral da elasticidade dos corpos sólidos. Xunto con Cauchy, enunciou as regras fundamentais do cálculo tensorial.

ENTRADA LARGA

Expresión matemática de equilibrio dinámico dun elemento de fluído, que no caso particular dunha corrente de fluído newtoniano (viscosidade cinemática constante), en réxime laminar, toma a forma:

FORMULA

sendo ¦Í a velocidade, F a forza activa aplicada á unidade masa, z a densidade, p a presión, ¦Ã a viscosidade cinemática e 6 o operador diferencial nabla. Desta fórmula pódese deducir a ecuación fundamental da hidroestática, ao facer ¦Ã = 0 (fluído perfecto) e -¦Í/-t = 0 (fluído en repouso ou en movemento continuo).