"RAM" (Contén)

PERSOEIRO

Escritor e xornalista. Colaborador de El Anunciador de Pontevedra e do Faro de Vigo, fundou en Madrid a revista Correspondencia de los Niños, xunto con José Chavarri. Ademais, pertenceu á redacción de El Magisterio Español e colaborou noutros medios de Madrid e Barcelona. Escribiu diversas obras teatrais e o libro de versos en galego A unha farruca.

PERSOEIRO

Político. En 1931 fundou as Juntas de Ofensiva Nacional Sindicalista (JONS). Despois da fusión entre FE (Falange Española) e as JONS pasou a ser dirixente desta organización (1934), aínda que a abandonou en 1935, ao considerar que se alonxara dos ideais nacionalsindicalistas. Ao comezo da Guerra Civil Española foi detido e fusilado.

PERSOEIRO

Economista ruso. Membro da Academia de Ciencias da URSS (1953), interveu na polémica sobre o papel da lei do valor na economía socialista e participou na elaboración do programa de ensino da economía política da URSS.

GALICIA

Xogadora de baloncesto. Gañou tres títulos da Copa da Raíña (1980, 1981 e 1983) e tres ligas (1976-1977, 1978-1979 e 1981-1982) co Real Club Celta de Vigo. Foi 51 veces internacional absoluta, 15 veces internacional júnior e unha vez campioa de España júnior.

1. Acción e efecto de librar algo ou a alguén dándolle a liberdade.

2. Acción de librar unha letra de cambio, pagaré, cheque ou calquera outro documento que teña función de xiro.

3. libracións.

PERSOEIRO

Antropólogo. Profesor de antropoloxía nas universidades de Hull, Sheffield e Londres, realizou traballos de campo en Barbados sobre a educación e o cambio social. Ocupouse tamén do estudo da historia das ideas antropolóxicas e o fenómeno do nacionalismo en Europa occidental. Publicou Hacia una historia de las ciencias sociales (1981), The God of Modernity. The Development of Nationalism in Western Europe (1994) e Manual de Antropología Social (1999).

PERSOEIRO

Militar. Capitán do exército, foi fusilado en Carral pola súa participación no levantamento de Solís no ano 1846.

PERSOEIRO

Escritor, filósofo, místico e misioneiro. Creador do lulismo, foi senescal de Xaime II de Mallorca. En 1274 escribiu Libre de contemplació e Art compendiosa d atrobar la veritat, dúas das obras máis representativas do seu pensamento filosófico. Denunciou os erros dos infieis e demandou a fundación de mosteiros e centros de formación de misioneiros en que se ensinasen as linguas dos infieis, para poder predicar a verdade cristiá. Desenvolveu un labor misioneiro en diversas expedicións pola costa S do Mediterráneo e puxo en práctica o seu proxecto en París, Nápoles, África e Tunes. Concibiu unha gran cruzada pero, aínda que o Concilio de Viena (1311) recolleu algunhas das súas propostas, non conseguiu o éxito esperado. A súa doutrina evolucionou no aspecto didáctico e con este fin simplificou a Ars magna primitiva ata chegar á Ars generalis ultima (1308). Os seus primeiros escritos filosóficos buscaron unha sistematización de ideas que iluminase a mente...

GALICIA

Fraile mercedario. Dirixiu o Colegio-Seminario de la Merced de Herencia (Cáceres) e en 1967 trasladouse a Brasil, onde foi bispo de Ceramo (1979).

PERSOEIRO

Escritor e xornalista. Foi un dos fundadores de El Europeo. En Madrid foi redactor da Revista Española e en 1833 fundou El vapor, que dirixiu en Barcelona. Desenvolveu unha teoría do romanticismo que propugnaba o medievalismo e o cristianismo e, á vez, unha actitude conciliadora e cosmopolita, propia do eclecticismo. Escribiu poemas neoclásicos, novelas históricas, como Los bandos de Castilla o el caballero cisne (1830), inspirada en Ivanhoe, a novela costumista Las señoritas de hogaño y las doncellas de antaño (1832) e Memorias del príncipe de Wolfer (1839).

GALICIA

Militar e político. Coronel de artillería, foi delegado en Ferrol de El Correo Gallego (1949-1959) e dirixiu a emisora de radio La Voz de Ferrol (1950-1963). Alcalde de Ferrol, foi procurador en Cortes en representación dos concellos da provincia da Coruña (1959-1963) e gobernador civil da provincia de Ourense (1963-1970).

PERSOEIRO

Escritor e xornalista. Desde 1815 foi membro da Sociedade Filosófica e foi un dos fundadores de El Europeo. Escribiu poemas neoclásicos, diversas novelas históricas, Los bandos de Castilla o el caballero cisne (1830), inspirada en Ivanhoe; a novela costumista Las señoritas de hogaño y las doncellas de antaño (1832) e Memorias del príncipe de Wolfer (1839).

GALICIA

Economista. É doutor en Económicas e catedrático da Universidade de Santiago de Compostela. Escribiu Cara unha visión crítica da economía galega (1975), Problemática nacional e colonialismo: o caso galego (1978), en colaboración con Francisco Rodríguez, Dialéctica do desenvolvimento: naçom, língua, classes sociais (1983), Estudio del sector forestal en Galicia (1989), O outro desenvolvemento (1990) e A Sede da terra: economía da áuga (1995).