"AN" (Contén)

GALICIA

Humorista. Coñecido como Xan das Canicas, traballou como reposteiro e actor. Home de grande enxeño, comezou a exercer a súa profesión despois de gañar no ano 1947 un concurso organizado por Radio Pontevedra. Foi na emisora Voz de Vigo, no programa Xuntanza de amigos, onde intensificou a súa participación no mundo radiofónico. Logo colaborou nalgúns programas de Radio Nacional de España e en Radio Pontevedra-Cadena Ser xunto á locutora María Elena Alonso. Viaxou polas principais cidades e vilas de Galicia, e percorreu Brasil, Uruguay, Arxentina, Venezuela e Colombia, onde triunfou na radio e na televisión. En América sería precisamente onde comezou a representar obras teatrais coa compañía Diosiño. Por mor da súa contribución ás causas humanitarias recibiu a Cruz da Solidariedade.

PERSOEIRO

Actor. Comezou a súa actividade ligado ao mundo do teatro, concretamente á compañía Mendizábal-Ros, coa que viaxou por América. Iniciouse no cine en 1934, cun pequeno papel en La hermana San Sulpicio, de Florián Rey. Traballou en Italia e México durante moitos anos, ata que en 1947 regresou a España para interpretar o papel de Sancho Panza na longametraxe Don Quijote de la Mancha. Participou tamén nos filmes Marcelino, pan y vino (1954) e Los jueves, milagro (1957).

GALICIA

Escritor. Foi coordinador da sección cultural de El Correo Gallego e, posteriormente, da edición galega de El Mundo. Publicou o libro de relatos e poemas Soño do violinista (1990); as novelas, Un home que xaceu aquí (1993), A man dereita (Premio García Barros, 1994) e Unha noite con Carla (Premio Xerais, 1995) e, como guionista de cómic, A irmandade dos lectores tristes (1994) e Flores desde Hiroshima, xunto con Rober G. Méndez (1995).

PERSOEIRO

Arqueólogo. Licenciouse en Sagrada Teoloxía no Seminario de Toledo, onde foi profesor de física e arqueoloxía sacra. En 1912 realizou os seus primeiros traballos de campo en Termes e Osma (Soria). En 1914 foi inspector das escavacións que a Sociedad Pro-Monte de Santa Tecla estaba a realizar no castro de Santa Tegra (A Guarda) e, en 1916, das do castro da Forca dos Cregos (A Guarda); así mesmo, inspeccionou outras escavacións en Jaén e Guadalajara. Publicou, entre outras obras, Importancia del estudo de las monedas (1903), Exploraciones arqueológicas. Citanias gallegas (1914), Monte de Santa Tecla, La Guardia (Pontevedra): exploraciones arqueológicas verificadas en los años 1915 a 1920 (1920) e Monte de Santa Tecla en Galicia: memoria acerca de los trabajos realizados en 1922-23 (1924). En 1916 ingresou na Real Academia de la Historia e recibiu o Premio da Xunta de Iconografía Nacional.

PERSOEIRO

Empresario galego. Foi o fundador do grupo de empresas Calvo, que iniciou cunha tenda de produtos coloniais situada en Carballo herdada do seu pai. Pronto orientou a actividade cara á exportación de fabas e, nos anos corenta, ás conservas de peixe. En 1956 creou a denominada “máquina calvo”, unha empacadora de atún que mecanizou o traballo da conserveira.

PERSOEIRO

Historiador e crítico de arte. Doutor en Filosofía e Letras e catedrático de Historia da Arte Contemporánea na Universidad Complutense de Madrid. Dende 1976 colaborou como crítico de arte no xornal El País. Foi director do Museo del Prado. É autor, entre outros, dos libros: Luis Gordillo (1981), La teoría de la pintura en el Siglo de Oro (1981), España, medio siglo de arte de vanguardia. 1939-1985 (1986), Vanguardia y tradición en el arte español contemporáneo (1988), Pintores españoles entre dos fines de siglo (1880-1990) (1990), Velázquez (1991), Luis Paret y Alcázar (1746-1799) (1991), La imagen románica de España: arte y arquitectura del s XIX (1994), El Greco (1995), El Guernica de Picasso (1999) e Libertad de exposición: una historia del arte diferente (2000).

GALICIA

Concello da comarca da Limia, situado na provincia de Ourense no S da Comunidade Autónoma de Galicia forma parte da denominada Raia Seca, é dicir, da fronteira política con Portugal. Limita ao N co concello da Porqueira, ao L cos concellos dos Blancos e Baltar (todos eles da Limia), ao S con Portugal e ao O con Muíños, na comarca da Baixa Limia, e Portugal. Situado Abrangue unha superficie de 97,7 km 2cunha poboación de 1.110 h (2007), distribuídos nas parroquias de Calvos, Castelaus, Feás, Golpellás, Lobás, Randín, Rioseco, Rubiás dos Mixtos e Vila. A capital municipal é o lugar de Calvos. Atópase a 41° 56’ de latitude N e 7° 53’ de lonxitude O, a 174 km da capital autonómica, Santiago de Compostela, e 68 km da cidade de Ourense. Está adscrito ao partido xudicial de Bande e á diocese de Ourense.
Xeografía física
O territorio de Calvos de Randín está baixo o dominio climático oceánico continental. Nas serras situadas ao S do termo municipal o clima...

PERSOEIRO

Poeta e libretista. Compuxo os libretos de diversas óperas que, musicadas por Gluck, reportaron unha gran renovación do xénero melodramático, como é o caso de Orfeo ed Erudice (Orfeo e Eurídice, 1762), Alceste (Alceste, 1767) e Paride ed Elena (Paris e Helena, 1770).

GALICIA

Pintor. Licenciado en Belas Artes en 1985, realizou a súa primeira exposición en Madrid en 1989. As súas obras amosan unha particular visión da natureza galega. Participou en numerosas mostras colectivas como Alternativas 80. Artistas galegos en Madrid (1985), na Bienal de Albacete (1986 e 1988), na Bienal de Pontevedra (1987) e en Galicia somos Nós (Bos Aires, 1989). En 1991 recibiu o segundo premio do certame de pintura Santa Lucía.

PERSOEIRO

Político e financeiro. Afiliado á Unión Liberal, participou na Revolución de 1868, foi ministro de Finanzas en catro ocasións entre 1872 e 1886 e declarouse partidario de sanear sen concesións a economía estatal. Intentou prescindir de impostos anticuados e aumentalos na rama industrial, feito que promoveu sonadas protestas en Barcelona (1882). En 1885 organizou as economías das provincias e a Inspección General de Hacienda.

1. Póla bieita de tendencia eremítica, fundada por san Romualdo no 1012 en Camaldoli (Toscana).

2. Rosario composto de dez contas.

3. Que ou quen ten unha actitude indolente.

GALICIA

Actriz. Licenciada en Filoloxía Galego-Portuguesa, comezou a facer teatro no ano 1982 no grupo Ancoradouro. Posteriormente traballou na Aula de Teatro da Universidade de Santiago de Compostela e en compañías profesionais como Teatro do Aquí, Uvegá Teatro, Centro Dramático Galego e Os Quinquilláns. Entre outros espectáculos, participou en Zocos (1998) e A señorita Xulia (2000), de Uvegá Teatro, e Xelmírez ou a groria de Compostela (1999) e Don Xoán (2000), do Centro Dramático Galego.

PARROQUIA

Parroquia do concello de Vila de Cruces baixo a advocación de san Salvador.