"AN" (Contén)

PERSOEIRO

Pintor. Formouse na escola de Bellas Artes de Madrid e en 1976 trasladouse a París. A súa obra inicial encádrase nunha corrente de abstracción xeométrica, sen embargo, desde 1980 seguiu unha orientación máis figurativa na que predomina a expresión, manifestada en series como El diluvio (1981), Omphalos (1984) e La grappa (1986).

IGREXAS

Igrexa parroquial situada en Pontevedra. A igrexa primitiva era románica con planta de salón e ábsida rectangular. En 1720 o abade do mosteiro de Poio, ao que pertencía a parroquia, mandou construír a capela maior, que realizou o mestre de obra Bieito Gosende. De planta cadrada, está cuberta por unha bóveda rebaixada que se divide en casetóns. A torre barroca ten tres corpos, construídos os dous primeiros por Mateo López e o último por Melchor de la Torre en 1782. O primeiro é liso cun fornelo que acolle unha imaxe gótica do s XIV da Virxe do O, mentres que os outros dous están decorados. No interior sobresae o altar maior, obra de Benito Rey Rodríguez e Xosé de Malvárez, coa figura sedente de san Pedro.

1. Persoa que interpreta pezas musicais tocando campás ou vasos de cristal.

2. Instrumento musical en forma de pirámide composto por unha roda provista de campás que soan ao xirar.

1. Que se mostra moi satisfeito consigo mesmo.

2. Que non ten preocupacións cando na súa vida existen motivos para telas.

1. Que ten algunha semellanza na forma coa campá.

2. Aplícase á linguaxe afectada e pomposa e á persoa que a usa.

1. Relativo ou pertencente á familia das campanuláceas.

2. Herba ou arbusto da familia das campanuláceas.

3. Familia de herbáceas ou arbustos da orde das campanulais, constituída por unhas 1.200 especies, propias das rexións temperadas do hemisferio norte, especialmente de Europa e do N de África, con algúns representantes no hemisferio sur. Pertencen a esta familia as borlas azuis, as campaíñas e as escurripas.

1. Relativo ou pertencente ás campanulais.

2. Planta da orde das campanulais.

3. Orde de plantas da subclase das astéridas ao que pertencen as familias das campanuláceas e das lobeliáceas.

PERSOEIRO

Político escocés. Coñecido como sir Henry, foi deputado do partido liberal desde 1868. Como ministro de Guerra (1886 e 1892-1895) opúxose ao enfrontamento cos bóers. Sendo primeiro ministro (1905-1908), liberou as actividades sindicais da acción da xustiza mediante a Trade Disputes Act (1906).

MUNICIPIOS

Municipio de Catalunya, na comarca do Ripollés, situado nunha chaira preto do río Freser (3.347 h [1996]). As principais actividades económicas son a agricultura de secaño e a cría de gando bovino, porcino e ovino, complementadas coas actividades das pequenas industrias téxtiles e metalúrxicas. Fóra da vila conta cunha igrexa románica.

PERSOEIRO

Arquitecto e pintor holandés. Influído pola arquitectura renacentista italiana, iniciou en 1633 con Pieter Post, o Mauritshuis da Haia por encargo do príncipe Mauricio de Nassau. Construíu tamén a casa do Concello de Amsterdam (1648-1655). Como pintor dedicouse sobre todo a temas mitolóxicos e históricos e traballou na decoración da vila real Huis ten Bosch.

PERSOEIRO

Escultor. Iniciou a súa obra, dentro dos canons neoclásicos, con tallas en madeira de estilo barroco como o San Bruno da cartuxa de Montalegre. Viaxou a Roma en 1797 e ingresou na Accademia di San Luca. Coñeceu a Antonio Canova e traballou nos talleres do Vaticano. Neste período realizou o Hércules Farnesio e o Neptuno. Profesor (1815) e director (1819) da sección de escultura da escola da Llotja de Barcelona, foi académico de mérito e escultor de cámara da Real Academia de San Fernando, e membro da Academia de Belles Arts de Barcelona (1850).

CIDADES

Cidade do estado de Paraíba, Brasil (351.606 h [1995]). Fundada en 1773 co nome de Princesa do Oeste, converteuse a mediados do s XIX nun dos principais centros produtores de café do Brasil. A partir do desenvolvemento económico logrado, consolidou unha industria que a sitúa como a maior cidade industrial do interior nordeste do Brasil. Posúe un centro de ensino superior, a Universidade Regional do Nordeste, fundada en 1966.

PERSOEIRO

Realizadora cinematográfica e antropóloga neozelandesa. Filmou diversas curtametraxes en Australia antes de coñecer o éxito internacional con obras como Sweetie (Rapaza, 1988), An Angel on my table (Un anxo á miña mesa, 1990), The Piano (O piano, 1992, Palma de Ouro en Cannes e Oscar á mellor dirección en 1993) e The Portrait of a Lady (Retrato dunha dama, 1996).

PUNTA

Punta do litoral da parroquia e concello do Vicedo, na beira oriental da ría do Barqueiro.