"GR" (Contén)

Que ou quen consagra.

[CRAE] Organismo que controla e protexe os produtos agrarios producidos de maneira ecolóxica ou orgánica, obtidos cunha elevada calidade e con ausencia de produtos químicos sintéticos (como moitos pesticidas e fertilizantes, que poden dar lugar a residuos nocivos) ou outras prácticas agresivas co contorno. Ampara tanto a produción primaria coma os produtos elaborados nas explotacións inscritas neles.

Asociación de igrexas cristiás recoñecida en Utrecht (1938) e definitivamente constituída na asemblea de Amsterdam (1948), onde se reuniron 351 delegados de 147 igrexas. Xurdiu como expresión do movemento ecuménico contemporáneo, do que chegou a ser unha peza fundamental. A Asemblea Xeral é o seu órgano supremo: toma as decisións, dá as directrices xerais e elixe un comité central e outro executivo. Posteriormente, celebráronse as seguintes asembleas: Evanston (Illinois, EE UU, 1954), con 502 delegados de 160 igrexas; Nova Delhi (India, 1961), con 577 delegados de 181 igrexas, na que entraron a formar parte todos os ortodoxos; Uppsala (Suecia, 1968), con 702 delegados de 202 igrexas; Nairobi (Kenya, 1975), con 747 delegados de 271 igrexas; e Vancouver (Canadá, 1983), con 784 delegados de 301 igrexas. En 1979 celebrouse a Conferencia Mundial sobre “Fe, Ciencia e o futuro” en Cambridge (Massachusetts, EE UU). No ano 1980, na asemblea celebrada en Melbourne, ampliou o seu traballo evanxelizador....

Pai ou nai dun dos cónxuxes con relación ao pai ou nai do outro.

Plataforma política creada o 9 de xaneiro de 1983 por representantes de México, Venezuela, Colombia e Panamá. Naceu coa finalidade de buscar, mediante negociacións multilaterais, unha solución pacífica e negociada aos conflitos de índole política, económica e social de América Central. Reunidos na illa de Contadora (Panamá), asinaron a Acta de Contadora para la Paz y la Cooperación en América Central, que acadou o apoio de diversas organizacións rexionais e internacionais, como o Consello de Seguridade das Nacións Unidas. En 1985 creáronse Grupos de Apoyo en Arxentina, Brasil, Perú e Uruguay que comezaron a reunirse cos conselleiros do grupo. En 1984 recibiu o Premio Príncipe de Asturias de Cooperación Iberoamericana e en 1985 o Premio Internacional Simón Bolívar.

Estratexia televisiva que consiste en non facer pública a programación prevista. Deste xeito, pódese cambiar para ofrecer mellores propostas ca as das outras cadeas e así restarlles audiencia.

Organización internacional creada por iniciativa de Turquía en 1992. No ano 2001 estaba integrada por Albania, Armenia, Acerbaixán, Bulgaria, Xeorxia, Grecia, Moldavia, Romanía, Rusia e Ucraína.

Instrumento de precisión utilizado en cartografía para a referencia automática das coordenadas xeográficas e a súa translación aos mapas.

Representación de Xesucristo como símbolo do seu amor humano e divino. Os cartuxos, os xesuítas e as relixiosas da Visitación tentaron estender a súa devoción, que parte das visións das santas Matilde e Xertrude (s XIII) e da santa Margarida María de Alacoque (s XVII), e que tivo unha primeira elaboración teolóxica na obra de Jean Eudes. Clemente XIII aprobou facultativamente o culto (1765), que estendeu despois a toda a Igrexa católica Pío IX (1856).

Relativo ou pertencente á coreografía.

Persoa que se dedica á coreografía.

Disciplina da xeografía que estudia uns sectores concretos da superficie terrestre. Os gregos foron os primeiros en seguir este enfoque nas súas narracións e mapas. Homero, Herodoto e Estrabón son os tres expoñentes máis brillantes; buscaban un coñecemento do seu país e das terras circundantes á súa área da ecumene, para obter uns datos económicos con vista á ocupación ou ás relacións comerciais, nas que se incluían ademais xuízos de valor. Esta tradición seguírona os romanos, mentres que os alexandrinos iniciaron unha tendencia máis científica. Pouco a pouco foi decaendo e no s VII só destacou a obra de san Isidoro de Sevilla. Os árabes, en plena expansión, recuperaron esta tendencia con moitas traducións do grego e outras novas contribucións. Durante o Renacemento, co descubrimento de novas terras, a corografía rexurdiu e apareceron numerosas cosmografías. Co comezo do ensino universitario da xeografía volveu de novo esta tendencia, sobre todo en Francia: a Géographie...

Relativo ou pertencente á corografía.

Persoa que se dedica á corografía.