"To" (Contén)

1. Relativo ou pertencente ao leptón.

2. Cada un dos números que se atribúen aos leptóns co fin de distinguilos. Son o número leptónico electrónico, o muónico e o tauónico. Nunha interacción, cada número leptónico consérvase.

1. Relativo ou pertencente ao biotipo leptosomático.

2. Biotipo, segundo a biotipoloxía de Ernst Kretschmer, dos individuos que se caracterizan por ser dunha estatura elevada, delgados e de musculatura pouco desenvolvida.

1. Relativo ou pertencente ás leptosporanxiadas.

2. Planta da subclase das leptosporanxiadas.

3. Subclase de plantas, da división dos pterófitos, que se caracteriza por presentar esporanxios que se forman a partir dunha soa célula e teñen paredes unistratificadas.

1. Relativo ou pertencente aos leptostráceos.

2. Crustáceo da orde dos leptostráceos.

3. Orde de crustáceos malacostráceos, da superorde dos filocáridos, de pequeno tamaño (ata 12 mm), co corpo provisto de oito segmentos abdominais e recuberto dunha cuncha bivalva. Habitan na zona litoral. Comprende algunhas especies, entre as que está a Nebalia bipes, común no Mediterráneo.

PERSOEIRO

Poeta. Influído na súa mocidade por A. S. Puškin, a súa obra orientouse cara a un romanticismo byroniano que daba importancia esencial á experiencia íntima do poeta. Posteriormente, acentuou os elementos realistas, o que se reflite, en parte, no seu paso á prosa cunha escolma de relatos capitais no tránsito do romanticismo ao realismo na literatura rusa, tal e como aparece en Geroj nasego vremeni (Un heroe do noso tempo, 1840). Da súa produción destacan as obras teatrais Os españois (1830), Homes e paixóns (1830), Mascarada (1836) e Os dous irmáns (1836), e a obra poética A morte do poeta (1837), obra que o fixo famoso e provocou o seu exilio ao Cáucaso.

PARROQUIA

Parroquia do concello da Laracha baixo a advocación de san Martiño.

GALICIA

Relixioso franciscano. Ordenado sacerdote en 1900, foi mestre de coristas en Canedo (Ponteareas) e gardián no mosteiro de Louro (Muros). Colaborou en varias publicacións e publicou Pláticas familiares sobre la Venerable Orden Tercera (1913), Camino del Cielo o sea Práctica de la oración mental al alcance de todos y Directorio espiritual (1929) e Vocación Religiosa (1929).

GALICIA

Mariñeiro e sindicalista. De ideoloxía anarcosindicalista, foi un dos fundadores da Unión Pesquera de Gijón, integrada en UGT en 1931, e un dos alicerces da súa posterior integración na CNT. Activo propagandista da Federación Regional de Industria Pesquera nas súas estancias en Galicia, sorprendeulle a Guerra Civil Española en Gijón, onde ocupou o cargo de delegado de Flota Mayor no Comité de Industrias Pesqueras e participou na Agrupación Confederal Galaica en Asturias. Coa caída da fronte do Norte, logrou escapar a València, onde exerceu de secretario da Federación de Agrupaciones de Gallegos Libertarios. Detido no Campo de Albatera (Alacant) no remate da contenda, pasou seis anos no penal de San Miguel de los Reyes (València). Liberado a finais de 1945, exiliouse en Tunes e, máis tarde, en Uruguay.