"EPA" (Contén)

Relativo ou pertencente ás hepaticais.

Briófito da subclase das hepaticais.

Subclase de hepáticas que presentan aparato vexetativo folioso ou taloide, células con numerosos cloroplastos, esporófito desprovisto de estomas, seta desenvolvida e carentes de columela. Comprende as ordes xungermanniais, esferocarpais e marchantiais.

Relativo ou pertencente ás hepáticas.

Briófito da clase das hepáticas.

Clase de biófritos que presentan protonema moi reducido, laminar, a caliptra persistente ou evanescente sen columela pero con eláteres. Comprende as subclases hepaticais e antocerais.

1. Relativo ou pertencente ao fígado.

2. arteria hepática

   Unha das tres ramas do tronco celíaco que penetra no fígado e está destinada á irrigación desta víscera. Proporciona arterias colaterais, como a gastroduodenal, pilórica e cística, e dúas terminais, a hepática dereita e a hepática esquerda, que regan, respectivamente, as metades dereita e esquerda do fígado.

Aplícase a quen padece do fígado.

Proceso inflamatorio que afecta ao fígado. A súa orixe pode ser vírica, debido a lesións hepáticas causadas por unha toxina ou danos hepáticos.

Hepatite producida polo virus da hepatite A (VHA). Transmítese pola vía fecal-oral, por inxerir alimentos ou líquidos contaminados con mínimas cantidades de materia fecal e por contacto estreito entre as persoas.

Hepatite producida polo virus da hepatite B (VHB). O virus atópase nos fluídos corporais, sangue, saliva, seme e outras secrecións, e transmítese por contacto directo con estes fluídos. É unha das hepatites máis graves, xa que pode desencadear cirrose ou cancro hepático.

Hepatite producida polo virus da hepatite C (VHC). O virus atópase nos fluídos corporais e transmÍtese por contacto directo con estes fluídos. Ten un mecanismo de acción peculiar, por introdución do ARN mensaxeiro viral no ribosoma, feito que provoca que este deteña o seu normal funcionamento e que inicie a produción das proteínas virales.

Hepatite producida polo virus da hepatite D (VHD). Trátase dun virus moi activo e co material xenético, ARN monocatenario, defectuoso. Para multiplicarse precisa que o hóspede estea infectado co virus da hepatite B, para utilizar o antíxeno de superficie do VHB, sintetizar a súa propia proteína externa e encapsular o seu material xenético. O VHD transmítese polo sangue e líquidos orgánicos, en forma similar ao VHB.

Hepatite producida polo virus da hepatite E (VHE). É un virus que se transmite a través dos alimentos ou de auga contaminada por materia fecal de individuos infectados, pero a diferenza do VHA non se propaga por estreito contacto de persoa a persoa. A infección por VHE é máis común ca a infección por VHA.