"Ith" (Contén)

PERSOEIRO

Cantante e actriz. De nome Édith Giovanna Gassion, foi descuberta por M. Chevalier e converteuse nunha célebre chansonneuse. Cun estilo lírico e roto, tras a Segunda Guerra Mundial foi a musa dos poetas e intelectuais do París da época. Das súas cancións, en que reflicte as traxedias da súa propia vida, cómpre destacar “Mon légionnaire”, “Non, je ne regrette rien”, “La vie en rose” e “Les amants de Paris”. Protagonizou algúns filmes (Étoile sans lumière, 1945) e recolleu a súa biografía no libro Au bal du chance.

PERSOEIRO

Poetisa alemá. Beneditina de Gandersheim, cultivou o estudo dos clásicos, que plasmou en numerosas composicións poéticas en latín, publicadas por Conrad Celtis en 1501.

PERSOEIRO

Actriz cinematográfica. Dos seus filmes destacan Romeo and Juliet (1936), Marie Antoinette (1938) e Her Cardboard Lover (1942). Gañou o Oscar á mellor actriz polo seu papel en The Divorcee (1930).

PERSOEIRO

Escritora inglesa. A súa obra foi un intento constante de renovación, que reivindicou con Façade (1922). Denominou a súa poesía “Patterns and Sounds” e, movéndose dentro do simbolismo, outorgoulle un valor primordial á semántica, como en Gold Coast Customs (1929). Destacan os seus escritos referidos aos bombardeos da Segunda Guerra Mundial, Still Falls the Rain, Street Songs (1942) e The Shadow of Cain (1947). Publicou Fanfare for Elizabeth (1946), The English Eccentrics (1933) e a súa única novela I Live under a Black Sun (1937). Recibiu o título de Dame Commander (1954).

PERSOEIRO

Economista escocés. Punto de partida da escola clásica, escribiu Inquiry Into the Nature and Causes of the Wealth of Nations (1776). A obra componse de cinco libros. O primeiro comeza coa división do traballo e continúa cos problemas do valor e o prezo. Non estableceu con claridade teoría ningunha de valor, senón que examinou as diversas partes do prezo das mercadorías, é dicir, os salarios, os beneficios e a renda da terra. O prezo fórmase no mercado, que tende a un equilibrio automático, entre demanda e oferta. É o que quere ilustrar a imaxe da man invisible. O segundo libro estuda a natureza e o proceso de acumulación do capital. A finalidade deste é conservar e aumentar o stock de bens que serven para o consumo inmediato da poboación. O traballo anual dun país é o fondo que lle proporcionan estes bens; distingue un traballo produtivo, que dá lugar a mercadorías físicas, e un traballo improdutivo, que non ten esta característica. O libro terceiro, de contido histórico,...

PERSOEIRO

Escultor. En 1933 construíu as primeiras esculturas de ferro soldado baixo a influencia de Picasso e J.González. Das obras de tendencia social (1937-1940), pasou a traballar estruturas primarias. Fixo grandes cubos de aceiro inoxidable e esculturas de ferro de dimensións urbanas.

PERSOEIRO

Cantante de jazz. Coñecida como Bessie Smith, en 1928 formou o seu propio conxunto, Midnight Steppers. Considerada a intérprete de blues máis destacada do período clásico do jazz, colaborou con J. P. Johnson, L. Armstrong e F. Henderson.

PERSOEIRO

Actriz cinematográfica canadense. Coñecida como Mary Pickford, fundou en 1919, xunto con Charles Chaplin, David W. Griffith e Douglas Fairbanks, a produtora United Artists. Foi protagonista de diversos filmes, como The Little Teacher (1909), Coquette (1929), pola que recibiu un Oscar; e Secrets (1933).

PERSOEIRO

Microbiólogo. Estudou medicina nas universidades de Illinois, California e Johns Hopkins, e foi profesor das universidades de Michigan e Johns Hopkins. En 1978 recibiu, xunto W. Arber e D. Nathans, o Premio Nobel de Fisioloxía e Medicina, polos traballos sobre os enzimas de restrición e as súas aplicacións nos problemas de xenética molecular.

PERSOEIRO

Político zimbabwés. En 1965 proclamou unilateralmente a independencia de Rhodesia. Implantou un réxime de segregación racial que provocou o illamento internacional de Rhodesia e unha sanguenta guerra de guerrillas. Despois das eleccións libres de 1980, foi membro do Parlamento, ata que en 1987 foi suspendido como parlamentario pola súa posición a favor do apartheid.

PERSOEIRO

Fundador da igrexa mormona. Escribiu o Book of Mormon (1830), que contiña unha historia de América desde a súa colonización por xudeus da época da torre de Babel ata a predicación do Evanxeo polo mesmo Xesús Cristo resucitado e a transcrición destes feitos polo profeta Mormón ao redor de 385. Organizou unha igrexa que espera a aparición da Nova Xerusalén en Kirtland (Ohio). Perseguido e expulsado, estableceuse cos seus seguidores en Nauvoo (Illinois) en 1840. Foi aprisionado, co seu irmán, e linchado.