"Rande" (Contén)

RIOS

Río da vertente atlántica. Nace en Baio (no concello de Zas) da confluencia de varios regos que baixan dos montes do Couso, na Terra de Soneira. O seu curso adopta unha dirección L-O coa que circula pola vertente meridional da serra de Pena Forcada, no N do concello de Vimianzo (parroquias de Salto, Calo e Carantoña). Finalmente serve de límite aos concellos de Vimianzo, Camariñas e Muxía, para desembocar na ría de Camariñas despois de percorrer 39 km e drenar unha conca de 282,9 km2.

RIOS

Río de Brasil (1.450 km). Nace na Serra de Mantiqueira e é un dos ramais principais do río Paraná.

DEPARTAMENTOS

Departamento de Haití (3.310 km2; 641.399 h [estim 1995]). A capital é Jérémie (43.277 h [1995]).

PERSOEIRO

Bioquímico. Licenciouse en Medicina en Madrid (1931), ampliou os seus estudios en Dinamarca con Krogh e en Alemaña con Meyerhof, en temas de metabolismo. Discípulo de J. Negrín, durante a guerra estivo en Madrid, onde creou un instituto de alimentación que dirixiu J. Puche, e estudiou a patoloxía da desnutrición e algunhas avitaminoses. Traballou en Göttingen, Copenhaguen, Lund e Londres. Catedrático de Fisioloxía e Bioquímica da facultade de Medicina de Zaragoza (1950), en 1953 marchou á Universidade de Minneapolis (Minnessota) e dirixiu o laboratorio do Mount Sinai Hospital; posteriormente, foi profesor de bioquímica na facultade de Ciencias de Zaragoza (1974). É autor de traballos básicos sobre o metabolismo dos lípidos, en particular do colesterol, e a función do glucagón. Das súas obras destacan Nutrición y salud e Reflexiones sobre nutrición humana.

RIOS

Río de México que nace no lago Chapala (515 km). É a continuación do río Lerma e discorre polos estados de Jalisco e Nayarit. Forma a fervenza de Junacatlán e desemboca no Océano Pacífico, preto da cidade de La Concha.

RIOS

Río da vertente atlántica. Nace na parroquia e concello das Somozas. O seu curso adopta unha dirección L-O coa que atravesa a parroquia de San Xurxo de Moeche (Moeche) para despois penetrar nos concellos de San Sadurniño (parroquias de Lamas, Ferreira e San Sadurniño) e Narón (Pedroso e Doso); neste último concello vira primeiro cara ao SO e posteriormente, nun treito que serve de límite aos concellos de Narón e Neda, cara ao NO, ata Xubia, onde desemboca na ría de Ferrol logo de percorrer 31 km e drenar unha conca de 182,3 km2. Na súa desembocadura achega un caudal medio de 30,2 l/s/km2.

PERSOEIRO

Escritor e crítico. Editor de Cuadernos Hispanoamericanos, publicou, entre outras obras, Las piedras (Premio Adonais 1963), Música amenazada (1966), Las rubáiyátas de Horacio Martín (Premio Nacional de Literatura 1978), Memoria del flamenco (Premio Nacional de Flamencología e Premio Hidalgo 1980), Biografía. Poesía completa (1958-1984) (1986), Sobre el amor y la separación (1996) e Té con pastas (2000). É membro da cátedra de Flamencología y Estudios Folklóricos andaluces.

GALICIA

Xornalista. Redactor xefe de Telelugo. Foi xefe de informativos de Radio Lugo-Cadena SER, redactor do xornal El Progreso, onde foi xefe das seccións de Suplemento e Cultura, e colaborou con traballos de creación literaria e ensaio en diversas publicacións. Ademais dos fascículos La guerrilla antifranquista en Lugo e El crimen de la media legua, escribiu os libros Pucharcas (1981) e Tabernarios (1992), e colaborou en Primeiras xornadas de teatro na radio (1989), Contos do camiño e Píntalo de verde. Obtivo en 1989 o Premio Galicia de Xornalismo.

GALICIA

Escritor. Cultivou a literatura desde moi novo e escribiu varias novelas, contos e poesías. Da súa produción destaca El cerezo, La espada, El chulo (Premio Nacional do SEU) e a novela curta de carácter autobiográfico   Una vida en seis meses (1959).

ILLAS

Illa das Antillas francesas que forma a parte oriental de Guadalupe (595 km2; 185.370 h [1990]). A capital e o porto principal é Pointe-á-Pitre (26.029 h [1990]). Ten produción de cana de azucre e gandería bovina.

REXIÓNS

Rexión situada no centro de Canadá e dos EE UU que se estende desde o escudo canadense ata a chaira costeira do golfo de México. Ao O limita coas Montañas Rochosas, e ao L coa rexión das praderías e a chaira aluvial do Mississippi. Xeoloxicamente está formada por xistos, arxilas e areas sedimentarias con algún depósito glacial. O clima é árido, e os ríos principais que a atravesan son o Missouri, o Arkansas e o Colorado de Texas.

1. Calidade de grande ou importante.

2. Importancia que se dá unha persoa por se crer superior aos demais.

3. Honorabilidade moral que amosa unha persoa.

4. 1. Dignidade de Grande de España.

   2. Conxunto dos grandes de España.