"Tm" (Contén)

1. Banda estreita de terra que une dous espacios maiores.

2. 1. Paso estreito que une dúas cavidades ou dous órganos.

   2. istmo da gorxa

      Pasaxe estreita entre a boca e a farinxe.

   3. istmo do corpo tiroide

      Porción que une os dous lobos da glándula tiroide.

CAPITAIS

Capital de Nepal, situada no centro do país, preto da confluencia dos ríos Bāghmati e Vishnumati (696.852 [2001]). A aglomeración abrangue tamén as cidades de Bhaktapur e Patan. É o centro administrativo e comercial do país, onde se concentran a maior parte das instalacións industriais nepalís. Centro relixioso budista, conserva numerosos santuarios.

1. Número a tal que, dado un número b, real, positivo e distinto de 1 (denominado base) e un número calquera n, real e positivo, cumpre que b elevado a a, é igual a n, é dicir, ba= n. Denomíase logaritmo de base b de n, e represéntase por logbn = a. As propiedades fundamentais dos logaritmos son:
   
   
   FORMULA
   
   
   Os logaritmos constitúen un instrumento matemático que facilita e abrevia moitos cálculos complicados. Os máis utilizados correntemente no cálculo son os logaritmos decimais ou de Briggs, que son os logaritmos de base 10 e que se representan cos símbolos log10, log ou lg. Pola contra, nos cálculos diferencial e integral utilízanse os logaritmos naturais ou neperianos, que son os logaritmos de base e, representados cos símbolos loge, ln ou l. No caso dos logaritmos decimais, denomínase...

2. Logaritmo decimal dun número menor ca l e característica negativa, á que se lle aplica certo artificio para que sexa sempre positiva. Os logaritmos aumentados ideáronse para diminuír as probabilidades de erro nas operacións con logaritmos e certos tipos de cálculos, como os de navegación astronómica, artillería e topografía.

PERSOEIRO

Inventor alemán. Reloxeiro de oficio, emigrou moi novo a EE UU, onde puxo en práctica, en 1884, unha máquina que compoñía liñas enteiras para a impresión. O linotipo de Mergenthaler, sucesivamente perfeccionado, foi utilizado nas imprentas de todo o mundo.

PERSOEIRO

Filólogo alemán. Estudou filoloxía románica e árabe nas universidades de Colonia e París e doutorouse cun traballo sobre o teatro relixioso de Tirso de Molina. Desde 1962 dirixiu o seminario de filoloxía románica da Universidade de Münster. Especialista en literatura medieval, é autor de diversos estudos de crítica literaria e de edicións de textos casteláns (Historia de la Donzella Teodor, La Celestina), cataláns e franceses (Roman de Tristan, Villon). Ademais fixo diversas edicións e ensaios de obras medievais da literatura galega como a das Cantigas de Santa María de Afonso X o Sabio (1959-1972), das que elaborou diferentes edicións en Galicia e Portugal. Foi coeditor da revista Ibero-Amerikanisches Archiv e dirixiu a colección La Littérature dans la Péninsule Ibérique aux XIVe et XVe siècles (1983-1985). É membro da Rheinisch-Westfälische Akademie der Wissenschaften e membro correspondente da Academia de Ciências de Lisboa (2002) e da Akademie der Wissenschaften en...

PERSOEIRO

Químico alemán. Estudou na Universidade de Würzburg, onde se doutorou en 1977. Traballou no Max-Planck-Institut für Biochemie (Martinsried). Recibiu o Premio Nobel de Química (1988), xunto con R. Huber e J. Deisenhofer, polos seus traballos sobre o coñecemento da estrutura molecular das proteínas das membranas celulares fotosintéticas e a transferencia dos electróns na fotosíntese.

PERSOEIRO

Teólogo alemán. Pertenceu á Igrexa Evanxélica reformada, e destacou pola súa obra Theolofie der Hoffnung (Teoloxía da esperanza, 1968). Tamén escribiu, entre outras obras, Der Mensch (O home, 1971), Der gekreuzigte Gott (O Deus crucificado, 1971) e Kirche in der Kraft des Geistes (A Igrexa na forza do Espírito, 1975).

MUNICIPIOS

Municipio da provincia de Barcelona, Catalunya, situado no val do Congost (8.592 h [2001]). A industria é a actividade máis importante do termo, e destacan as empresas alimentarias, da construción e químicas. Posúe un circuíto de velocidade onde se disputa o Gran Premio de Catalunya de motociclismo e automovilismo.

PERSOEIRO

Mariscal, par e condestable de Francia, duque de Montmorency. Gobernador de Languedoc, defendeu Provenza contra o Emperador Carlos V e reinando Carlos IX de Francia, formou parte do triunvirato católico (1561) fronte aos hugonotes. Morreu na loita contra eles, dirixindo o exército católico en Saint-Denis.

PERSOEIRO

Político flamengo, barón de Montigny. Foi enviado por Margarida de Parma, gobernadora dos Países Baixos (1559-1567), preto de Filipe II (1566), para negociar unha solución ao problema flamengo. A crise de Flandres agravouse e foi feito prisioneiro e executado secretamente.

PERSOEIRO

Nobre, conde de Horn. Loitou pola liberdade dos Países Baixos contra a dominación hispánica. Á chegada de Xoán de Austria, foi arrestado e decapitado.

PERSOEIRO

Mariscal de Francia, duque de Luxemburgo. Participou nas Revoltas de Fronda, pasou ao servizo de Filipe IV e despois do Tratado dos Pireneos (1659) volveu ao servizo de Francia.

PERSOEIRO

Nobre flamengo, conde de Horn. Participou nas batallas de Saint-Quentin (1557) e de Gravelines (1558). Xuntamente co conde de Egmont e Guillerme I de Orange-Nassau, en 1566 iniciou a revolta dos nobres flamengos contra a dominación hispánica. Á chegada do duque de Alba foi arrestado e decapitado.