"AP" (Contén)

1. Relativo ou pertencente aos baptistas ou á súa doutrina.

2. Membro dunha das principais igrexas denominadas libres ou “non conformistas” dentro do Protestantismo. A característica principal desta igrexa é o bautismo por inmersión. O seu antecedente histórico máis próximo é o movemento anabaptista. Os baptistas afirman a necesidade dunha experiencia relixiosa persoal ou conversión para poder formar parte da Igrexa coma o corpo místico de Cristo. As igrexas son de carácter local, e adoitan agruparse para uns fins determinados. Practican dúas ordenanzas: o bautismo, sempre de crentes e por inmersión, e a santa cea ou comuñón. A organización baptista máis representativa é a Alianza Baptista Mundial, que agrupa uns 30 millóns de fieis, presente en 125 estados. No 1920 o comité executivo da Alianza Baptista Mundial decidiu que España, como misión, quedaría a cargo da Convención Baptista do sur dos EE UU.

PERSOEIRO

Político e diplomático boliviano. Desempeñou misións diplomáticas na Guerra do Pacífico (1879-1883). Foi presidente do senado e vicepresidente da República. En 1892, apoiado polo presidente saínte Aniceto Arce, accedeu á presidencia da República (1892-1896). Emprendeu unha política de mellora do ensino público. En 1893 decretou unha amnistía que permitiu o regreso do antigo presidente Hilarión Daza.

1. 1. Nunha igrexa, lugar onde está a pía bautismal.

   2. Edificio, próximo a un templo, no que se administraba o bautismo.

2. Pía bautismal.

3. Nos primeiros séculos do Cristianismo e a causa das persecucións, efectuábanse os bautismos nos lugares onde había auga natural ou ben nas casas particulares, probablemente tamén nas catacumbas. Os baptisterios máis antigos, que datan do final do s III e inicios do s IV, deben a súa tipoloxía arquitectónica á práctica do rito da inmersión. Eran construcións romanas aproveitadas como San Xoán de Letrán (Roma, s IV) ou ben salas anexas ás igrexas. Máis tarde, xeneralizáronse os baptisterios autónomos de planta circular, cadrada ou poligonal, con piscina centralizada, provistos en certos casos de deambulatorio e de pequenas ábsidas, con cubertas cupuladas e ás veces cunha decoración de mosaicos como o de Ravenna (s V). Cómpre destacar, entre os baptisterios repartidos por todo o ámbito mediterráneo, o de santo Ambrosio de Milán (s V), prototipo dos baptisterios octogonais, o da Provenza (s V), o de Pisa (1153-s XV), ou o de Florencia (rematado en 1520). O único baptisterio autónomo claramente...

CIDADES

Cidade do condado de Nottinghamshire, Inglaterra, Reino Unido (64.599 h [1981]). É o centro industrial do Nottinghamshire, onde se asentaron industrias químicas, téxtiles, de construción mecánica, equipamento para a telecomunicación e confección e fabricación de mobles. Así mesmo, desenvolveuse como área residencial obreira de Nottingham.

PERSOEIRO

Escritora e feminista inglesa. Considerada a primeira muller profesional das letras no seu país, escribiu dezasete obras de teatro, trece novelas e varias coleccións de poemas e traducións. En 1670 representouse a súa primeira comedia: The Forced Marriage (Matrimonio forzado, 1671). A novela Oroonoko (1688), obra de tema antiescravista, anticípase ao realismo da narración inglesa posterior. Defendeu a autonomía da muller e o seu dereito a unha educación en igualdade de condicións respecto ao home.

PERSOEIRO

Duque de Istria. Mariscal francés. Loitou con Napoleón nas campañas de Exipto, España e Rusia. Morreu. Morreu sendo comandante en xefe da cabalería francesa mentres inspeccionaba o desfiladeiro de Rippach antes da batalla de Lützen

1. Uso terapéutico das radiacións β emitidas polo radio ou os isótopos radioactivos.

2. Utilización terapéutica de feixes de electróns producidos por aceleradores de partículas como os betatróns, para a irradiación profunda de certos cancros.

1. Que presenta unha capa dobre ou dúas capas.

2. Asociación de fosfolípidos que nun medio acuoso enfrontan os seus extremos apolares (partes hidrófugas) e manteñen en contacto co medio os seus grupos polares (partes hidrófilas); deste xeito pódense formar vesículas ou liposomas pechados sobre si mesmos.