"AVI" (Contén)

PERSOEIRO

Entrou en contacto coas vangardas. Foi influído por diversas fontes, entre elas o seu propio irmán, o pintor Giorgio de Chirico. Influíu en André Breton e o surrealismo. Foi autor da peza teatral Chants de la Mi-Mort (1914), das novelas Infanzia di Nivasio Dolvemare (1941), Narrate, uomini, la vostra storia (1942) e Casa “La Vita” (1943), da ópera Orfeo Vedovo (1950) e do ballet Vita dell’uomo (1951).

PERSOEIRO

Militar alemán. Vetado por Napoleón I, actuou na clandestinidade ata que, iniciada a guerra (1813), fixo as funcións de xefe de estado maior de G. L. Blücher. Morreu na Batalla de Grossgörschen.

PARROQUIA

Parroquia do concello de Coristanco baixo a advocación de san Mamede.

MUNICIPIOS

Municipio da provincia de València, Comunitat Valenciana (8.457 h [2001]). O aumento da poboación converteuno nun barrio da cidade de València.

GALICIA

Filólogo. Licenciado en Filosofía e Letras, foi vicepresidente da Asociación de Tradutores Galegos e, desde 2000, presidiu a Organización Española para el Libro Infantil y Juvenil (OEPLI) e foi subdirector xeral de Promoción Cultural da Consellería de Cultura. Coordinador e autor de libros de texto, escribiu Gillermo Tell. Lenda suíza (1984) e traduciu, entre outras obras, Os dentes do león (1984), Polgariño (1991), Ética para o meu fillo (1996) ou O colar do rei (1996). Recibiu o Premio Francisco Fernández del Riego á cooperación no labor editorial (2005).

GALICIA

Escritor. Licenciado en Filoloxía Románica pola Universidade de Santiago de Compostela, foi un dos membros fundadores da revista Luzes de Galiza. Realizou diversos proxectos en vídeo, centrados sobre todo na obra de Luís Seoane, e participou na organización de exposicións relacionadas co mundo das artes. Colaborador de diversas publicacións como Agália, Grial, A Nosa Terra e La Voz de Galicia, na súa obra poética incluíu diversos símbolos e mitos, e tentou amosar unha visión poética anovadora combinada cunha vinculación á terra. Publicou os poemarios A caluga do paxaro (1979), Os bosques encendidos (1981), Presencias (A saudade do corredor do fondo) (1985), Iniciación e regreso (1985, Premio Cidade da Coruña 1982), O Canto da Terra (1987), Regreso e Advenimento (1990), Eu tamén oín as voces do orvallo (1994), Umbral de Vida (1996, Premio Esquío 1999) e Dársenas do ocaso (2002). Editou...

PERSOEIRO

Emperador romano (306-307). Proclamado césar grazas á intervención de Galerio, chegou a augusto despois da morte de Constancio. Loitou contra Maxencio, pero foi traizoado e tivo que refuxiarse en Ravenna, onde se rendeu.

PERSOEIRO

Músico hindú. Formado na tradición Guru-Shishya, destacou como intérprete de sitar. Foi o fundador da orquestra nacional hindú e da Kinnara School of Music de Bombai, e compuxo bandas sonoras como a de Gandhi (1982), de R. Attenborough.

GALICIA

Debuxante e ilustrador. Coñecido como Kiko da Silva, licenciouse en Belas Artes pola especialidade de pintura. Comezou en fanzines como Nicasso e Nova línea, e na revista Elipse. Cartelista, director e promotor da revista BD Banda, como humorista gráfico traballou en La Voz de Galicia, no suplemento “Xatentendo.com” e na revista Golfiño, onde publicou a serie “Fiz nos Biosbardos”. Ten ilustrado libros como A verdadeira historia do pirata Xocas (1999), A memoria das árbores (2001), De rato de campo e rato de cidade (2002) ou Que contan as ovellas para durmir? (2004). Recibiu o Premio Ourense de Banda Deseñada ao Mellor Autor Afeccionado (1996), o Prémio de humor do Muséu da Imprensa do Porto e un accésit no concurso de ilustración organizado polo INJUVE (2002).

PERSOEIRO

Pintor e muralista mexicano. A súa pintura mostrou o triunfo da revolución a partir de morfoloxías neorrealistas. Como D. R. Rivera e J. C. Orozco, en 1922 comezou a realizar pinturas monumentais, ao tempo que mantiña unha actividade política directa como secretario da Confederación Sindical Unitaria. Exiliado, percorreu EE UU, Uruguay e Arxentina (1932-1934), poñendo en práctica as técnicas murais máis vangardistas. Pintou os frescos para a Casa del Sindicato de Electricistas (1939, México) e a Escuela Méjico de Chillán (1941-1942, Chile). Durante a posguerra fixo grandes ciclos histórico-simbólicos como La revolución mexicana e La marcha de la Humanidad (1967).

PERSOEIRO

Bispo. Discípulo de san Pedro ou de san Hermágoras de Aquileia, foi o primeiro bispo de Pavia. Segundo a lenda, tivo un papel importante na multiplicación dos pans que fixo Xesús. Represéntase con vestiduras episcopais e leva como atributo persoal un pan na man. A súa festividade celébrase o 9 de decembro.

PERSOEIRO

Escultor. En 1933 construíu as primeiras esculturas de ferro soldado baixo a influencia de Picasso e J.González. Das obras de tendencia social (1937-1940), pasou a traballar estruturas primarias. Fixo grandes cubos de aceiro inoxidable e esculturas de ferro de dimensións urbanas.

PERSOEIRO

Fisiólogo e xenetista. Estudou no Darmouth College e nas universidades de Harvard e Texas, e foi director do Jackson Laboratory Bar Harbor (Maine). Os seus traballos centráronse no estudo dos antíxenos de histocompatibilidade, responsables do rexeitamento dos transplantes. En 1980 recibiu, xunto con con J. Dausset e B. Benacerraf, o Premio Nobel de Fisioloxía e Medicina polos seus descubrimentos no campo da inmunoloxía e os estudos sobre os transplantes de tecidos.

PERSOEIRO

Político, neto de Salvador de Madariaga. Catedrático de Física na Universidad Complutense de Madrid, foi militante do PSOE desde 1964, e deputado entre 1977 e 1996. Foi ministro de Cultura (1982-1988), de Educación e Ciencia (1988-1992), de Asuntos Exteriores (1992-1995) e voceiro do Goberno (1985-1988) en España. Secretario xeral da OTAN (1995-1999), desde 1999 foi nomeado secretario xeral da Unión Europea Occidental (UEO), do Consello de Ministros da Unión Europea e alto representante da Unión Europea no ámbito da Política Exterior e de Seguridade Común (PESC), cargo para o que foi reelixido en 2004.

GALICIA

Empresario. Licenciado en Ciencias Políticas e Económicas, traballou para o Grupo Loewe (1963-1975) e para Liferpharma Laboratorio de España SA. Subdirector xeral de Plus Ultra Seguros, foi director de CABSA Red Supermercados INI, presidente executivo de CABSAFRICA, do matadoiro industrial Gypisa e de Conservas vegetales y cárnicas, CARCESA. Así mesmo, foi director xeral de ENDIASA e de Aguas de Mondariz, presidente do Balneario de Mondariz e presidente de Thomil, SA, vicepresidente do Instituto de Empresa e do Círculo del Progreso e administrador de Chocolates Eureka. Membro do Padroado Fundación Instituto de Empresa e presidente da Fundación Balneario de Mondariz, contribuíu de xeito relevante ao fomento e á promoción do turismo en Galicia. Recibiu a Medalla de prata de Galicia (2004).

GALICIA

Ilustrado. Foi avogado, procurador xeral e rexedor da Coruña. Foi deputado pola Coruña na Xunta do Reino celebrada en 1800, un dos fundadores da Academia de Agricultura e un dos membros da Xunta Suprema e Gobernativa de Galicia (1808). Analizou o atraso económico de Galicia. Escribiu Estorbos y remedios de la riqueza de Galicia (1775).

PERSOEIRO

Atleta cubano. Especialista en salto de altura, foi campión olímpico en Barcelona 1992. Dobre campión mundial en Stuttgart 1993 e Atenas 1997, ostenta a mellor marca mundial ao aire libre desde 1993, que bateu en tres ocasións. Ademais, foi medalla de prata en Sydney 2000. Recibiu o Premio Príncipe de Asturias de los Deportes (1993).