"To" (Contén)

1. Muro protector que se adoita poñer nos lados de plataformas altas, como as dos balcóns e pontes, para evitar caídas ou poder asomarse sen perigo.

2. Parte inferior e horizontal dunha fiestra onde se apoia quen se asome para ver o exterior.

3. Superficie exterior ou derramo do muro dun van.

1. Estudio ou traballo preliminar gráfico, técnico, xurídico, económico, etc, que serve de base á redacción definitiva dun proxecto, dunha normativa, dunha lei, etc.

2. Proposta provisional que eleva un ministro ou conselleiro ao consello de ministros ou consello do goberno autónomo co fin de proceder á redacción definitiva dun proxecto de lei e a súa presentación ao parlamento.

1. Que combate as criptógamas.

2. Substancia química aplicada no tratamento das enfermidades das plantas producidas por fungos e por bacterias. Entre os produtos de máis alto valor anticriptogámico están o xofre, o cobre e os funxicidas sintéticos.

1. Que evita a detonación.

2. Substancia que, engadida á gasolina, evita nos motores de explosión, a detonación espontánea mesmo a compresións elevadas. O máis utilizado é o tetretilchumbo, produto que actúa interrompendo as cadeas de reacción e ao cal se suman algúns hidrocarburos haloxenados para evitar a deposición do chumbo e do óxido de chumbo no motor.

1. Substancia que actúa sobre un veleno e evita os seus efectos tóxicos. A acción dos antídotos pode ser física, química ou fisiolóxica. Teñen unha acción puramente física as graxas e os mucilagos, que forman unha película ao redor de certas substancias velenosas e así retardan a súa absorción, ou tamén o carbón activo, eficaz polo seu poder absorbente. No caso dos antídotos químicos prodúcese unha reacción entre o antídoto e o veleno (neutralización, precipitación, transformación nun composto non tóxico). Os antídotos fisiolóxicos neutralizan os efectos do tóxico sobre o organismo e exercen unha acción antagónica.

2. Medio ou preservativo para non caer en ningunha falta ou vicio.

PERSOEIRO

Científico grego. Foi a primeira persoa, da que temos coñecemento, que constatou a relación entre a Lúa e as mareas. Foi o autor dun escrito sobre curiosidades zoolóxicas.

PERSOEIRO

Xeneral de Alexandre o Grande. Á morte deste, gobernou Frixia e outros territorios de Asia Menor. Baixo a rexencia de Antípater, foi nomeado xeneral dos exércitos de Asia e loitou contra Seleuco I, Rei de Babilonia, e unha coalición de xenerais. Ao rematar a guerra (311), Antígono dominou toda Asia Menor, Siria e unha boa parte de Mesopotamia. No ano 306 proclamouse, xunto co seu fillo Demetrio, “Rei”. Foi vencido en Isios, cidade de Frixia.

1. Que combate a gota.

2. Substancia empregada no tratamento da gota. Actúan como antigotosos as drogas uricosúricas, que aumentan a excreción de ácido úrico, o alorupinol, que inhibe os últimos pasos na biosíntese do ácido úrico, e a colquicina, que diminúe a fagocitose dos cristais de urato.

1. Que actúa contra as inflamacións.

2. Fármaco utilizado para combater a inflamación. Os antiinflamatorios divídense en específicos e non específicos. Entre os primeiros están os sales de ouro e a penicilamina, indicados na artrite rematoide. Entre os segundos existen dous grandes grupos, os corticoides e os antiinflamatorios non esteroidais, que se subclasifican en derivados salicílicos e non salicílicos. Poden utilizarse por vía xeral ou tópica. Tamén o frío pode actuar como antiinflamatorio posto que produce unha vasoconstrición periférica.