"ROM" (Contén)

Organización non gobernamental internacional que agrupa a personalidades de sobresaínte habilidade intelectual e que contan cunha destacada reputación polo seu traballo profesional. Ten como obxectivo actuar como un catalizador mundial para conseguir cambios independentes de calquera interese político, económico ou comercial e que axuden a mellorar a calidade de vida da poboación, e tentan contribuír na obtención de solucións da problemática mundial. Realizan unha conferencia anual, que sempre se efectúa nun país diferente, ademais de reunións rexionais que abordan problemas e temas coxunturais. Entre os principais temas de traballo destacan o medio natural, a demografía, o desenvolvemento, o mundo económico e a orde financeira, as novas tecnoloxías, a educación e a nova sociedade global.

Joan Roma Cararach.

Asalto e saqueo da cidade de Roma levado a cabo o 6 de maio de 1527 polo exército imperial durante o enfrontamento entre o Emperador Carlos V de Alemaña e Francisco I de Francia polo predominio en Italia. Carlos III de Borbón, que comandaba o exército imperial, aproveitou as dificultades en que se atopaban os membros de Liga de Cognac para atacar o Papa Clemente VII, que persistira en axudar a liga, feito que decidiu o condestable de Borbón, como represalia, a atacar Roma. Pero morreu no primeiro asalto, e isto provocou a vinganza dos seus soldados, que se entregaron a un saqueo implacable durante varios días. Mentres o papa tivo que refuxiarse en Sant’Angelo durante sete meses. O conflito non acabou ata a Paz de Barcelona (1529) asinada entre o emperador e o papa.

Acordo asinado en Roma o 25 de marzo de 1957 por Bélxica, Francia, Luxemburgo, Italia, Países Baixos e a República Federal de Alemaña polo que se creou a Comunidade Económica Europea e a Comunidade Europea de Enerxía Atómica. Os seus obxectivos eran a eliminación de barreiras comerciais entre os países membros, a coodinación das políticas agrarias, a adopción de políticas comerciais comúns e a libre competencia.

Golpe nos fociños.

Antropónimo masculino que provén do xentilicio latino Romanus ‘romano, relativo ou pertencente a Roma’. Trátase dun cognome étnico que tiña sobre todo un valor político, o de ‘cidadán de Roma’. É posible que na difusión deste nome na Península pesase a concorrencia posterior co árabe Rumman.

Expresión que se empregou a miúdo para designar xenericamente un gran conxunto de narracións novelescas medievais longas (ss XII e XIII), en verso ou prosa, en que predominaba a cortesía cabaleiresca e a ideoloxía do amor cortés, en oposición ao realismo ou ao popularismo. Dentro desta rúbrica colocáronse textos como as primitivas versións do Tristán en verso, as narracións de Chrétien de Troyes, e os extensos Lancelote e Tristán en prosa.

Poema medieval francés. Consta de 22.000 versos pareados, dos que os 4.000 primeiros foron escritos por Guillaume de Lorris, ao redor de 1235. Trátase dunha alegoría onírica con base no amor cortés e influenciada polo Ars amandi de Ovidio, en que se relata o amor do poeta por unha moza que, nos seus soños, está simbolizada polo botón dunha rosa nun xardín, alegoría da vida cortesá. O seu obxectivo é conseguir a rosa, isto é, o amor da dama. O resto do poema foi escrito por Jean de Meung entre 1275 e 1280, onde ofreceu unha abundante información sobre a vida e o pensamento medievais. Tivo unha grande inflencia na literatura posterior.

(Bizancio 939 - 963) Emperador de Oriente (959-963), fillo e sucesor de Constantino VII. Deixou o goberno e os asuntos de estado en mans da súa muller, Teófana, e do primeiro ministro.