"AN" (Contén)

Que confronta.

Sistema de pensamento baseado nas ensinanzas de Confucio e dos seus discípulos, que pretendía establecer unha orde universal que combinase os novos valores cos antigos principios e tradicións. Os puntos fundamentais da súa mensaxe eran o concepto de rito (Li), un código de comportamento, baseado en normas consuetudinarias, e a reactivación dos valores tradicionais. Para a consecución dunha sociedade mellor, a clave da ética confuciana é o jen, virtude suprema que representa as mellores calidades humanas. Nas relacións interpersoais, o jen maniféstase na fidelidade a un mesmo e aos demais (chung) e no altruísmo (shu). A educación, o coñecemento, a autorreflexión e o amor cara aos demais son fundamentais na consecución da sociedade ideal confuciana. Politicamente defendía un goberno paternalista, cun soberano benevolente e uns súbditos respectuosos e obedientes. O confucianismo non constituíu unha relixión tradicional, xa que non posuía igrexa...

Relativo ou pertencente a Confucio.

Que ou quen conglutina.

Congregación de monxes beneditinos creada trala fundación do mosteiro de San Benito de Valladolid en 1390, baixo a protección de Xoán I. Agrupou os mosteiros e abadías beneditinas en Galicia e Castela e León baixo a autoridade dun superior xeral, elixido durante o Capítulo da orde, feito que marcou o comezo dunha etapa de esplendor do monacato nestes territorios. Os mosteiros galegos, cos seus correspondentes priorados, incorporáronse á congregación entre 1493, data na que se adheriu San Martiño Pinario, e 1547, na que se incorporou San Xoán de Poio.

Movemento político sudafricano fundado en 1912 coa finalidade de abolir o apartheid e que se transformou en partido político a partir de 1994. Xurdiu da Native Education Association fundada na Cidade do Cabo en 1892. Posteriormente, transformouse no Native National Congress (Bloemfontein, 1912). O seu primeiro presidente foi o clérigo zulú Mafukuzela, coñecido como J. Dube. Entre os seus líderes figuran Albert Luthuli, presidente en 1952, Oliver Tambo, Nelson Mandela e Thabo Mbeki. En 1959 escindiuse a ala situada máis á esquerda baixo o nome de Pan-Africanist Congress. Ilegalizado entre 1960 e 1990, propugnou a loita armada mentres a maioría dos seus líderes foron encarcerados ou marcharon ao exilio. En 1987 iniciou a vía do diálogo co goberno e asinou o 6 de agosto de 1990 os Acordos de Pretoria nos que renunciou á loita armada. O seu presidente, Oliver Tambo, regresou do exilio e, en xullo de 1991, cedeulle a presidencia a Mandela. Principiado o proceso de abolición do apartheid...

Asemblea celebrada en Barcelona entre o 18 e o 25 de xuño de 1870 que reuniu, por primeira vez, a delegados das sociedades obreiras de toda España. A súa convocatoria partiu do semanario internacionalista madrileño La Solidaridad e recolleuna o barcelonés La Federación. O lugar elixido para a súa celebración fixouse por un plebiscito entre a maioría das sociedades obreiras e asistiron 89 delegados con dereito a voto. Dende un principio o Congreso addheriuse á Asociación Internacional do Traballo (AIT). As principais cuestións debatidas e aprobadas foron: a acción sindical de resistencia ao capital; a defensa do cooperativismo pero non como o principal camiño da emancipación obreira; a organización social dos traballadores baseada nas seccións de oficios que se agruparían en federacións locais, e estas en federacións rexionais; e a actitude apolítica. Tralo Congreso constituíuse a Federación Rexional Española da AIT e fixouse a residencia do consello federal en Madrid.

Federación sindical estadounidense que xurdiu en 1935 como unha escisión da American Federation of Labor (AFL). En 1955 fusionouse de novo coa AFL e deu lugar á American Federation of Labor and Congress of Industrial Organizations (AFL-CIO).

Terceira escala do Cretáceo superior, situado enriba do Turonia e debaixo do Santonia. O estratotipo está en Cognac (Francia).

Relativo ou pertencente ao Coniaciano.

Pequeno conceptáculo esporífero propio de diversos liques, aberto por un poro estreito, produtor de picnoconidios e probablemente asimilable a un picnidio, como o de moitos ascomicetos.

san (? - 976) Bispo e confesor da cidade alemá de Constanza (934-976). Da familia dos güelfos, foi bispo de Augsburgo. Peregrinou tres veces a Xerusalén, fundou igrexas e un hospital, e asistiu aos concilios de Ingelheim (948), Augsburgo (952) e Roma (969). Foi canonizado por Calisto II no 1123. Na iconografía viste de pontifical con capa e casula ancha, mitra e báculo; leva como atributo persoal un cáliz cunha araña enriba. A súa festa celébrase o 26 de novembro.

o Novo (? - 918) Rei de Xermania (911-918) e duque de Franconia (906) e de Glismut, fillo de Conrado o Vello. Sucedeu a Luís III o Neno, derradeiro membro da liñaxe dos carolinxios xermánicos, como rei de Xermania. Enfrontouse ás invasións dos eslavos e dos maxiares, e loitou contra os duques de Baviera, Saxonia e Suabia. Fracasou no intento de recuperar Lorena, que pertencía a Carlos III de Francia e renunciou a instaurar a súa familia no trono, polo que designou sucesor a Enrique I o Paxareiro, duque de Saxonia.