"AN" (Contén)

PERSOEIRO

Ilustrador e autor de cómics norteamericano. A partir de 1970 comezou a publicar profesionalmente na revista Creepy, onde realizaba adaptacións de clásicos como Edgar Allan Poe. Posteriormente, en 1977, colaborou na publicación Heavy Metal. A súa obra ocúpase de temáticas fantásticas, de terror e de fición. O seu debuxo é dun expresionismo voluminoso e con moita influencia das técnicas cinematográficas. As series máis populares e coñecidas son: Rowlf (1971), Den (1977), Mutand World (Mundo mutante, 1978) e Jeremy Bood (1982). En 1999 publicou as antoloxías Black & White, Gangland e Flinch.

PERSOEIRO

Compositor italiano. Mestre de guitarra de Luís XIV en París, trasladouse posteriormente a Londres, ata que de novo regresou a París en 1671, onde ensinou este instrumento á familia real de Carlos II. Da súa produción destacan as coleccións para guitarra barroca francesa La guitarre royalle (1671 e 1674).

PERSOEIRO

Fotógrafo profesional. Reside dende 1979 en Londres. Influenciado pola música pop dos anos noventa, realiza a maior parte das súas creacións en branco e negro. Deseñou, entre outras moitas, as portadas dos discos The Joshua Tree (1987), Rattle & Hum (1988) e All That You Can’t Leave Behind (2000), do grupo irlandés U2; 101 (1988) e Violator (1989), de Depeche Mode; Stripped (1995), dos Rolling Stones; Garage Inc. (1998), de Metallica; e Aire (2000), de José Mercé. Colaborou tamén na fotografía de numerosos vídeos musicais de artistas como Peter Gabriel, Nick Cave, Bryan Adams e Joseph Arthur, e expuxo na FNAC Gallery de Bruxelas (1980), na Torch Gallery de Amsterdam (1987), na Deichtorhallen de Hamburgo (1997), na Galery Torch de Nova York (1998) e na Galerie Almine Rech de París (2000).

IGREXAS

Igrexa parroquial situada en Avión. Cómpre destacar o retablo do s XVIII que contén as imaxes de santa Mariña, san Bieito e san Gregorio.

IGREXAS

Igrexa parroquial situada en Corcubión. Construíuse no último terzo do s XV en estilo gótico mariñeiro. Presenta unha planta de nave única, con cuberta de madeira a dúas augas, e capela maior de planta rectangular cuberta con bóveda de crucería. No s XVIII ampliouse a igrexa coa construción de dúas capelas aos lados da nave: a capela da Nosa Señora das Mercedes e a capela do Carme (1715). A fachada reconstruíuse en estilo neogótico, segundo a traza de Rodríguez Sesmero (1885). A porta orixinaria consérvase trala nova fachada. No interior destaca unha imaxe de san Marcos de finais do s XV ou comezos do s XVI atribuída a un artista do norte de Italia. O evanxelista está sentado nunha cadeira, ornamentada coas armas dos Altamira no apoio e cun león nos pés, e aparece vestido como o prototipo de home renacentista na actitude de escribir o seu Evanxeo.

PERSOEIRO

Xornalista e político. Foi director xeral de Instrução Pública e fundador da Sociedade de Geografia (1875). Escribiu obras de historia e literatura, como Diogo Caõ: descobertas e descobridores (1892) e Arte e literatura portugueza d’hoje: livro de critica: 1868-1869 (1869).

IGREXAS

Igrexa parroquial situada en Valga. Baixo o nome de Santa Comba de Louro foi cabeza da antiga xurisdición de Cordeiro, que sufriu as invasións normandas pola súa proximidade ás Torres do Oeste. Antano foi un mosteiro de monxas fundado no s X polos condes Menendo e Tonda. En 1028 pertenceu a Vermudo III e, posteriormente, don García doouno á igrexa compostelá. Ao disolverse a comunidade de monxas, instalouse nas súas dependencias unha comunidade de cóengos regulares, polo que a igrexa acadou a categoría de colexiata. En 1478 anexionouse á colexiata de Iria por mandato de Alonso III de Fonseca. Consérvase a igrexa de estilo barroco con influencias neoclásicas (1733-1734). Realizouna o mestre Xoán Fontenla segundo a traza de Antón Barros. Ten planta de cruz latina, ábsida rectangular e cóbrese con bóvedas de medio canón. No interior destaca o altar maior, trazado por Xosé Bieito Malvárez e realizado por Alexandre Nogueira. As imaxes orixinarias deseñounas Xosé Gambino.

GALICIA

Político e dirixente sindical socialista. Marchou a traballar a Madrid e ingresou no PSOE. En 1918 a Junta para la Ampliación de Estudios enviouno a investigar a división do traballo na industria panadeira de Laussanne, Florencia e Boloña. Foi elixido deputado nacional por Madrid (1923), concelleiro (1931), e nomeado deputado provincial. Nas Cortes constituíntes da Segunda República foi elixido deputado e formou parte, como presidente, da comisión de responsabilidades encargada de acabar cos subornos. Durante a Guerra Civil permaneceu en Madrid, logo fuxiu a Francia e finalmente estableceuse en Arxentina. Como militante socialista foi membro da executiva do PSOE e da Unión General de Trabajadores (UGT). Formou parte da executiva da Internacional Socialista e participou como delegado da Oficina Internacional do Traballo. Colaborou, ademais, cos xornais El Socialista e La Libertad de Madrid, e cos bonaerenses La Vanguardia e La Revista Socialista. Publicou o libro Los socialistas y la revolución...

GALICIA

Matemático. Foi vicedecano da facultade de Matemáticas, director do departamento de Xeometría e Topoloxía da Universidade de Santiago de Compostela e membro da Academia Galega das Ciencias. Entre as súas publicacións destaca Differential Geometry of frame bundles (Xeometría diferencial da construción de conxuntos, 1989). En 1987 recibiu o Premio de Investigación Científica da Deputación de Pontevedra.

PERSOEIRO

Pintor mexicano. Precursor dos muralistas, formouse na Academia de San Carlos de México e na Accademia Nazionale di San Luca en Roma. Coñeceu o grupo dos nazarenos e adoptou unha actitude contraria aos postulados académicos. Entre as súas obras destacan Colón ante los Reyes Católicos (1853?), Retrato de los escultores Tomás Pérez y Felipe Valero (1847) e os murais de Jesús ante los doctores na igrexa de Jesús María (1855) e o dedicado ao filósofo Gabino Barreda (1874).

IGREXAS

Igrexa parroquial situada en Foz. Consta dunha nave con cuberta de madeira e dunha ábsida cuadrangular á que se lle engadiron dúas capelas laterais. No exterior destaca a espadana da fachada, dun só corpo.

PERSOEIRO

Empresario. Coñecido como o rei do petróleo portugués, pertenceu a unha familia orixinaria de Caritel (Pontecaldelas), lugar no que viviu entre 1906 e 1913. Fundou a Sociedade Nacional de Petróleos (SONAP) e a GALP, e presidiu diversos bancos e sociedades en Portugal, Brasil, Francia, Kenya, a República Sudafricana e Moçambique. Intentou instalar unha refinería en Monteferro xunto con Valentín Paz Andrade e o almirante Salvador Moreno. Dedicouse tamén á produción de viño de Porto. Doou o edificio onde está situado o Centro Galego de Lisboa e o colexio de primaria de Pontecaldelas que leva o seu nome. Entre as condecoracións que recibiu destacan a Medalla Castelao (1991), a Gran Cruz do Mérito Industrial portuguesa, a Medalla do Eixo Atlántico (1996) e a Medalla de Galicia a título póstumo (2000).

1. Pel curtida de cabra ou de macho cabrío.

2. Coiro repuxado e pintado. Foi unha técnica decorativa empregada polos árabes e que acadou un gran desenvolvemento en España, principalmente en Córdoba, onde se realizaban en pel de cabra ou de macho cabrío e se decoraban con relevos e gravados.