"Pol" (Contén)

CAPITAIS

Capital do land Baixa Austria, Austria, situada ao O de Viena (49.272 h [2001]). Posúe industrias de maquinaria, plásticos e papel. Mosteiro beneditino en 760, foi desde 1700-1780 un dos principais centros do barroco, estilo en que se construíu a catedral.

MUNICIPIOS

Municipio da provincia de Barcelona, Catalunya, situado na chaira do Vic (3.047 h [2001]). Destaca a cría de gando porcino. Posúe fábricas e talleres do sector téxtil e metalúrxico.

MUNICIPIOS

Municipio da provincia de Barcelona, Catalunya (3.927 h [2001]). É un centro de veraneo.

MUNICIPIOS

Municipio da provincia de Alacant, Comunitat Valenciana (19.782 h [2001]). O regadío está ocupado por cítricos e hortalizas. Destaca tamén a actividade pesqueira.

PERSOEIRO

Industrial. Emigrou a La Habana onde comezou a súa actividade empresarial que continuou en Nova York, onde casou con Irene Ceballos Sánchez (1877). Xunto con X. García Barbón, fundou a Sociedad de Beneficencia de Naturais de Galiza (1871), que se constituíu como a primeira sociedade de emigrantes galegos do mundo. Defensor da promoción da cultura e da arte, achegouse aos círculos liberais. Deixou toda a súa fortuna á cidade de Vigo, establecendo no seu testamento a doazón dun terreo para a construción do que foi o primeiro instituto de ensino gratuíto, -o Santa Irene-, en honor á súa muller, así como un hospital de caridade nas aforas da cidade. Tamén cedeu unha importante colección de arte dos ss XVII e XVIII, que se preserva no Museo Quiñones de León de Vigo. Aínda que faleceu en París, os seus restos foron trasladados a Vigo en 1891.

CIDADES

Cidade de Ucraína, situada na república autónoma de Crimea (350.798 h [1999]). Localizada nas beiras dunha baía do Mar Negro que a divide en dúas partes (N e S), é un porto no que destaca a industria pesqueira e conserveira. Situada preto da colonia grega do Quersoneso, foi ocupada por romanos e bizantinos. Entre 1783 e 1784 os rusos construíron unha base naval e a fortaleza. Durante a Segunda Guerra Mundial foi asediada e ocupada polos alemáns e liberada polas tropas soviéticas (1944). Ao se disolver a URSS (1991), a base naval foi motivo de disputa entre Ucraína e Rusia.

SEMANARIOS

Semanario publicado na Coruña a partir do 2 de agosto de 1809. Cesou en setembro de 1810 (nº57). Fundado e dirixido por Manuel Pardo de Andrade, constaba das seccións de política, historia -redactada polo director-, e literatura, en que incluíu narracións dos feitos acontecidos en Galicia na guerra contra os franceses. O seu obxectivo foi manter vivo o espírito de resistencia fronte á invasión e salvagardar a cultura galega. De tendencia progresista e demócrata, traballou pola difusión do pensamento liberal.

PERSOEIRO

Político e poeta senegalés. Foi un dos creadores do concepto de negritude. Presidente de Senegal (1959 e 1980), escribiu obras de carácter romántico e traduciu poemas tradicionais do seu país, destacan Chants d’ombre (1945), Hosties noires (1948), Chants pour Naëtt (1949), Ethiopiques (1956) e Nocturnes (1961). En 1984 converteuse no primeiro africano que ingresou na Académie Française.

PERSOEIRO

Rei de Polonia e gran duque de Lituania (1506-1548), fillo menor de Casimiro IV de Polonia e sucesor do seu irmán Alexandre I de Polonia. Afrontou as acometidas dos rusos e dos tártaros polo L; as dos turcos, que pretendían Moldavia, polo S; e polo O, as do Sacro Imperio Romano-Xermánico, que finalizaron en 1515 cun dobre matrimonio, que lles asegurou aos Austrias a sucesión de Hungría e Bohemia.

PERSOEIRO

Rei de Polonia e gran duque de Lituania (1548-1572), fillo e sucesor de Sexismundo I de Polonia. En 1561, ante os ataques moscovitas, os cabaleiros da orde dos Portaespadas cedéronlle Livonia e a soberanía nominal de Curlandia, rexións desexadas polos rusos e suecos. En 1569 Lituania e Polonia, ata o momento unidas por un soberano común, fundíronse nun só estado.

PERSOEIRO

Rei de Polonia (1587-1632) e de Suecia (Sexismundo I, 1592-1604), fillo de Xoán III de Suecia e Catarina Jagellón. A asemblea polonesa elixiuno rei en 1587 e, á morte do seu pai (1592), foi proclamado rei de Suecia. Gañador da Contrarreforma, intentou someter á Santa Sé os ortodoxos lituanos e poloneses e favoreceu os católicos suecos. Isto e a subordinación dos intereses de Suecia aos de Polonia descontentou á maioría dos suecos, que o desposuíron e esixiron o trono para o seu tío, Carlos IX de Suecia.

CAPITAIS

Capital da República Autónoma de Crimea, situada en Ucraína (337.118 h [1999]). Ten industria alimentaria e téxtil, unida por ferrocarril con Sebastopol. Xurdiu, no lugar da antiga Neápolis, durante a dominación dos tártaros, como residencia dos khans.

1. Lugar do anfiteatro romano ao que se levaban os gladiadores mortos e onde os despoxaban de todo o que levaban.

2. Estancia das termas romanas que servía para que os bañistas se espisen.

PERSOEIRO

Poeta e dramaturgo polaco. Destacan as escolmas poéticas Dzien duszy (O día da alma, 1903), Ptakom niebieskim (Aos paxaros do ceo, 1905), Teçzalez i krwi (O arco iris de lágrimas e sangue, 1918) e Wiklina (O vimbio, 1954).