"RC" (Contén)

PUBLICACIÓNS

Publicación de periodicidade bimensual que se editou entre os anos 1907 e 1916 na Coruña, órgano da Compañía Industrial Coruñesa.

LAGOS

Lago de Irlanda, situado entre os condados de An Clár ao O e Uíbh Fhailí ao L.

PERSOEIRO

Compositor francés. Influído por Honegger compuxo as óperas cómicas Le poirier de misère (A pereira da miseria, 1927), Ginevra (1942) e Puck (1949). Compuxo tamén ballets, música sinfónica, música de cámara e para filmes.

GALICIA

Político e avogado. Foi secretario adxunto da Cámara Oficial de Comercio e Industria de Ourense e secretario da Fundación de Feiras e Exposicións da mesma cidade. Foi deputado do PP por Ourense na quinta lexislatura (1997-2001), nela ocupou tamén a vicepresidencia 1ª da mesa do Parlamento. Ademais de numerosos artigos en revistas especializadas publicou El reto de la unión económica y monetaria (1998), Lecturas de política económica española (1999) e Comprender la globalización (2000).

1. 1. Maxistrado, elixido anualmente na antiga Grecia, que representaba o demo (δῆμος) e administraba os asuntos locais. Ocupábase da actualización dun listado dos maiores de dezaoito anos, que adquirían os seus dereitos como cidadáns cando se inscribían nel.

   2. Alcalde dun municipio grego.

2. Gobernador dunha provincia ou nomo no antigo Exipto.

1. Acción e efecto de demarcar, de fixar un límite.

2. Terreo demarcado.

3. Liña de separación, natural ou convencional, entre dous ou máis territorios. Considérase natural se o trazado se adapta aos principais accidentes do relevo. Pode referirse ás fronteiras entre os estados ou ben ás divisións ou subdivisións dentro do propio Estado. Ademais destas demarcacións de tipo político, pódense trazar, sobre a base destas, outras como as eclesiásticas, as militares, as sanitarias ou as universitarias.

4. Parte do terreo de xogo que se lle asigna a cada xogador nos deportes de oposición.

PUBLICACIÓNS

Publicación en castelán aparecida en febreiro de 1990 en Vilagarcía de Arousa co subtítulo de “Periódico mensual de temas empresariales”. Editouno a Cámara Oficial de Comercio, Industria y Navegación de Vilagarcía de Arousa. Coordinada por Lucrecia Maldonado, contaba cun consello editorial formado por José A. Gago, Luis Jueguen e José M. Siso, e cun consello de redacción nos que figuraban Pablo Vioque e Ignacio García Sánchez. Dividiuse nas seccións: “Editorial”, “Energía”, “Tribunales”, “Opinión”, “Navegación”, “Comarcas” e “Legislación”.

1. Que demarca.

2. Signo con valor fonolóxico (fonema ou non, múltiple ou sinxelo) que aparece no límite dunha palabra, inicio ou final, e sinala nunha lingua dada a limitación formal entre as distintas unidades.

1. Sinalar os límites dun territorio ou dun terreo.

2. Delimitar os dereitos, responsabilidades e atribucións de alguén.

3. Fixar unha liña divisoria imaxinaria, nun texto científico, entre o discurso sancionado da ciencia e o discurso ideolóxico.

PERSOEIRO

Escritor. Dentro do realismo ofrece unha visión irónica da explotación da clase media e marxinal das vilas arxentinas. Da súa produción destacan, entre outras obras, as novelas Rosaura a las diez (Premio Kraft, 1955), Un pequeño café (1961) e Los asesinos de los días de fiesta (1972), a colección de contos Hierba del cielo (1972) e as pezas de teatro Los expedientes (1957), El emperador de la China (1959) e El cuarto de la noche (1962).

PERSOEIRO

Matemático francés. Publicou unhas táboas de mortalidade e probabilidade de vida en Francia, recollidas na obra Essai sur les probabilités de la durée de la vie humaine (Ensaio sobre as probabilidades da duración da vida humana, 1746), que serviron para establecer as pensións vitalicias.

1. Soltar ou separar os corchetes que unen dúas partes dunha peza de roupa.

2. Sacar un corchete da asa que o engancha a unha peza de roupa.

3. Soltarse o que estaba agarrado con corchetes.

1. Que non se preparou ou non tomou as medidas oportunas.

2. Que non é advertido ou notado.

3. Que non ten as cousas necesarias.

PERSOEIRO

Poetisa francesa. Na súa xuventude foi actriz de teatro na Opéra-Comique e no Odéon. Publicou: Élégies et romances (Elexías e romances, 1819), Élégies et poésies nouvelles (Elexías e poesías novas, 1825), Les pleurs (Os choros, 1833) e Bouquets et prières (Ramos e súplicas, 1843).

1. Sacar ou facer saír algo ou alguén dunha embarcación, aparato aéreo ou tren.

2. Baixar dunha embarcación, aparato aéreo ou tren.

3. Deixar alguén de pertencer á tripulación dun barco.