"RL" (Contén)

PARROQUIA

Parroquia do concello de Agolada baixo a advocación de san Pedro.

PERSOEIRO

Político francés. Coñecido como Merlin de Thionville, foi deputado da Asemblea Lexislativa (1791) e da Convención e decretou a confiscación dos bens dos emigrantes monárquicos e a deportación dos clérigos refractarios. Contribuíu á caída de Robespierre e foi membro do Consello dos Cincocentos.

PERSOEIRO

Político francés, conde de Douai. Coñecido como Merlin de Douai, foi deputado nos Estados Xerais (1789) e conseguiu a abolición do dereito de primoxenitura. Membro xacobino da Convención Nacional e do Comité de Salvación Pública, foi ministro de Xustiza (1795-1797) e formou parte do Directorio.

1. Nome que reciben distintos paxaros da orde dos paseriformes.

2. Paxaro que pode medir ata 20 cm de lonxitude. O macho ten a plumaxe dun azul cinsento e a femia de cor marrón, coas partes inferiores a raias. Habita en Europa e en toda a Península Ibérica, en rochedos e cantís, e en Galicia é moi raro, xa que só se observa en diversos puntos do litoral e do interior.

3. Paxaro que pode medir ata 25 cm de lonxitude e de cola longa. Os machos presentan unha plumaxe de cor negra co peteiro e o círculo orbital dun amarelo vivo e as femias de cor marrón co peteiro pardo. É omnívoro e aliméntase fundamentalmente de miñocas, insectos en xeral e diversos froitos. Ten un canto moi agradable e habita en campos, fragas, parques, bosques e xardíns, con vexetación mesta de baixa e media altura. Atópase amplamente distribuido por toda Europa e en Galicia é moi común en todo o seu territorio desde a beiramar ata os 1.500 m de altitude.

4. Paxaro de ata 25 cm de lonxitude que presenta contornos claros nas plumas, o que lle dá un aspecto escamoso, o macho ten unha mancha de cor branca no papo e a femia unha de cor gris. Aliméntase de insectos, vermes, caracois e bagas, e habita en campos e zonas abertas. En Galicia é moi raro.

5. Paxaro de ata 18 cm de lonxitude e cola curta que presenta o peito e a gorxa de cor branca, as partes superiores mouras e as inferiores dunha cor castaña escura, e non posúe dimorfismo sexual. Aliméntase de larvas e insectos acuáticos, vermes e peixes que captura ao mergullarse ou nadar. Habita preto de augas limpas, nos cursos altos e medios dos ríos e en regueiros de corrente rápida. É común en case toda Europa salvo nalgúns países como Dinamarca, Países Baixos ou o N de Alemaña. En Galicia é raro velo en zonas preto do litoral e naquelas zonas onde existe contaminación.

6. Paxaro que pode medir ata 19 cm de lonxitude. Os machos presentan no verán, a cabeza, o pescozo e o lombo azuis e o resto dunha cor avermellada, coas ás escuras. Aliméntase de insectos, vermes e moluscos. En Galicia é moi escaso, xa que só se atopa na zona suroriental en altitudes superiores aos 900-1.000 m.

CIDADES

Cidade da provincia de Bos Aires, Arxentina, situada na rexión Litoral, á dereita do río de Las Conchas (390.031 h [1991]). Forma parte da aglomeración urbana de Bos Aires.

SEMANARIOS

Semanario publicado en Vigo entre 1896 e 1897. Editado nos obradoiros tipográficos de Varela e caracterizado polo seu humor disparatado, elaborárono varios escritores como homenaxe a Xosé Antonio Fernández, alcumado o Merlo Blanco, un popular limpabotas de Vigo a quen fixeron constar como director da publicación.

PERSOEIRO

Actor. De familia de actores, en 1933 debutou no teatro coa obra La vuelta al mundo en 80 días. A partir de 1941 dedicouse ao cine, con filmes como Rojo y negro (1942), Ídolos (1943), Cuento de hadas (1951), Trío de damas (1960), La caza (1966), Flor de santidad (1973) e Entre hermanos (1984).

PERSOEIRO

Romanista italiano. Centrou os seus traballos na dialectoloxía italiana. En 1924 fundou a revista Italia dialettale. Foi un profundo coñeceder do campo da onomasioloxía románica, onde publicou I nomi romanzi delle stagioni e dei mesi (1904) e realizou numerosos estudos, como Saggi linguistici (1959).

1. Relativo ou pertencente aos merlúcidos.

2. Peixe da familia dos merlúcidos.

3. Familia de peixes da orde dos gadiformes. Son depredadores, nadan en cardumes e a gran maioría das especies son comestibles. O seu representante máis destacado é Merlucius merlucius, coñecido comunmente co nome de pescada.

PERSOEIRO

Compositor francés. Estudou con Saint-Saëns, Fauré e Gigout. Compuxo operetas e óperas cómicas, como Veronique (1898) e Fortunio (1907), e ballets, como Les deux pigeons (1886). Dirixiu a Opéra-Comique de París (1898-1904) e a orquestra da Opéra de París (1907-1914). Compuxo tamén música para piano.