"Asti" (Contén)

PERSOEIRO

Militar e político peruano. En 1824 participou na Batalla de Ayacucho, e entre 1831 e 1841, nos intentos de invasión de Bolivia. En 1844, logo de enfrontarse cos xefes militares, derrocou o ditador Vivanco. Ocupou a presidencia da República entre 1845 e 1851 e entre 1854 e 1862. Deulle estabilidade política e económica ao país, creou un monopolio sobre a explotación dos depósitos de guano, e aboliu a escravitude dos negros e o tributo persoal dos indios. Promulgou a Constitución de 1860 que introduciu o sufraxio universal.

MUNICIPIOS

Municipio da provincia de Sevilla, Andalucía, situado ao O da cidade de Sevilla e á beira do río Guadalquivir (15.726 h [1996]). Constitúe unha área de expansión da cidade de Sevilla.

MUNICIPIOS

Municipio da provincia de Granada, Andalucía, no alto val do Guadiana, ao seu paso pola Hoya de Baza e situado nos contrafortes da serra de Montilla (2.120 h [1996]). As actividades máis importantes son a agricultura e a gandería ovina.

PERSOEIRO

Profesor. Doutor en Dereito (1905) e en Filosofía e Letras (1915) pola Universidad de Madrid e catedrático de Dereito Romano en Sevilla, Valladolid e Madrid ata o seu exilio en 1936. Alumno de Francisco Giner de los Ríos, estivo vinculado á ILE dende 1898, institución na que sistematizou a súa estrutura pedagóxica. Dende o ministerio de Instrución Pública interveu na creación da Junta para Ampliación de Estudios y Investigaciones Científicas (JAE), na que ocupou o cargo de secretario xeral (1907-1934), e o Centro de Estudios Históricos (1910). Foi un dos impulsores do Instituto-Escuela de Segunda Enseñanza de Madrid (1918) onde se experimentaron novos métodos de traballo e innovacións didácticas e organizativas no ensino secundario. Colaborou no Boletín de la Institución Libre de Enseñanza con diversos artigos, relacionados sobre todo coa temática educativa no estranxeiro (1904-1926). Consideraba que o ensino debía abranguer todas as materias de forma cíclica e gradual, polo que...

PERSOEIRO

Biólogo. Licenciado en Farmacia, doutor en Bioloxía e profesor titular na Universidade de Santiago de Compostela. As súas principais obras son Pulmonados desnudos de Galicia (1981), Caracoles terrestres de Galicia (1983) e Babosas de la Península Ibérica y Baleares (1990).

PERSOEIRO

Escritor. Estivo ao servizo do arquiduque Fernando e foi durante algúns anos monxe cisterciense. A súa obra, recollida en Obras de amores, de conversación, morales y de devoción (1573), reflicte unha actitude aberta ás ideas do Renacemento, aínda que en poesía se decanta polo verso de tradición trobadoresca e popular.

1. Forma castelá correspondente ao apelido galego Castelo.

2. Liñaxe que se estableceu en Cambados. As súas armas levan, en campo de goles, un castelo de prata, superado dunha flor de lis, do mesmo metal, e, tapando a porta do castelo, unha árbore de sinople e dous cans de prata, atados ao seu tronco con cadeas.

SEMANARIOS

Semanario deportivo que naceu na cidade de Vilalba o 18 de marzo de 1950. Os seus fundadores foron Zoilo López Ron e Xosé Lois García Mato. Entre os seus colaboradores destacan Xosé Burgo Otero, Álvarez Mosquera Bouzo ou Xosé Fernández.

PERSOEIRO

Militar e político guatemalteco. Formouse na Academia Militar e na Escuela Politécnica del Ejército. No 1954 ocupou o país e derrocou o goberno de Jacobo Arbenz coa axuda dos EE UU. Foi nomeado presidente e anulou a Constitución de 1945 para promulgar unha nova en 1956. Disolveu os partidos de esquerdas, neutralizou os sindicatos e suprimiu a liberdade de prensa. Foi asasinado por un membro da súa garda.

PERSOEIRO

Soprano. Estudiou no Conservatorio Superior de Música de Madrid e na Escuela Superior de Canto e foi discípula de Mercedes García López, Rosa Fernández e Teresa Tourné. Ingresou no coro de RTVE e na Agrupación Lírica Julián Gayarre. En 1973 trasladouse á Coruña e exerceu a docencia no Conservatorio de Música de Santiago de Compostela. Participou decisivamente na recuperación e difusión da obra de compositores galegos: estreou o Réquiem de Melchor López, as Seis baladas, a Misa de Réquiem e o Te Deum de Xoán Montes. No seu repertorio destaca a estrea mundial da Cantata para soprano y trío de Carmelo Bernaola e a súa interpretación da obra de Joaquín Rodrigo sobre textos de Rosalía de Castro. Como solista actuou en Europa e Hispanoamérica con obras da lírica española e de ópera, así como oratorios e pezas do repertorio sinfónico-vocal. Ademais de realizar gravacións para RTVG e RNE, editou Canciones, con obras de Marcial del Adalid e Andrés...

GALICIA

Artista plástico. Trasladouse coa súa familia a Bos Aires e estudiou na Escuela de Bellas Artes, onde contactou co surrealista Raquel Forner e coñeceu a Laxeiro, Colmeiro e Seoane. En 1956 volveu a España e publicou unha serie de poemas na revista Índice. Coñeceu a galerista Juana Mordó e presentou os seus debuxos na Galería Biosca que esta dirixía. En 1959 celebrou a súa primeira exposición individual na Galería Altamira, ano no que comezaron as súas mostras por todo o mundo. Dende 1982 represéntao a galería Malborough de Nova York, onde instalou o seu estudio. A súa proposta artística reflicte unha certa figuración e un realismo, imbricado na súa propia imaxinación, que converte os seus cadros en metáforas onde mestura a realidade e o soño; deste xeito, crea un eclecticismo que parte dun autodidactismo literario, enriquecido polo coñecemento dos clásicos europeos como Goya, Friedrich e Picasso, ou correntes como o cubismo e o surrealismo. Como gravador iniciouse en 1962 cando coñeceu...

MUNICIPIOS

Municipio da provincia de Sevilla, Andalucía, drenado polo río Guadiamar e situado nos contrafortes occidentais da serra de Aracena (1.600 h [1996]). Destacan os xacementos de pirita, galena e fluorita. Os principais cultivos agrícolas corresponden aos cereais e ao tabaco.

MUNICIPIOS

Municipio da provincia de Jaén, Andalucía, drenado polo río Guadalestón e accidentado pola serra da Alta Paloma (5.667 h [1996]). Presenta agricultura de secaño, sobre todo de cereais, e a industria baséase nas xeserías. Conserva a igrexa de San Pedro Apóstol (s XIV).

GALICIA

Poeta. Licenciado en Dereito e Filosofía e Letras, pertenceu ao corpo de intendencia da Armada. Ocupou a cátedra de Filoloxía Galego-Portuguesa na Universidad de Murcia. Publicou, entre outras obras, Nebulosas (1934), La avena de Dafnis y otros poemas (1935-1942) (1943), La canción de los pinos (1945), Poemas del mar y del alma (1948), Argos. Poema del mar y del alma (1948, 2ª edición 1953), Lirios de Compostela (1949), Cuatro poetas belgas de hoy (1950), O espello das brétemas e outros poemas (1987) e Vuelo hacia dentro (1987).

GALICIA

Historiador da arte e arqueólogo. Licenciado en Filosofía e Letras (1926), foi profesor na Escola de Comercio e na Universidade de Santiago de Compostela. Exerceu como director do Museo Provincial da Coruña (1922), arquiveiro municipal (1930) e cronista oficial (1946). Colaborador en diversas publicacións, o seu destacado labor de catalogación e conservación do patrimonio artístico galego recolleuse en múltiples artigos como “La arquitectura cristiana en Galicia” (1906), “Los castros gallegos” (1908), “Por las montañas de Galicia. Las montañas del Cebrero” (1918), “Guía artística y monumental de la provincia de Orense” (1928), “La arquitectura en Galicia en la época de los suevos” (1961) e El pórtico de la Gloria (1949). Escribiu a novela curta A dona das torres (1925). Postumamente editouse Inventario de la riqueza monumental y artística de Galicia (1972). En 1905 ingresou como adxunto na Real Academia Galega, da que foi correspondente en 1908 e numerario en...

PERSOEIRO

Compositor. Discípulo de C. del Campo e N. Boulanger, foi catedrático do conservatorio de Sevilla que dirixiu dende 1964 a 1978. Da súa produción destacan numerosas obras para piano, órgano, cantatas e ciclos de cancións.

PERSOEIRO

Pintor. Formado en Sevilla, foi o representante máis importante da escola barroca cordobesa. Recibiu a influencia de Zurbarán e Ribera, e das escolas napolitana e flamenga. Entre as súas obras destacan San Francisco, realizada para o convento das franciscanas da Coruña, El Calvario (1649) e Adoración de los pastores (1651). Ademais, pintou retratos e paisaxes.