"Bol" (Contén)

PERSOEIRO

Realizador cinematográfico e actor polaco. Traballou inicialmente en Moscova con Stanislavski, para logo dirixir filmes de propaganda vermella como Khleb (1918). Viaxou por Alemaña, Francia e finalmente os EE UU, onde dirixiu a actores destacados como Gary Cooper en Operator 13 (O espía nº 13). Foi coñecido sobre todo polo filme The garden of Allah (O xardín de Alá). Dirixiu tamén The last of the lone wolf (O último lobo solitario, 1930), Les miserables (Os miserables, 1935) e The last of Mrs. Cheyney (A última conquista da señora Cheyney, 1937).

1. Fungo da familia das boletáceas.

2. Familia de fungos da orde das boletais á que pertencen as andoas.

1. Fungo da orde das boletais.

2. Orde de basidiomicetos da subclase das agaricomicetídeas integrada por fungos de carpóforo carnoso co himenio formado por tubos que forman unha capa separable e que establecen micorrizas con diversas plantas. Pertencen a esta orde as familias das higroforopsidáceas, das onfalotáceas, das paxiláceas, das gonfidiáceas, das boletáceas, das xirodontáceas e das estrobilomicetáceas.

1. 1. Publicación periódica sobre unha materia determinada que, en xeral, constitúe o órgano de divulgación dunha entidade oficial ou privada. En Galicia destaca o Boletín da Real Academia Galega, revista mensual que publicou o primeiro número en maio de 1906. Nela figuran interesantes traballos sobre Prehistoria, Etnografía, Arqueoloxía, Historia, Lingüística, Numismática, Xeografía, Bibliografía, etc, referidos a Galicia. Tamén contén unha curiosa Colección de Documentos Históricos relativos ao noso país, obra que consta de máis de dous tomos, independentes da revista.

   2. Publicación periódica de carácter oficial na que se fan públicas as leis e outras disposicións de xeral observancia, resolucións e avisos de interese xeral ou ben necesidades dunha publicidade para seren plenamente eficaces xuridicamente.

   3. boletín electrónico

      Boletín oficial dunha administración que dispón dunha versión completa ou reducida que se pode consultar a través dunha rede de comunicacións, como o Diario Oficial de Galicia, no enderezo http://www.xunta.es/doga, ou o Boletín Oficial do Estado, en http://www.boe.es.

2. 1. Pequeno escrito de noticias para circulación interna nalgún organismo ou para a comunicación pública.

   2. Breve comentario de noticias de operacións militares.

   3. Bloque de novas de última hora que aparece tanto nos xornais como nos medios audiovisuais. Na súa orixe, trátase dunha folla informativa de pequenas dimensións dirixida a un grupo de persoas en función duns intereses moi concretos.

   4. boletín electrónico

      Conxunto de noticias de actualidade sobre un tema ou temas determinados que se lles envía periodicamente por correo electrónico aos internautas subscritos a ese servizo ou que se poden consultar directamente na Internet visitando unha páxina web.

3. 1. ...

PUBLICACIÓNS

Publicación bilingüe editada na Coruña en abril de 1985. Subtitulábase “Escola técnica superior de arquitectura da Coruña”. Foi dirixida por Xosé Antonio Franco Taboada. O consello de redacción estaba composto por Rosa Mª Fernández Esteller e Xoán Bautista Pérez Valcárcel, entre outros. A revista publicaba traballos sobre cuestións arquitectónicas, construción, perspectivas, proxectos, etc.

PUBLICACIÓNS

Publicación aparecida na Coruña entre os anos 1907 e 1916 de perioricidade mensual. Trátase dunha revista que informaba sobre cuestións relacionadas coa agricultura e a gandería das dúas comunidades.

PUBLICACIÓNS

Publicación nacionalista que apareceu posiblemente en 1976. Este boletín sucedeu ao Boletín da AN-PG (Galicia), publicado no ano 1976, continuando coa súa numeración.

PUBLICACIÓNS

Publicación bilingüe que saíu en Santiago no ano 1984 baixo o subtítulo “Revista trimestral da Asociación Galega de Apicultura AGA”. No ano 1988 o nº 26 apareceu subtitulado como “Información e divulgación das abellas. Asociación Galega de Apicultura. A.G.A.” A redacción e o asesoramento corrían a cargo de X. M. Asorey e X. L. Meixide. Entre os seus colaboradores atópanse Merche Espiño, X. L. López, X. López, Marcos Varela, Edgar A. Correira e Xosé Torres, entre outros. Trátase dunha revista especializada dentro do campo da Apicultura que contaba coas seccións: “Editorial”, “Técnicas”, “Sanidade”, “Lexislación”, “Flora” e “Informe”. Estaba ilustrada con fotografías e debuxos.

PUBLICACIÓNS

Publicación que apareceu na cidade da Coruña o 1 de xaneiro de 1895. Cesou o 24 de decembro de 1896. Dirixida por Uxío Carré Aldao, serviu de boletín propagandístico da súa Librería Gallega e como plataforma divulgativa da literatura galega. Entre os seus colaboradores figuraban W. Insúa, Eduardo Pondal, Lisardo R. Barreiro, Martelo Paumán ou F. Vaamonde Lores. Tiña unha tirada considerable: 3.000 exemplares do número 1 e 5.000 dos seguintes. O boletín incluía información sobre publicacións periódicas, certames literarios e acontecementos biográficos relativos a escritores, ademais dunha relación das obras publicadas en Galicia no mes anterior. Na “Sección bibliográfica” do nº 8 apareceu o reproducidísimo conto A pantasma de Francisco Añón. Outros colaboradores foron Noriega Varela e Álvarez de Nóvoa, quen no número 17, do 22 de maio-outubro de 1896, publicou o relato titulado “A nai” do libro Pé das Burgas.

PUBLICACIÓNS

Publicación humorística, tirada na cidade de Vigo a partir do 20 de novembro de 1884. Foi o órgano informativo e publicitario da Sociedade Carnavalesca de Vigo. De carácter informativo e publicitario, daba conta das actividades que a sociedade organizaba. Os seus artigos caracterizábanse polos seus tons sarcásticos e humorísticos. O primeiro número foi vendido no Teatro Tamberlik durante unha función ofrecida polo cadro de declamación da sociedade. O seguinte número foi repartido tres días máis tarde, o domingo 23, co gallo dunha nova velada teatral. Non se teñen novas da saída de posteriores números e tampouco se conserva ningún exemplar.

PUBLICACIÓNS

Publicación que se editou en Montevideo. O Centro Galego editaba unha revista chamada Galicia e distribuíase entre os seus asociados este “boletín informativo bimensual”.

PUBLICACIÓNS

Publicación da Asamblea Nacional-Popular Galega que saíu en xaneiro de 1976. Os contidos deste boletín eran de reivindicación nacionalista. Despois do número 6 esta publicación pasou a denominarse Boletín APG.

PUBLICACIÓNS

Publicación monolingüe en galego, que apareceu en Santiago en decembro de 1990. Este boletín proporcionaba información sobre a sociedade a xeito de proxectos, estatutos, asembleas, seminarios, etc.