"OMI" (Contén)

1. Creación cirúrxica dunha abertura ou fístula na trompa de Fallopio para facer unha drenaxe.

2. Restauración cirúrxica da permeabilidade da trompa de Fallopio.

PERSOEIRO

Filóloga. Doutora en Filoloxía Románica pola Universidade de Santiago de Compostela (1990), é   profesora titular (1993) desta disciplina na Universidade da Coruña. Foi membro do equipo de investigadores do Instituto da Lingua Galega (ILG), onde colaborou no Vocabulario ortográfico da lingua galega (VOLGa, 1985-1989) e no Arquivo do léxico galego e, desde 1990, é membro do Seminario de Lexicografía da Real Academia Galega (RAG). As súas liñas de investigación son a lingüística galega, en particular a lexicografía e a historiografía, a lingua francesa e a edición de textos medievais. Participou no proxecto de investigación Vocabulario fundamental da lingua galega (1987) e dirixiu e dirixe diferentes proxectos relacionados coa lexicografía e a edición de textos medievais. Formou parte do equipo redactor do Dicionario da lingua galega (1990) e do Dicionario da Real Academia Galega (1997), e participa na elaboración do Dicionario xeral da lingua galega (1997). En relación coa filoloxía francesa,...

GALICIA

Escritor. Foi xefe dos servizos de cultura da Deputación da Coruña. Colaborador del Instituto de Estudios Coruñeses José Cornide e de diversas publicacións, escribiu Una guía de Galicia: el arzobispo Rajoy y la vida local compostelana: siglo XVIII (1956), Siluetas y paisajes (1959), Ensayo sobre Finisterre: del atrio de Vilar de Donas a la cima del monte Nerio (1967) e La Coruña en seis rutas (1975). Académico da Real Academia de Bellas Artes Nuestra Señora del Rosario e correspondente da Real Academia Galega, recibiu a Encomienda de la Orden de Alfonso X el Sabio.

MONTES

Monte situado na parroquia das Maceiras (Dozón). O seu cumio acada os 732 m de altitude.

CAPITAIS

Capital de República Dominicana e de Distrito Nacional (1.817.754 h [2002]). Está situada na costa meridional da illa, preto da desembocadura do Ozama. Foi a primeira cidade fundada polos europeos -fundouna Bertomeu Colón en 1496- no continente americano e o punto de partida da colonización española nas Antillas. Próspera ata finais do s XVI, o seu posterior período de decadencia durou ata o inicio do réxime ditatorial de R. Trujillo. Os ataques de F. Drake (1586) e a ocupación de Haití polos franceses (1697) retardou a súa recuperación, aínda que a produción azucreira e a reconstrución realizada baixo a ditadura de Trujillo (1930-1938 e 1948-1952) favoreceron o crecemento na segunda metade do s XX. Entre 1936 e 1961 denominouse Ciudad Trujillo. Do seu patrimonio destaca a catedral gótica (s XVI), con elementos renacentistas, as igrexas de Santo Domingo e San Francisco e a casa do Almirate (s XVI). A cidade colonial foi declarada Patrimonio da Humanidade pola UNESCO (1990).

MUNICIPIOS

Municipio de La Rioja drenado polos ríos Zamaca e Oja, afluentes do Ebro (5.622 h [2001]). É un centro comarcal con pequenas industrias que foi fundado por santo Domingo de la Calzada (1044) e converteuse en estación obrigada nas peregrinacións a Santiago de Compostela. Do seu patrimonio cultural destacan os restos das murallas medievais; a ponte -mandada construír por Afonso VI-; a catedral (s XII), en cuxo interior destaca o cadeirado do coro (s XVI); e o retablo do altar maior e o convento de San Francisco, reconstruído no s XVI.

PERSOEIRO

Dominicano de orixe galega. Ingresou no convento de San Domingos da Coruña e foi prior dos conventos de Zamora, Palencia, Toledo e Talavera, e reitor dos colexios de Santo Tomás en Ávila e de San Gregorio en Valladolid.

PERSOEIRO

Político e escritor arxentino. Enfrontouse á oligarquía local e á ditadura de Rosas e, exiliado en Chile, organizou a primeira escola normal (1842). Foi gobernador de Bos Aires e ministro do goberno provincial, gobernador de San Juan, ministro de Estado (1860) e embaixador en Washington. En 1868 foi elixido presidente da república. Publicou Facundo. Civilización y Barbarie (1845), Mi defensa e Recuerdos de provincia.

PERSOEIRO

Pintor, debuxante e litógrafo. Estudou en Roma (1788-1795). Foi pintor da corte portuguesa (1802), pero a causa das súas ideas liberais en 1823 marchou a París e máis tarde a Roma. Destacan Retrato dos seus fillos e Junot, emisario de Napoleón, ante Lisboa.

PERSOEIRO

Militar e político, duque de la Torre. Distinguiuse durante a Primeira Guerra Carlista. Espartero enviouno a Barcelona (1842) para someter a cidade, pero poucos meses despois sumouse ao pronunciamento de Prim. Facilitou a chegada ao poder dos moderados (1844) de Narváez. Favorito de Isabel II entre 1846 e 1848, o príncipe consorte afastouno de Madrid. En 1856 secundou o golpe de estado de Leopoldo O’Donell e en 1859 foi enviado a Cuba como capitán xeneral. Xefe da Unión Liberal, participou na conspiración previa á Revolución de Setembro de 1868. Derrotou as forzas de Isabel II na ponte de Alcolea e foi nomeado presidente do goberno provisional, e despois rexente do reino. Presidente do primeiro consello de ministros de Amadeo I, en 1872 derrotou aos carlistas e asinou o Convenio de Amorebieta. Conspirou contra a Primeira República e tivo que se exiliar. De volta a España, tras o golpe de estado de M. Pavía converteuse en xefe de goberno ata a chegada de Afonso XII.