"eo" (Contén)

PERSOEIRO

Arqueólogo francés. Profesor na Bibliothèque Royale, especializouse en iconografía cristiá. Entre as súas obras destacan Bulletin archeológique du comité des arts et monuments (Boletín arqueolóxico do comité das artes e monumentos, 1840-1847), Histoire de Dieu, iconographie des personnel divines (Historia de Deus, iconografía de personaxes divinas, 1843) e Manuel d’iconographie chrétienne, grecque et latine (Manual de iconografía cristiá, grega e latina, 1845). Fundou os Annales archèologiques (Anais arqueolóxicos, 1844-1887).

PERSOEIRO

Poeta e contista. Pertenceu ao grupo de escritores que se formou arredor da revista Orígenes. Algunhas das súas obras son En la calzada de Jesús del Monte (1944) e Nombrar las cosas (1973).

PERSOEIRO

Poeta. Seguidor de Leconte de Lisle, adscribiuse á estética parnasiana. Entre outras obras, publicou Aspirations poétiques (Aspiracións poéticas, 1858), Poèmes et poésies (Poemas e poesías, 1864), Les lèvres closes (Os beizos pechados, 1867), Paroles d’un vaincu (Palabras dun vencido, 1871), La rencontre (O reencontro, 1875), Les amants (Os amantes, 1879) e Poésies complètes (Poesías completas, 1889-1890). Trala morte de Stéphane Mallarmé, foi elixido prince des poètes.

1. Relativo ou pertencente aos difilídeos.

2. Platihelminto da orde dos difilídeos.

3. Orde de platihelmintos, da clase dos cestodos, caracterizada polo feito de presentar dúas ventosas alongadas que actúan como órganos adhesivos. Parasitan os intestinos de peixes mariños e teñen como hospedeiros intermedios crustáceos e moluscos mariños. Comprende só o xénero Echeneibothrium.

1. Relativo ou pertencente ás dileniáceas.

2. Planta da familia das dileniáceas.

3. Familia de dileniais composta por uns dezaoito xéneros que agrupan máis de cincocentas especies de árbores, arbustos ou lianas propias das rexións tropicais. Algunhas dileniáceas cultívanse como ornamentais. Son característicos desta familia os xéneros Actinidia e Dillenia.

PERSOEIRO

Político. Membro fundador do Partido Socialdemócrata de Traballadores Búlgaros (1902), máis tarde Partido Comunista (1919), dirixiu a insurrección antifascista búlgara (1923), feito que provocou o seu exilio a Viena e Berlín. En 1933 detivérono, acusado do incendio do Reischtag. Liberado en 1934, trasladouse a Moscova, onde foi nomeado secretario xeral da Internacional Comunista. Durante a Segunda Guerra Mundial regresou a Bulgaria e dirixiu a loita antifascista. Tralas eleccións de 1946 e a proclamación da República Popular de Bulgaria, foi elixido primeiro ministro.

1. Molécula constituída por dúas unidades de mononucleótidos unidos por un punto de ácido fosfórico. Diversos dinucleótidos proveñen de hidrólise enzimática dos ácidos nucleicos. Non é así no caso do dinucleótido adenina-nicotinamida (NAD), do seu fosfato (NADP) e do dinucleótido de flavina-adenina (FAD).

2. FAD.

3. NADP.

1. Relativo ou pertencente ás dioscoreáceas.

2. Herbácea da familia das dioscoreáceas.

3. Familia de liliáceas integrada por herbáceas gabeadoras, de raíces e rizomas tuberosos. Algunhas especies de dioscoreáceas tamén se cultivan, como o ñame. A familia comprende máis de 670 especies, as máis delas de distribución tropical, que en Galicia está representada pola saltasebes.

PERSOEIRO

Gravador de camafeos. Atribúenselle o gran camafeo chamado Gemma Augustea, de Vienne do Delfinado e a Gemma Blacas.

1. Relativo ou pertencente ás dipsacáceas.

2. Planta da familia das dipsacáceas.

3. Familia de plantas, da orde das dipsacais, que comprende unhas 350 especies propias da zona euroasiática e sudafricana. En Galicia está representada polos xéneros Dipsacus, Knautia, Pterocephalus, Scabiosa e Sucisa.

1. Relativo ou pertencente ás dipterocarpáceas.

2. Árbore da familia das dipterocarpáceas.

3. Familia de plantas dicotiledóneas integrada por uns quince xéneros que reúnen preto de 600 especies de plantas leñosas, propias sobre todo de Asia tropical e África tropical. Algunhas especies de dipterocarpáceas aprécianse en carpintería.

1. Relativo ou pertencente aos dixéneos.

2. Platihelminto da subclase dos dixéneos.

3. Subclase de platihelmintos da clase dos trematodos, caracterizada por presentar alternancia entre unha reprodución sexual normal e unha reprodución por partenoxénese. O ciclo biolóxico desenvólvese en dous ou tres hospedeiros distintos. En estado adulto son parasitos internos dos vertebrados e en estado larvario, dos moluscos, aínda que poden parasitar un terceiro hospedeiro intermediario. Na maioría dos casos presentan dúas ventosas, unha arredor da boca e outra sobre a cara ventral (dístomos) ou posterior (anfistomas). Nalgúns casos a ventral pode estar ausente (monostomas).