"AN" (Contén)

PERSOEIRO

Filólogo serbio. Foi profesor en Belgrado e, dende 1866, foi membro da academia iugoslava de Zagreb. Autor das primeiras gramáticas da lingua serbia, editou moitos textos do serbio antigo. Foi un dos primeiros estudiosos da gramática histórica e da dialectoloxía da lingua serbia: Historia das formas das linguas serbia e croata da metade do s XVII (1874) e Dicionario dos monumentos literarios serbios (1863-1864).

PERSOEIRO

Príncipe de Moscova (?1280-1303), fillo de Alexandre Nevskij. En 1302 anexionou o principado de Perejaslav e sentou as bases da posterior unificación das terras rusas.

PERSOEIRO

Escritor inglés. Traduciu a Tasso e imitou a súa poesía en Delia (1592) e Complaint of Rosamund (O lamento de Rosamunda, 1592). Escribiu ensaios en defensa da cultura, traxedias clásicas e traxicomedias pastorais.

PERSOEIRO

Meteorólogo e químico. Inventou a pila eléctrica (1836) e o higrómetro (1820) que levan o seu nome, e o pirómetro (1830). Desenvolveu un sistema de iluminación con gas baseado no aproveitamento de resinas naturais que se empregou durante bastante tempo en Nova York. Entre as súas obras cómpre salientar Meteorological Essays (Ensaios meteorolóxicos, 1823), Essay on Artificial Climate Considered in Its Applications to Horticulture (Ensaio sobre o clima artificial considerado nestas aplicacións para a horticultura, 1839) e Introdution to the Study of Chemical Philosophy (Introdución ao estudo da filosofía química, 1839).

PERSOEIRO

Teólogo e xesuíta francés. Foi un dos impulsores da nova teoloxía, movemento de renovación teolóxica que propuña o retorno ás fontes do cristianismo. Xunto a Henri de Lubac fundou a colección Sources Chrétiennes (Fontes do cristianismo). As súas principais obras son Sacramentum futuri (Sacramento futuro, 1950) e Essai sur le mystére de l’historie (Ensaio sobre o misterio da historia, 1953).

PERSOEIRO

Actor cinematográfico. Coñecido como Kirk Douglas, estudiou letras na Saint Lawrence University e interpretación na American Academy of Dramatic Art. A principios da década dos corenta debutou en Broadway con papeis secundarios. Comezou no cine con pequenas aparicións en The Strange Love of Martha Ivers (O estraño amor de Martha Ivers, 1946) e Out of Past (Retorno ao pasado, 1947). Durante os anos cincuenta e a primeira metade dos sesenta protagonizou gran cantidade de películas, entre as que destacan Along the Great Divide (Camiño da forca, 1951), The Big Carnival (O grande entroido, 1951), The Big Sky (Río de sangue, 1952), Man Without a Star (A pradería sen lei, 1955), Lust for Life (O tolo de pelo vermello, 1956), Paths of Glory (Sendeiros de gloria, 1957) ou Spartacus (1960). Tamén participou noutros títulos como The Arrangement (O compromiso, 1969), The Fury (A furia, 1978),...

PERSOEIRO

Xornalista e político. De orixe obreira, denunciou as desigualdades sociais en Suecia. Dirixiu o movemento obreiro do sur de Suecia e foi o ideólogo do partido socialdemócrata. Fundou o diario Arbetet en Malmö.

PERSOEIRO

Historiador e político finlandés. Ensinou na Universidade de Helsinqui. Foi membro do Parlamento finlandés (1907-1914) e defendeu a independencia de Finlandia. Escribiu diversas obras sobre a historia do país.

PERSOEIRO

Escritor ruso. Publicou baixo o pseudónimo de Nikolaj Aržak varias obras de crítica ao réxime soviético polo que o condenaron a traballos forzados. Os seus Poemas da prisión reactivaron en 1972 a polémica sobre os disidentes soviéticos. Volveu publicar en 1990 coa apertura da Perestrojka.

PERSOEIRO

Escritor e político ruso. Xunto co historiador Pogodin, elaborou as ideas básicas do paneslavismo, defendeu a especificidade da civilización eslava e preconizou a unidade dos pobos eslavos baixo a dirección rusa. Foi autor de Rusia e Europa (1869) e de Oriente, Rusia e eslavismo (1871), no que propuña que Rusia crease unha gran federación eslava baixo a súa dirección, con capital en Constantinopla, capital da Ortodoxia.

PERSOEIRO

Vladica (príncipe-bispo) de Montenegro (1700-1735). Iniciou un goberno teocrático e perseguiu os conversos ao islamismo. En 1711 aliouse con Rusia contra os turcos. Fundou a dinastía Petrovič-Njegoš.

PERSOEIRO

Gospodar (príncipe laico) de Montenegro (1852-1860). Membro da dinastía Petrovič-Njegoš, sucedeu o seu tío Pedro II. Sostido polos rusos, secularizou o poder e atacou os turcos. En 1856, no Congreso de París, loitou pola abolición da soberanía otomana e a independencia de Montenegro. Morreu asasinado.