"Ons" (Contén)

Alfonso Pons Ezquerra.

Rosa Melba Ponzillo.

Enfrontamentos entre as tropas invasoras francesas e os labregos. A depredación que practicaban os franceses a comezos de 1809 na rexión comprendida entre Betanzos e Ferrol, esixindo contribucións de cebada, palla, trigo e viño, e tomándoo pola forza no caso de non recibilo, provocou a resistencia dos labregos, que adoptaron o sistema de guerrillas. O día 6 de febreiro capturaron algúns soldados franceses das tropas do mariscal Ney e queimáronos en Andrade (Pontedeume). Entre o 20 e o 21 de febreiro de 1809 os habitantes da zona realizaron un ataque durante a noite e mataron a todos os oficiais e á tropa francesa. Posteriormente enterráronos nos piñeirais, mentres que os cabalos foron conducidos ata Ribadavia e entregados ao marqués de La Romana.

Barco de guerra de superficie, especialmente concibido e construído para o transporte, lanzamento e recollida de avións de guerra. A parte superior do casco é unha cuberta que sobresae por babor e estribor, e pola proa e pola popa, sen case obstáculo na superficie, de xeito que constitúe unha pista de lanzamento e de aterraxe dos avións, que, á súa vez, están no interior do casco nun enorme hangar, do que son subidos mediante montacargas. O primeiro voo da historia desde unha plataforma instalada nun barco foi o do piloto norteamericano E. Ely, que en 1910 iniciou o voo cun biplano desde o cruceiro Birmingham, e a primeira aterraxe nunha pista deste tipo conseguiuna o mesmo piloto no buque Pennsylvania, en 1911. O primeiro portaavións propiamente dito foi o Hermes, que saíu ao mar en 1924 con vinte avións. O maior portaavións do mundo é o estadounidense Enterprise, propulsado con enerxía atómica e botado en 1960, con capacidade para transportar 100 avións e unha dotación de 4.500 homes.

Conxunto de procesos psíquicos latentes, dispoñibles e aptos para se converter en conscientes, segundo a primeira tópica freudiana.

Persoa que xestionaba, na república romana, unha comandancia militar ou unha administración provincial polo feito de ter sido cónsul o ano anterior. En realidade, o cargo correspondía ao desexo do Senado de permitir que o cónsul cesante continuase no poder durante outro ano máis (prorogatio imperii).

Xénero de simios, xa extintos, considerados actualmente pónxidos por ter o primeiro premolar cunha soa cúspide. Os primeiros restos encontráronse preto do lago Vitoria en 1926. Dunha altura que oscilaba entre a dun chimpancé pequeno e a dun gorila, segundo a especie, eran moi áxiles e podían desprazarse polas pólas das árbores e correr por terra coas catro patas. Vivían nas zonas boscosas do Mioceno Inferior.

Relativo ou pertencente ao procónsul ou ao proconsulado.

Compañía teatral fundada en 1994 por Miguel Borines Fernández e Eduardo A. Rodríguez Cunha. Representaron Macbett (1994), de E. Ionesco, Ah, ah, ah, estamos monstros de risa (1995), espectáculo de marionetas, e Sempre Ubú (1996), de J. Jarry.

Programa promovido polas Nacións Unidas desde 1965 para mellorar as condicións de vida do ser humano, tanto no relativo ao medio natural como ao medio humano. Desde 1990 publica anualmente o Informe sobre o Desenvolvemento Humano que clasifica os países segundo o Índice de Desenvolvemento Humano (IDH). Ten a súa sede en Nova York.

Programa das Nacións Unidas xurdido da Conferencia de Estocolmo (1972) e creado coa finalidade de velar polo equilibrio ecolóxico dos océanos, a prevención da erosión dos solos, a mellora das augas e a calidade da vida rural e urbana. Ten a súa sede en Nairobi.