"ALE" (Contén)

Bolboreta nocturna.

Peza metálica, de forma circular ou cuadrangular, con decoracións en relevo e función ornamental, que empregaban os soldados do exército romano sobre a coiraza. Usouse tamén como ornamento nos arneses dos cabalos. En Galicia localizáronse algúns exemplares, entre outros lugares, en Santo André de Lourizán e Cidá do Castro de San Damián.

Nome latino da antiga cidade dos faliscos, situada entre os montes Cimini e o río Tevere e que se corresponde coa actual Civita Castellana. Destruída polos romanos no 241 a C, foi reconstruída a poucos quilómetros co nome de Falerii Novi.

iño ácido e espirituoso que se producía na Campania, moi famoso na antiga Roma. Cos anos incrementaba notablemente a súa gradación alcohólica.

Heroe ateniense, epónimo do porto Falero, no Pireo. Foi un dos argonautas e loitou contra os centauros xunto a Teseo e Pirítoo.

Antigo porto de Atenas. Situado no golfo de Salónica, ao L do Pireo, o auxe deste significou a súa decadencia progresiva a partir do s V a C.

Institución creada en Vigo en 1979 que acadou rango legal en 1983. O seu primeiro presidente foi Vicente Abeijón e uns dos primeiros coros que a constituíron foron Ars Musicae, de Pontevedra, Grupo Coral Os Bardos, de Vigo, e Coro Clásico, de Vigo. Entre as súas actividades destaca a organización de festivais e de cursos de perfeccionamento das técnicas vocais. Así mesmo, editou a revista Galicia Cántat e creou o Arquivo Coral Galego. Posteriormente asumiu a dirección Carlos Orcajo Rial.

Institución creada o 11 de marzo de 1991 en Ferrol. A primeira xunta directiva estivo presidida por Xavier Carro Garrote, quen instaurou a celebración de campionatos provinciais de gaitas e un campionato nacional que terá lugar cada ano en Cabeza de Manzaneda. Nesta primeira etapa creáronse os seus diferentes órganos, entre os que destaca o Comité de Graduación como estamento consultivo-interpretativo e editouse o regulamento rexedor dos campionatos, que se comezaron a organizar en Xinzo de Limia. Nunha segunda etapa, contou coa presidencia de Fernando Dopico Blanco (1994-2000) e, posteriormente, de Manuel Garrido Rodríguez.

Federación creada en 1986 co obxectivo de divulgar a música de banda como tal, a través de festivais e da súa publicación O son dun pobo; atender todo tipo de xestións de carácter administrativo, xurídico ou fiscal para conseguir que as bandas de música se atopen en situacións e condicións legais durante a realización das súas actividades musicais, formativas ou lúdicas; crear e fomentar a música para banda a través de festivais, concursos, composicións por encarga, intercambios, certames, etc; informar de todo aquilo que fai referencia ás bandas de música populares (concursos, prazas, oposicións, subvencións, certames); e formar as agrupacións como conxunto e os directores das mesmas coa intención de acadar un mellor nivel musical para elas.

Asociación das corporacións locais galegas (todos os concellos e as deputacións provinciais) fundada o 7 de outubro de 1988. Os seus obxectivos son: o fomento e a defensa da autonomía das entidades locais; a representación e defensa dos intereses xerais das entidades locais ante outras Administracións públicas e, especialmente, a reivindicación das súas competencias; a promoción e o desenvolvemento da cultura e da lingua galega no ámbito local; o fomento da participación cidadá na vida local; o desenvolvemento e consolidación do europeísmo no ámbito local, baseado na autonomía e solidariedade entre as entidades locais; e a prestación de toda clase de servicios ás entidades locais. Na súa asemblea constituínte, celebrada o 7 de abril de 1989, ratificouse como presidente a José Castro Álvarez, alcalde de Ponteareas, que en 1992 foi substituído por Xosé Luis Torres Colomer, alcalde de Ribeira. En 1995 accedeu á presidencia o alcalde de Quiroga, Xulio Álvarez Núñez, ao que sucedeu, en 1999,...

Organismo constituído en Pontevedra a finais de 1953 co obxectivo de coordinar e impulsar as actividades de centros culturais e ateneos de carácter libertario. Contou con entidades adheridas en Vigo e nos seus arredores (Lavadores, Beade, Bembrive, Candeán, Sárdoma), Porriño, A Guarda, Cangas, Moaña, Vilagarcía e Pontevedra.

Antigo castelo situada en Palas de Rei. Construída no s XIII, foi propiedade de Alvar Sánchez de Ulloa, quen asaltaba os peregrinos do Camiño de Santiago. Cercada e incendiada por mandato do arcebispo de Santiago, Berenguel de Landoira, destruírona no 1321.

Agrupación xurdida no seo de Asociación Galega da Muller (AGM) trala Asemblea Nacional de 1978, que contiña diversas correntes ideolóxicas dentro do feminismo independente galego. Nos anos oitenta conformáronse dúas traxectorias diverxentes, unha arredor das figuras de Ana Fernández e Pascuala Campos, e outra de María Xosé Queizán, artífice da legalización das siglas do colectivo en 1989. A partir de 1983 editou a revista ES-TRAD;mso-fareast-language: Festa da Palabra Silenciada.