"ILi" (Contén)

PERSOEIRO

Político, irmán de Aureliano Linares Rivas. Gobernador civil da Coruña, representou o distrito de Ferrol na Diputación Provincial da Coruña (1880-1886). Obtivo a súa primeira representación como parlamentario no 1892. Elixido senador en 1893, foi reelixido sucesivamente en 1896 e 1899.

1. Que liofiliza.

2. Aparato que se emprega para realizar a liofilización. Consta dunha cámara seca, dun condensador, dun sistema de baleiro e dun compresor de frío. A cámara seca é onde se coloca a substancia que se vai liofilizar. No condensador condénsanse os vapores que proceden da sublimación da substancia e mantense a unha temperatura inferior ao da cámara seca. O sistema de baleiro e o compresor producen o baleiro e os cambios de calor necesarios na cámara seca e no condensador.

PERSOEIRO

Pintor italiano. Formouse con Botticelli e co seu pai Filippo Lippi. En Florencia completou os frescos de Masaccio da capela Brancacci na igrexa de Santa Maria del Carmine e fixo as vidas de san Filipe e san Xoán (1495-1502) na capela Strozzi de Santa Maria Novella. Pintou os frescos do ciclo da vida de san Tomé de Aquino (1488-1493) na capela Caraffa da igrexa de Santa Maria sopra Minerva en Roma. Fixo unha interpretación versátil da tradición e deixouse influír polo naturalismo flamengo, como en Apparizione della Vergine a san Bernardo (1483-1488).

PERSOEIRO

Pintor italiano. Asinaba as súas obras como frater. A súa primeira obra, Madonna Tarquinia (1437), ten clara influencia de Masaccio. Inclinouse posteriormente por formas naturalistas, conservando unha devota intimidade como na Annunciazone ou Incoronazione della Vergine (1441-1447). Experimentou cos efectos da luz na decoración do coro da catedral de Patro (1452-1464).

FILOSOFOS

Filósofo e lexicógrafo. Traduciu as obras de Hipócrates e continuou a obra filosófica de Auguste Comte. Fundou a Revue de Philosophie Positive (1867) e escribiu Historie de la langue française (1862) e Ditionnaire de la langue française (1863-1873) en catro volumes e un de suplemento (1877) que incorpora o léxico da lingua francesa clásica (ss XVII-XVIII).

PERSOEIRO

Científico e poeta ruso. Impulsou a fundación e dirixiu a Universidade de Moscova (1755), que leva o seu nome. Foi considerado un dos pais da ciencia rusa e destacou en xeoloxía, mineraloxía, astronomía, física e química e metalurxia. Propugnou o estudo da química sobre unha base matemática e física, defendeu a teoría molecular e cinética da materia e foi un precursor de Lavoisier. Fixou os fundamentos da terminoloxía científica rusa ao adaptar os principais termos de física e química do latín ao ruso e esforzouse por crear unha lingua culta e unha literatura nacionais. Puxo as bases da versificación rusa moderna, publicou a primeira gramática rusa e escribiu odas, sátiras e dúas traxedias.

1. Que presenta un predominio da lonxitude sobre outras dimensións.

2. Aplícase ao biotipo dos individuos caracterizados, segundo a biotipoloxía italiana, por ter os membros longos, en relación co tronco, talla alta, tórax longo e delgado, panículo adiposo pouco desenvolvido e músculos fláccidos e longos. Corresponde ao tipo leptosomático de Kretschmer.

GALICIA

Sindicalista e político. Coñecido como Milucho, foi membro fundador do sindicato Comisións Labregas (1976) e secretario xeral entre 1982 e 1989. Deputado do BNG no Parlamento de Galicia na IV, V e VI lexislaturas, foi o voceiro do seu partido na Comisión de Agricultura.

GALICIA

Escritor e investigador. Doutor en Filosofía e Letras e catedrático de Literatura Galaico-Portuguesa pola Universitat de Barcelona, desde 1970 desenvolveu o seu labor como profesor dos programas en España das universidades de California e Illinois, e tamén do Knox College e do Darmouth College. Foi director literario das editoriais Caralt Editores e Noguer de Barcelona, membro do consello de redacción da revista Grial, asesor da Enciclopedia Galega Universal (EGU) e membro do consello científico do Boletín Galego de Literatura. Ademais, exerceu como vicepresidente (1985-1993) da Asociación Española de Críticos Literarios e tamén como vicepresidente da Asociación Internacional de Estudios Galegos (2000). Das súas obras destacan os traballos de investigación filolóxica e literaria que se centran en figuras como Rosalía de Castro, Luís Seoane, Fernando Pessoa, Jorge Amado, Saramago, Castelao ou Celso E. Ferreiro; os numerosos artigos e estudios sobre as literaturas...

PERSOEIRO

Poeta latino. Entre 134 e 133 a C participou na Guerra Numantina e formou parte do círculo helenizante dos Escipións. Escribiu trinta libros de Sátiras, aínda que só se conservan 1.300 versos. Creou o xénero da sátira e deulle a forma métrica e a linguaxe definitivas. Vigoroso na invectiva e no retrato, atacou a todos os homes do seu tempo e uniu á polémica político-moralista, a polémica filosófica e a literaria. Influíu na literatura latina posterior.