"To" (Contén)

IGREXAS

Igrexa parroquial situada en Oza dos Ríos. De estilo románico, construíuse a finais do s XI ou comezos do s XII. Da primitiva construción só se conserva a ábsida e a fachada. Ten planta rectangular cunha soa nave e ábsida tamén rectangular, á que se accede por un arco triunfal lixeiramente apuntado. Ten un coro alto aos pés da nave. A portada principal está formada por arquivoltas tóricas, decoradas cun billete, apoiadas en columnas acobadeladas. No tímpano atópase inscrita unha cruz.

1. Que salta moito.

2. Que sobresae ou que é moi prominente.

3. 1. Insecto da orde dos ortópteros incluídos en diferentes xéneros de familias moi diversas. Ten o corpo macizo de cores terrosas, as antenas curtas, o órgano estriduloso formado polos élitros e os fémures, o órgano timpánico no abdome e o oviscapto moi curto. Son fitófagos e de costumes gregarios. Algunhas especies son alimento humano para certas poboacións dos desertos africanos. O saltón marroquí (Dociostaurus marocanus) habita no N e no centro de África, no O de Asia, na Península Ibérica, en Italia, no S de Francia, en Hungría e nos Balcáns, onde é sedentario e provoca pragas non periódicas nos mesmos lugares que habita. O saltón migratorio (Locusta migratoria) habita en Europa central e meridional, onde é sedentario e non gregario, e no O de Asia, onde é gregario, emigrante e provoca estragos considerables. O saltón peregrino (Schistocerca gregaria) habita en África e no O de África. É dos máis nefastos para...

   2. saltón verde [Tettigonia viridissima, Fam dos tetigónidos]

      Insecto da orde dos ortópteros que acada ata 7 cm de lonxitude. É de cor verde intensa e ten unhas antenas longuísimas e filamentosas, máis longas ca o corpo, e o oviscapto longo, en forma de sabre. Habita entre as herbas e plantas cultivadas.

4. marolo.

5. Molusco bivalvo de menos de 8 cm de lonxitude que habita en zonas próximas á costa.

PERSOEIRO

Poetisa. Despois dunha viaxe por diversos países do Mediterráneo, e influída por Costa i Llobera, comezou a escribir unha poesía marcada pola relixiosidade, que reflectiu en Poesies (1910), Espigues en flor (1926), El retorn (1934), Llepolies i joguines (1946) e Lluneta del pagès (1952).

GALICIA

Xogador e adestrador de baloncesto. Coñecido como Quino Salvo, xogou na Liga ACB nove tempadas, nos clubes CAI de Zaragoza, Forum Filatélico de Valladolid e Caja San Fernando. Tamén foi adestrador na ACB do Cantabria de Torrelavega (1997-2000) e na Liga LEB co C. B. Los Barrios de Cádiz (desde 2002).

1. Documento entregado por unha autoridade, civil ou militar, autorizando ao portador a circular por un territorio ou atravesar unha fronteira en tempos de guerra a causa da excepcionalidade das circunstancias. Considérase como o precedente do pasaporte.

2. Liberdade de acción sen medo a un castigo.

PERSOEIRO

Escritor. Membro da Resistencia grega durante a ocupación nazi, ao ser descuberto foi condenado a morte. Considerado un dos máis destacados escritores gregos da súa xeración, denunciou en moitas das súas obras a represión como en O erro (1965), de carácter policial e político.

PERSOEIRO

Dirixente deportivo e diplomático. Seleccionador nacional de hockey a patíns, foi presidente da federación española deste deporte e do Comité Olímpico Español (1967-1970). Membro do Comité Olímpico Internacional desde 1966, foi o seu vicepresidente (1974-1978) e presidente (1980-2001), durante cuxo mandato Barcelona foi elixida (1986) para organizar os Xogos Olímpicos de 1992. Presidiu a Deputación de Barcelona (1973-1977) e foi embaixador na Unión Soviética (1977-1980). Foi presidente da Caixa de Pensions (1987-1999), que baixo o seu mandato pasou a ser a Caixa d’Estalvis i Pensions de Barcelona.

1. 1. Especie de capote ou hábito rústico, semellante a un saco, e previamente bendicido, que se lle poñía aos acusados cando eran levados ante o tibunal da Inquisición.

   2. Escapulario que se lles poñía aos penitentes reconciliados polo tribunal da Inquisición.

2. Descrédito, xeralmente infundado, que se fai recaer sobre alguén.

MONTAÑA

Aliñación montañosa situada na parroquia de Queixa (Chandrexa de Queixa). Os seus cumios acadan os 1.420 m de altitude media.

PERSOEIRO

Líder africano. Da tribo mandinga, entre 1874 e 1882 creou un reino no Alto Níxer, pero chocou coa expansión francesa en Sudán. En 1887 aceptou o protectorado de Francia. Retomadas as hostilidades en 1891, foi capturado en 1898.

PERSOEIRO

Político e escritor. Pertenceu á ala esquerda do liberalismo e foi moi combativo nos seus escritos, que publicou desde 1840 no xornal Revolução de Setembro, entre outros. Desde 1851 dedicouse á política como deputado, ministro do Reino (1871-1877) e primeiro ministro (1881).

GALICIA

Musicólogo e historiador. Realizou estudos eclesiásticos en Tui, Ourense e Santiago de Compostela, onde tamén estudou dereito. Iniciouse na música tocando o órgano na igrexa parroquial de San Lourenzo de Trasouto (Santiago de Compostela). Impulsou a Sociedad Arqueológica de Pontevedra (1898), onde participou activamente con numerosas investigacións históricas e arqueolóxicas sobre o patrimonio pontevedrés, das que destacan Pontevedra antigua (1915-1916) e Vías romanas de Pontevedra (1920). En 1884 colaborou na creación da Sociedad de Folklore Gallego, grazas á que iniciou o seu traballo de campo para a realización do Cancionero Musical de Galicia. Para esta obra contou coa axuda doutros folcloristas como Tafall, Arana, Said Armesto, Valladares, Martínez Posse, U. Montes ou F. Santalices. En 1909 presentou a súa colección, que foi premiada pola Real Academia de San Fernando como a mellor recompilación de música popular das máis de doce presentadas. Contén muiñeiras,...

CIDADES

Cidade do estado de Texas, EE UU, situada na beira do río homónimo, a 240 km da fronteira con México (1.144.646 h [2000]). Cidade de función militar, comercial e industrial, ten fundicións, construcións mecánicas e industria editorial, da confección e alimentaria. Boa parte da poboación é bilingüe inglés-castelán.

MUNICIPIOS

Municipio da provincia de València, Comunitat Valenciana (3.042 h [2001]). Situado en Camp del Turia a 12 km de València, na súa economía destaca o sector terciario.