"ILi" (Contén)

1. Relativo ou pertencente á milla.

2. 1. Aplícase á columna de pequeno tamaño que os romanos situaban nas vías de comunicación máis importantes que indicaba a distancia en millas desde ese punto a Roma ou a outra cidade importante do Imperio. De forma e alturas variables, moitos deles movéronse do seu emprazamento orixinal ou foron reutilizados con distintos fins. En Galicia atopáronse numerosos miliarios, sobre todo na provincia de Ourense no percorrido da Via XVIII. Destacan o miliario de Calígula (40) e o de Graciano (367-383).

   2. miliario áureo

      Columna que, antigamente, indicaba as distancias desde Roma ata os últimos extremos do Imperio. Chamouse así polas letras de bronce dourado coas que se indicaban estas distancias. En tempos de Augusto situouse no foro, preto da tribuna das arengas, en forma de columna dourada.

1. 1. Arte ou actividade da guerra.

   2. Profesión ou ocupación dos soldados.

   3. Prestación persoal que os soldados dan ao exército. OBS: Tamén se emprega a forma apocopada mili para designar a mesma prestación.

   4. Tropa de guerra, especialmente aquela que ten un grao de militarización inferior ao do exército. Eran grupos locais formados por civís instruídos ocasionalmente, que só se mobilizaban en caso de guerra. A partir do s XVII desenvolvéronse como forzas auxiliares, reservas ou formacións defensivas, complementarias dos exércitos, que entón xa eran permanentes e asalariados en toda Europa. O feito de que as milicias cidadás de París, creadas en 1789, tivesen un papel relevante na Revolución Francesa produciu un fenómeno mimético nas revolucións liberais. En España, a Milicia Nacional foi creada polas Cortes de Cádiz en abril de 1814, mediante Real Decreto, que foi anulado por Fernando VII o 4 de maio de 1814. Restableceuse durante o Trienio Constitucional (1820-1823) e tivo un papel destacado. Coa restauración absolutista disolveuse e ao comezar as Guerras Carlistas renaceu como milicia urbana. Despois da guerra transformouse en forza ao servizo dos progresistas, polo que o moderado Luis González...

2. 1. Conxunto de persoas que loitan ou están dispostas a loitar por un ideal.

   2. milicias populares

      Forzas compostas por elementos civís armados durante a Guerra Civil Española (1936-1939) que xeralmente dispoñían de asesores militares e que foron organizadas por grupos políticos de esquerdas e polas organizacións sindicais. Os primeiros meses tiveron un papel importante porque permitiron facer fronte á rebelión militar.

   3. milicias provinciais

      Reserva militar que organizou a Real Ordenanza do 31 de xaneiro de 1734 de Filipe V. Formábana 31 rexementos, 42 en 1766, formados por oficiais profesionais, armados polo Estado. En 1835 a milicia provincial foi asimilada pola infantaría.

3. Conxunto de anxos.

1. 1. Relativo ou pertencente á milicia.

   2. Membro dunha milicia.

2. 1. Soldado voluntario do goberno republicano durante a Guerra Civil Española (1936-1939).

   2. Membro dun exército revolucionario, diferente do exército regular do país.

PUBLICACIÓNS

Publicación que apareceu en Madrid a partir do 1 de agosto de 1936 e que cesou ao ano seguinte (nº9). Subtitulouse “Órgano del Cuarto Batallón de la Primera Brigada Mixta de Líster” e editouse para aglutinar politicamente o Batallón de Milicias Gallegas. O promotor e principal executor foi Santiago Álvarez. De contido bélico e político, incluíu prosa e poesía de colaboradores como Ramón Cabanillas e Rafael Dieste. Foi un dos tres xornais galegos publicados na zona republicana durante a Guerra Civil Española, xunto con Nova Galicia e Nueva Galicia.

PERSOEIRO

Historiador da arte. Estableceuse en Barcelona en 1944 e especializouse na pintura hispánica do Renacemento, en Josep de Ribera, Francisco de Goya e Pablo R. Picasso. En 1985 dirixiu unha Historia Universal del Arte.

1. Que está dividido en milímetros.

2. Que está marcado por milímetros.

1. Relativo ou pertencente ao milímetro.

2. Que está graduado ou dividido en milímetros.

3. Que é moi exacto ou moi preciso.

1. Unidade de lonxitude que equivale á milésima parte dun metro.

2. torr.

1. Relativo ou pertencente aos miliobátidos.

2. Peixe da familia dos miliobátidos.

3. Familia de peixes condritios, da orde dos miliobatiformes, que presenta un disco rómbico, máis ancho ca longo, aletas pectorais moi desenvolvidas fusionadas coas marxes da cabeza e unha aleta caudal flaxeliforme máis longa ca o disco e con aguillón velenoso. Habita nos fondos areosos costeiros dos mares temperados e cálidos de todo o mundo. Os seus individuos aliméntanse de invertebrados bentónicos e son todos vivíparos.