"Ons" (Contén)

DEPARTAMENTOS

Departamento de El Salvador (1.226 km2; 419.019 h [estim 1997]). A súa capital é Sonsonate (76.200 h [1992]).

PERSOEIRO

Militar e conquistador. Participou nas campañas de Flandres, e en 1583 Filipe II nomeouno gobernador de Chile. Loitou contra os araucanos e fortificou as rexións fronteirizas, pero non puido vencer a resistencia india.

PERSOEIRO

Navegante portugués. Enviado por Xoán III de Portugal a unha expedición a Brasil (1531), descubriu a baía de Rio de Janeiro e fundou a cidade de Bahia. Dirixiu diversas expedicións ás Indias Orientais, entregouse á pirataría e tivo que volver a Lisboa. O seu irmán, Pero Lopes de Sousa (? 1500 - Madagascar 1539) acompañouno a Brasil, e tamén marchou á India, pero morreu nun naufraxio.

PERSOEIRO

Actor e director dramático. De nome Konstantin Sergejevič Aleksejev, fundou o Teatro Artístico de Moscova, con V. I. Nemirovič-Dančenko, onde puxo en práctica as súas concepcións dramáticas e desenvolveu o seu prestixioso método de interpretación. O actor ten que evitar toda afectación non motivada, e a obra, para el, é un conxunto orgánico formado pola vontade estruturadora do director en que nada queda solto. A loita contra o divismo e a educación dos actores e do público tamén forman parte do seu sistema.

PERSOEIRO

Pintor italiano. Coñecido como Il Sassetta, foi autor do políptico (1437), hoxe desmembrado, e do altar maior da catedral de Borgo San Sepolcro, co que mostrou un coñecemento das innovacións en perspectiva introducidas pola escola florentina. É autor tamén dun tríptico da Virxe co neno, san Martiño e o pobo (1433) e Visión de San Tomé que mostran a influencia de Duccio e S. Martini.

PERSOEIRO

Poetisa. A súa familia emigrou a Arxentina en 1896. Mestra e xornalista, a súa poesía evolucionou desde o posromanticismo a unha posición moi singular dentro das correntes de vangarda. Destacan La inquietud del rosal (1916), El dulce daño (1918), Ocre (1925), Mundo de siete pozos (1934) e Mascarilla y trébol (1938). En 1920 obtivo o Premio Nacional de Literatura.

GALICIA

Nobre. Membro da liñaxe dos Deza, en 1318 encabezou a rebelión contra o arcebispo compostelán Berenguel de Landoira. Morreu no castelo da Rocha Forte, durante o cerco do arcebispo á cidade.

1. Estado de consciencia imperfecta ou parcial.

2. Nivel da consciencia que corresponde ao subconsciente.

1. Relativo ou pertencente ao subconsciente.

2. Parte da estrutura de personalidade, tamén chamada preconsciente, que se distingue do inconsciente por non ser obxecto de represión permanente nin necesitar ser tratada clinicamente, segundo a psicoanálise.

PERSOEIRO

Pintor. En Brasil iniciou a súa formación en debuxo, fixándose na visión muralista de Cándido Portinari, a quen nun principio seguiu. En 1968 regresou a Galicia, onde continuou a súa traxectoria como pintor. Principalmente abarcou a temática costumista (Faenas de campo; Contas da feira, 1982) e relixiosa (Expulsión, 1991; Magdalena, 1985; Santiago Peregrino, 1992), con grupos de figuras caracterizadas por unha rexa anatomía e o xesto teatral, próximo á máscara (Entroido, 1992; Os xenerais do Marco, 1998), ademais de importantes escorzos (Mamá Ramona, 1986; Pecados capitais, 1992). Tamén tratou con frecuencia o nu (Bañista, 1999) e evolucionou cara ao expresionismo e a abstracción. Na súa paleta predominou o uso de cores quentes, especialmente ocres, verdes e amarelos (Calvario, 1998; Partida en Lamparte, 1992-1999). Ademais de As ofrecidas da Lanzada (1996-1999), Cacharela...

PERSOEIRO

Poeta e crítico literario británico. Foi un dos mellores poetas simbolistas ingleses con obras como Days and Nights (1894) ou Love’s Cruelty (1923).

PERSOEIRO

Político, fillo de William Howard Taft. Membro destacado do sector máis conservador do partido republicano, foi senador por Ohio (1938, 1944 e 1950). A pesar da oposición dos sindicatos, en 1947 conseguiu a aprobación da Law Taft-Hartley, que establecía uns controis do goberno á liberdade sindical e limitaba o dereito de folga.

FILOSOFOS

Filósofo e eclesiástico italiano. Ordenado sacerdote (1807), foi deputado no parlamento do Piamonte en 1848. O seu pensamento filosófico presentou tres etapas: unha de sensibilidade (Della filosofia dell’affetto, 1829-1834) outra escéptica e subxectivista (Filosofia della mente, 1836), e unha última kantiana (Della critica della Ragion pura di Kant, 1843 e 1846-1849).

PERSOEIRO

Militar ruso. Mariscal e comisario de defensa en 1940, foi derrotado polos alemáns en Minsk e en Biatystock (1941) e dirixiu sen éxito unha ofensiva en Kharkov en 1942. Desde 1945 ata 1947 foi conselleiro militar dos comunistas chineses.

PERSOEIRO

Biblista e teólogo alemán. En Santa Catarina do Sinaí descubriu o Codex Sinaiticus do s IV, que editou en 1862, xunto con outros códices da Biblia e dos apócrifos. Publicou sete edicións críticas do Novo Testamento grego (1841-1972).