"To" (Contén)

1. Seis veces cen.

2. Que ocupa o lugar número seiscentos nunha serie. OBS: Nesta acepción adquire valor ordinal e polo tanto equivale a sexcentésimo.

3. Representación gráfica deste número. OBS: Na numeración arábiga represéntase por 600 e na romana por DC.

MONTES

Monte situado no L da parroquia de Galgao (Abadín). O seu cumio acada os 678 m de altitude.

1. Que selecciona ou serve para seleccionar.

2. Conmutador que levan algúns aparatos e que permite escoller unha opción de funcionamento entre un certo número de posibilidades.

3. Conmutador provisto de contactos múltiples que se emprega en telefonía automática.

4. Conmutador dos radiorreceptores multibanda, que permite elixir a banda de frecuencia dentro da que se pode sintonizar unha emisora.

5. Dispositivo dos receptores de televisión que separa e sintoniza, a vontade, un determinado canal. OBS: Tamén se denomina conmutador de canais.

1. Calquera sal de ácido selénico (H 2 SeO 4 ). Coñécense dous tipos: M<H>I</H> 2 SeO 4 e M<H>I</H>HSeO 4 .

2. Dianión de ácido selénico, de fórmula SeO 2- 4 .

1. Calquera sal de ácido selenioso.

2. Anión de ácido selenioso, de fórmula SeO 2- 3 .

PERSOEIRO

Primeiro rei seléucida (306-280 a C) e fundador desta dinastía, fillo de Antíoco, xeneral de Felipe II de Macedonia. Á morte de Alexandre o Grande foi elixido lugartenente do rexente Perdicas, no asasinato de quen interveu. Obtivo a satrapía de Babilonia (321 a C), que foi tomada por Antígono o Torto. Refuxiado na corte de Ptolomeo I de Exipto, contribuíu á vitoria deste sobre Demetrio Poliorcetes, fillo de Antígono, en Gaza (312 a C). Isto permitiulle recuperar Babilonia e someter a Susiana e a Media. Someteu tamén Irán e Bactriana, e nunha nova repartición do imperio (301 a C) correspondeulle Siria. Despois conquistou Tracia e Macedonia.

SEMANARIOS

Semanario publicado na Coruña a partir do 2 de agosto de 1809. Cesou en setembro de 1810 (nº57). Fundado e dirixido por Manuel Pardo de Andrade, constaba das seccións de política, historia -redactada polo director-, e literatura, en que incluíu narracións dos feitos acontecidos en Galicia na guerra contra os franceses. O seu obxectivo foi manter vivo o espírito de resistencia fronte á invasión e salvagardar a cultura galega. De tendencia progresista e demócrata, traballou pola difusión do pensamento liberal.

1. Que ten propiedades intermedias entre as dos bos condutores eléctricos e as dos illantes, cunha condutividade que depende de diversos factores, como a temperatura, a tensión ou a inclusión de impurezas na súa estrutura.

2. Substancia intermediaria entre os bos condutores e os illantes. O estudo teórico e as aplicacións dos semicondutores deron lugar a unha nova rama da electrónica, denominada do estado sólido. As propiedades eléctricas dos semicondutores débense a que teñen unha banda de condución separada da banda chea por unha banda prohibida moi estreita. Todas as bandas de enerxía dun sólido están sempre cheas ata a máis elevada, que pode estar tamén chea ou medio chea. Cando unha banda de enerxía está chea, o conxunto non pode dar orixe a ningunha corrente eléctrica. Se se aplica un campo eléctrico nun sólido coa última banda medio chea, os electróns desta banda aceleraranse e algúns pasarán a ocupar estados superiores da mesma banda. Os corpos condutores teñen a banda de enerxía superior a medio encher. Pero os semicondutores teñen a última banda ocupada totalmente chea a baixa temperatura, e esta banda queda separada da banda contigua superior baleira por un intervalo de enerxía prohibida. Ao aumentar...

3. Semicondutor non cristalino formado por átomos que non presentan unha ordenación periódica de longo alcance.