"RAM" (Contén)

GALICIA

Presentador. Coñecido como Mon Santiso, traballou como locutor e director de programas de radio en Antena 3, Radio 80 e RNE, e como presentador, guionista e director de programas de televisión en TVG, Canal 10, Antena 3 TV e La 2 de Televisión Española.

DISTRITOS

Distrito de Surinam (3.636 km2; 12.320 h [estim 1992]). A capital é Groningen (2.300 h [1996]).

PERSOEIRO

Escritor e xornalista portugués. Militante do Partido Comunista portugués, foi perseguido durante a ditadura de Salazar. Continuador do neorrealismo, na súa obra manifesta influencias tanto da literatura popular como do vangardismo. En canto ao seu estilo non delimita os diálogos e utiliza parágrafos moi longos, sen apenas puntos, feito que non significa unha dificultade para o lector. Publicou Os Poemas Possíveis (1966), Deste mundo e do outro (1971), Viagem a Portugal (1981), Memorial do convento (1982), O ano da morte de Ricardo Reis (1982, Premio da Crítica e Premio Pen Club 1985), A segunda vida de Francisco de Assís (1987), Historia do cerco de Lisboa (1989), O Evangelio segun Jesucristo (1922), Ensaio sobre a Cegueira (1995), Todos os nomes (1997), A Caverna (2000), O homen duplicado (2002), Ensaio sobre a lucidez (2004), Don Giovanni ou O dissoluto absolvido...

PERSOEIRO

Cronista danés. Secretario do bispo Absalon, escribiu por encargo seu os Gesta danorum (1200), obra en dezaseis libros. Dedicou os nove primeiros a recoller todo o patrimonio das antigas sagas danesas, como as de Hamlet e de Guillerme Tell, e así completou o Edda islandés.

PERSOEIRO

Raíña de Asiria. Muller de Šamši-Adad V, exerceu a rexencia (809-806 a C) durante a minoría do seu fillo Adad-nirari III (809-782 a C). Unha lenda, recollida polos autores clásicos, faina muller de Ninos, atribúelle os xardíns colgantes de Babilonia e considéraa unha gran guerreira.

PERSOEIRO

Escritor. Traballou como xornalista en El Sol ata 1929. Exiliado (1938-1974), a súa obra analiza a realidade desde un punto de vista revolucionario. Das súas obras destacan Imán (1930), Madrid-Moscú (1934), Cartas de Moscú sobre el amor (1934), Mister Witt en el cantón (Premio Nacional de Literatura,1935), Crónica del alba (1942, Premio de Novela Ciutat de Barcelona 1967), Los cinco libros de Ariadna (1957), Réquiem por un campesino español (1960, publicada en 1953 co título de Mosén Millán), El bandido adolescente (1965), En la vida de Ignacio Morel (Premio Planeta 1969) e Adela y yo (1978).

ILLAS

Illa pertencente as illas Molucas, Indonesia, situada entre o mar de Seram, ao N, e o mar de Banda, ao S (17.087 km2; 97.000 h [estim 1980]). É unha illa montañosa, con cumios que acadan os 3.000 m de altitude. Os seus principais recursos económicos son a agricultura, a pesca e a explotación forestal. A partir de 1650 foi ocupada polos holandeses, que estableceron factorías. Foi incorporada á República de Indonesia en 1950.

PARROQUIA

Parroquia do concello de Vimianzo baixo a advocación de san Sebastián.

PERSOEIRO

Político. Licenciado en Dereito, exerceu de avogado do Estado. Deputado nas cortes pola CEDA (1933-1936), foi detido en Madrid ao se iniciar a Guerra Civil, pero conseguiu pasar á zona franquista (1937). Axiña se converteu nunha figura clave do novo réxime, foi amigo de José Antonio Primo de Rivera e cuñado do xeneral Franco, do que foi secretario político. Foi ministro do Interior (1938), de Gobernación (1939) e de Asuntos Exteriores (1940-1942). Nos últimos anos do franquismo adoptou unha postura distanciada e máis crítica contra o réxime, tal e como reflicten as obras Ensayos al viento (1969), Entre el silencio y la propaganda (1977), La Historia como fue. Memorias (1977) e De anteayer y de hoy (1981).

CIDADES

Cidade do estado de Bengala Occidental, India, situada ao O do río Hooghly e que forma parte da aglomeración urbana de Calcuta (137.087 h [1991]).

GALICIA

Naturalista. Doutor en Ciencias Naturais (1911) pola Universidad de Madrid. Foi profesor da Facultade de Ciencias da Universidade de Santiago de Compostela e profesor da Escola de Artes e Oficios. Xefe da Estación Meteorolóxica de Pontevedra, realizou a catalogación dos gravados rupestres galegos e descubriu o maior xacemento de berilo de España. Publicou Estudio sobre los cistólitos (1911), Insculturas galaicas prerromanas (1919), La dinamita en la pesca (1923), Petroglifos o insculturas rupestres de Pontevedra (1931) e Corpus petroglyphorum Gallaeciae (1935). Foi correspondente da Real Academia Galega.