"Rose" (Contén)

FAMILIAS

Familia de científicos alemáns. Valentine Rose (Neuruppin, Brandenburgo 1736-Berlín 1771), químico e farmacéutico, ideou unha aliaxe de chumbo, cinc e bismuto. O seu fillo, Valentine Rose (Berlín 1762-1807) o Novo, descubriu o bicarbonato sódico e a insulina. Fillos deste foron Gustav Rose (Berlín 1789-1873), mineraloxista, que estudou a cristalografía e o cuarzo e clasificou as rochas, e Heinrich Rose (Berlín 1795-1864), químico, que colaborou con Berzelius e desenvolveu métodos de análise cualitativa.

PERSOEIRO

Científico. Estudou na University of Chicago, onde se doutorou en 1952. É investigador do Departamento de Fisioloxía e Biofísica da Escola de Medicina da University of California, Irvine. Recibiu, xunto Aaron Ciechanover e Avram Hershko, o Premio Nobel de Química (2004), polas súas investigacións sobre como as células xeneran e destrúen proteínas.

CAPITAIS

Capital de Dominica (15.853 h [1991]). Está situada na costa suroccidental da illa, na desembocadura do río Roseau. É sede do goberno e dos bispados.

MONTES

Monte situado na parroquia de Vilar de Donas (Palas de Rei). O seu cumio acada os 645 m de altitude.

PERSOEIRO

Escritor austríaco. Coñecido como Petri Kettenfeier, escribiu Schrifen des Waldschulmeisters (Escritos do mestre de escola do bosque, 1875), Der Gottsucher (O buscador de Deus, 1883) e Jaob der Letzte (Xacob o último, 1888).

PERSOEIRO

Médico bacteriólogo. Estudou medicina na Universitat de Barcelona, fundou a primeira cátedra de microbioloxía en Norteamérica e foi director da École de Laiterie de Saint Hyacinthe. En 1934 fundou o Instituto Rosell de Canadá   e, en 1942, o Instituto Rosell de Lactología en España. Os seus estudos céntranse nas enfermidades dixestivas e da nutrición e foi pioneiro na investigación das bacterias lácticas e no desenvolvemento das súas aplicacións industriais. Colaborou en diversas revistas médicas e científicas e ten numerosas publicacións médicas e de cultura xeral, das que destacan Métodos analíticos de laboratorio lactológico y microbiología de las industrias lácteas (1952), en colaboración con Ignacio dos Santos, e Manual de análisis lactológico y fabricación de quesos y mantecas (1960), en colaboración con José Gómez.

1. Relativo ou pertencente a Rosellón ou aos seus habitantes.

2. Natural ou habitante de Rosellón.

3. ariedade de catalán que se fala nas comarcas catalás do outro lado dos Pireneos (Rosselló, Vallespir, Conflent e Capcir). OBS: Tamén se denomina catalán setentrional.

PERSOEIRO

Bailarina e coreógrafa. Formouse en Dinamarca e debutou con 18 anos. Creou o Scandinavian Ballet, co que actuou por diversos países de Europa. Posteriormente, abriu unha escola en Copenhaguen e dirixiu o Ballet de Göteborg (1970-1976) e o Ballet de Malmö (1980-1987).

FILOSOFOS

Filósofo estadounidense. A súa tarefa centrouse en repensar a relación entre o pensamento antigo e o moderno, co fin de fundamentar a súa crítica nas propostas baseadas na noción de hermenéutica, especialmente da teoría filosófica da deconstrución. Escribiu Hermeneutics as Politics (1987) e The Ancients and the Moderns. Rethinking Modernity (1989).

PERSOEIRO

Político e escritor estonio. Escribiu Mythus des 20. Jahrhunderts (1930), que o converteu no teórico do racismo nazi. Foi xefe dos servizos de Asuntos Exteriores do Partido Nazi desde 1933 e, como ministro dos Territorios Ocupados do Leste, ordenou a deportación e execución de miles de persoas. Foi condenado a morte polo Tribunal de Nuremberg, e aforcado.

PERSOEIRO

Compositor e director de orquestra sueco. Influído por Nielsen, Sibelius, Schönberg e Stravinskij, foi autor, entre outras obras, de sete sinfonías, diversos concertos para violín, doce cuartetos de corda e nove óperas, das que destaca Marinetter (1938).

PERSOEIRO

Físico. Xunto coa súa muller, Ethel Rosenberg (1915-1953) foi acusado de facer espionaxe en favor da URSS na época da caza de bruxas do maccarthismo. Condenados a morte en 1951, foron executados dous anos depois malia as protestas internacionais.