"Rus" (Contén)

1. Conxunto de cristais que recobren a superficie plana ou convexa dalgúns materiais xeolóxicos.

2. Conxunto arredondado de cristais microscópicos, as máis das veces de oxalato cálcico, que aparecen nalgunhas células.

PERSOEIRO

Filla de Xermánico e Agripina e irmá do Emperador Calígula. Foi amante de seu irmán, quen a asasinou e, posteriormente, ordenou que fose adorada como deusa.

PERSOEIRO

Político romano, fillo de Nerón Claudio Druso o Xermánico ou o Vello e de Agripina. Exerceu os cargos de cuestor, augur e prefecto de Roma. Membro do partido de Sexano, foi acusado por Tiberio diante do Senado a causa da súa popularidade e condenado a morte.

1. Relativo ou pertencente aos drusos.

2. Individuo da seita islámica drusa.

3. Secta musulmá disidente dos ismailís que xurdiu en 1017, vinculada coa rama xiíta de Iraq, á que pertencía a dinastía fatimí de Exipto. Os califas fatimís subliñaron o papel do imán, ata o punto de considerarse signos fulxentes de Allah e o Califa al-Hākim Bi-Amr Allah (996-1020) presentouse como a encarnación da divindade (deixou medrar os cabelos, vestiu un hábito de la e mostrouse publicamente cabalgando nun asno). Así naceu o drusismo. Despois da desaparición de Al-Hākim (1021), o movemento expandiuse e foi sistematizado por Hamza ibn Ati. Esta seita tomou a súa denominación popular do último elemento do antropónimo Muḥammad ibn Ismā’īl a-Darazī, un dos fundadores dos drusos e familiar de Al-Hākim. A súa doutrina é moi complexa e segue un sistema de admisión por iniciación que divide os crentes en dúas categorías uqqal, ou iniciados no misterio, e juhhal, ou ignorantes. Entre as súas crenzas inclúese a metempsicose. Concéntranse...

PERSOEIRO

Político romano, fillo do Emperador Tiberio. Cuestor no 10 d C, accedeu ao consulado no 15 d C. Realizou campañas en Panonia, Iliria e Xermania. Colaborou co seu pai durante o seu segundo consulado (21 d C) e compartiron o tribunado (22 d C). Morreu envelenado por Sexano.

PERSOEIRO

Político romano. Foi nomeado tribuno da plebe no 122 a C para contrarrestar a popularidade de Caio Graco. Presentou unha serie de reformas, entre as que destaca a rogatio livia que concedía aos itálicos a cidadanía romana. Estas reformas provocaron unha serie de tumultos en Roma. Nomeado cónsul no 112 a C, gobernou Macedonia, onde derrotou o pobo dos escordiscos. Morreu exercendo o cargo de censor.

PERSOEIRO

Político romano, fillo de Marco Livio Druso. Foi tribuno da plebe no 91 a C. Impulsou a reforma agraria e defendeu a concesión da cidadanía aos itálicos. Morreu asasinado.

PERSOEIRO

Político e xeneral romano, pai de Druso e do Emperador Claudio. Coñecido como o Vello ou o Xermánico, xunto co seu irmán, o Emperador Tiberio, participou na conquista da Retia e da Vendelicia (15 a C). Ocupou e organizou Xermania (12 a C-9 a C) en tres campañas. Nomeado cónsul no 9 a C, chegou ata o Elbe e enfrontouse cos suevos, marcomanos e queruscos. Morreu durante a última campaña.

PERSOEIRO

Pintor australiano. De orixe inglesa, instalouse en Melbourne en 1923 e trasladouse a Sidney en 1940. Na súa obra reflectiu a identidade nacional e a realidade cultural da poboación aborixe e branca australiana. Entre as súas obras destacan The cricketers (Os xogadores de cricket, 1948), West Wyalong (1949) e Mullaloonah tank (O tanque de Mullaloonah, 1953). Representou o seu país na Bienal de Venecia de 1954.