"Sada" (Contén)

GALICIA

Artista plástico e escritor. De nome Xaime Quesada Porto, comezou a pintar de neno e iniciou a súa formación na Escola de Artes e Oficios de Ourense. Estudou na Escuela Superior de Bellas Artes de San Fernando en Madrid (1956-1960), cidade onde entrou en contacto co grupo Acento. Obtivo unha bolsa para acudir á escola de paisaxe de El Paular (Segovia) e recibiu a medalla de ouro en paisaxe polas obras Beso e Tierras (1959). Partidario do internacionalismo da arte, empregada como medio de expresión cultural e compromiso social, iniciou, desde a década de 1960, a súa particular busca de novas formas de expresión, en Europa e Norteamérica, que derivaron na mestizaxe estética característica das súas obras. Cubismo, expresionismo, surrealismo, naturalismo, simbolismo, suprematismo, futurismo, orfismo, hiperrealismo ou academicismo foron algúns dos infinitos estilos que aplicou nas...

GALICIA

Violinista e pintor. Formou parte, xunto con Sarasate e Manén, dos grandes violinistas españois a escala internacional. Interpretou obras dos compositores máis afamados e como compositor deixou diversos Caprichos para violín, cadencias de obras de coñecidos compositores, algunha habanera e alborada, diferentes cantos e Variaciones sobre el Capricho 24 de Paganini. No apartado pictórico foi un autodidacta, especialmente a partir de 1938, cando unha enfermidade lle impediu tocar o violín. Destacou como debuxante e recibiu a influencia do postimpresionismo. Da súa produción pictórica destacan os retratos e caricaturas como Caricatura de Straüss (1928), Caricatura de Pau Casals (1940?), María Galvani (1945?) e os diferentes autorretratos que se conservan. Realizou tamén paisaxes en acuarela, como Rúa do Villar (1916), Unha vila na montaña (1931?) e Rúa no porto (1949?), e bodegóns como Floreiro con rosas. Recibiu...

PERSOEIRO

Mariño. De orixe galega, acadou o cargo de sarxento maior. Destinado a Filipinas, durante a viaxe desde América recalou na illa de Guam (Marianas) en 1680, onde o gobernador abandonou o cargo. Foi nomeado gobernador interino da illa, enfrontouse ás rebelións indias e consolidou o dominio español nas Marianas. Acadou o posto de gobernador en propiedade e en 1699 trasladouse a Manila.

GALICIA

Arcebispo de Santiago de Compostela (1751-1771). Formouse en leis na Universidade de Santiago de Compostela e exerceu como avogado na Real Audiencia da Coruña. Abandonou as leis e seguiu a carreira eclesiástica e obtivo a penitenciaría da catedral de Ourense, a doutoural da catedral de Lugo e ambos os dous postos na catedral de Santiago de Compostela, onde foi vigairo capitular e comisario xeral da cruzada. Tamén foi capelán maior do rei católico e da súa real capela, casa e corte; xuíz ordinario, notario maior do Reino de León e conselleiro real. En Madrid promoveu a Congregación de Naturais e Orixinais de Galicia en 1741. Nomeado arcebispo de Santiago de Compostela en 1751, realizou numerosas obras de caridade e mandou construír o Seminario de Confesores (sede do concello de Santiago de Compostela) e o convento da Compañía de María, reedificar a capela de don Lope na catedral de Santiago de Compostela e ampliar o pazo arcebispal. Ademais mandou edificar o pazo de Lestrobe a a reconstruír...

PERSOEIRO

Xornalista. Traballou en Pontevedra, cidade na que fundou o semanario O Galiciano (1887) e a revista A Tía Catuxa (1889), onde incluíu diversos artigos e composicións. Participou na elaboración do volume O Galiciano. Produciós premeados no certame gallego literario que iniciado por O Galiciano celebrouse en Pontevedra no día 9 de agosto de 1886 (1886).

GALICIA

Arquitecto. Foi arquitecto dos Servicios Provinciais da Coruña de Urbanismo (1981). Das súas obras, caracterizadas pola simplificación e a orde, destacan os edificios para a sede da Cruz Vermella na Coruña (1979-1981), o centro de saúde de Culleredo (1994-1997) e o edificio para a redacción de La Voz de Galicia, en Arteixo. Recibiu o primeiro premio no Concurso de Ideas Vivendas para Marxinados (1987) da Xunta de Galicia.

GALICIA

Compositor, director de orquestra e arquitecto. Acadou o título de arquitectura en 1911 na Escuela Superior de Arquitectura de Madrid. Foi arquitecto provincial (1914-1956) e as súas primeiras obras (edificio do Cantón Grande 14) trataron de realizar unha síntese das posicións academicistas. Na Casa Cortés (1918-1919) fusionou a estética ecléctica e académica, baseada no Renacemento e no Barroco, cos elementos tradicionais como a galería e os miradoiros. Desde 1927 apréciase un interese polos elementos do barroco compostelán en obras como o Colexio de Notarios (1927). En 1930 realizou a sede da Caixa de Aforros coruñesa, onde mesturou os elementos barrocos galegos con outros de filiación europea. A partir de 1931 diminuíu a ornamentación e aproximouse ao funcionalismo e ao racionalismo. Destaca o edificio Las Cigarreras, Centro Social da Unión Tabacalera (1932). Realizou as urbanizacións da Cidade Xardín. Desde 1940 diminuíu a súa produción arquitectónica para dedicarse á música. Estudou...

MONTES

Monte situado na parroquia de Frades (A Estrada). O seu cumio acada os 526 m de altitude.

PRAIAS

Praia da beira occidental da ría de Betanzos, situada entre a de Gandarío e a punta Torella, na parroquia de Sada, concello homónimo.

PARROQUIA

Parroquia baixo a advocación de santa María que dá nome ao concello de Sada, onde se atopa a capital municipal.

GALICIA

Concello da comarca da Coruña, situado no N da provincia da Coruña e no NO da Comunidade Autónoma de Galicia. Limita ao N coa ría de Betanzos, ao S con Cambre e Bergondo (ambas as dúas na comarca da Coruña), ao L de novo con Bergondo e coa ría de Betanzos e ao O con Oleiros (comarca da Coruña). Abrangue unha superficie de 27,4 km 2 cunha poboación de 13.606 h (2007), distribuída nas parroquias de Carnoedo, Meirás, Mondego, Mosteirón, Osedo, Sada, Soñeiro e Veigue. A súa capital é a vila de Sada, situada a 43° 20’ 59’’ de latitude N e 8° 15’ 08’’ de lonxitude O, e distante 17 km da capital provincial. Está adscrito á provincia da Coruña, á arquidiocese de Santiago e ao partido xudicial de Betanzos.
Xeografía física
O concello conta cun relevo baixo, de alturas moi modestas e relativamente suaves, sen pendentes excesivas e lixeiramente basculado cara á ría de Betanzos. A parte occidental está composta por materiais duros, xistos e pegmatitas, que supoñen...

MUNICIPIOS

Municipio da provincia de Zaragoza, Aragón, situado ao N do pantano de Valdefuente (1.722 h [2001]). A súa economía baséase na agricultura de regadío e nas industrias derivadas.

PERSOEIRO

Político exipcio. Militar de carreira, foi antibritánico declarado e un dos oficiais libres que colaborou no derrocamento do Rei Fārūq I (1952). Presidiu a Asemblea Nacional (1961-1968), foi vicepresidente da república (1969) e, á morte de Nasser (1970), foi elixido presidente. Reelixido en 1976, deu unha nova orientación á política exterior exipcia, decantándose por EE UU e iniciando conversas de paz con Israel. En 1981 ordenou a persecución dos islámicos radicais, que o asasinaron nun desfile militar. Recibiu, compartido con Mena ḥ em Begin, o Premio Nobel da Paz pola firma dos Acordos de Camp David (1978).

PARROQUIA

Parroquia do concello de Carballedo baixo a advocación de san Mamede.