"Trat" (Contén)

Pacto asinado en Manila en setembro de 1954 entre EE UU, Francia, Reino Unido, Australia, Filipinas, Nova Zelanda, Paquistán e Tailandia, en que se decidiu a constitución da Organización do Tratado do Sueste Asiático (OTASE).

Tratado de comercio asinado en 1703 entre Reino Unido e Portugal, polo que Portugal abría a aduana aos téxtiles de la inglesa e a cambio os ingleses ofrecían vantaxes arancelarias aos viños portugueses. Esta medida, éxito diplomático de John Methuen, foi abolida en 1836, condicionando a economía e a política portuguesa ata os tempos modernos, aínda que aseguraba a produción inglesa en Portugal en caso de invasión estranxeira.

Pacto secreto, asinado o 8 de outubro de 1435 en Milán, entre Afonso V de Aragón e Filippo Maria Visconti, duque de Milán. O primeiro renunciaba a Córsega e ás bases de Portovenere e Ilica, e comprometíase a repartir co duque de Milán as conquistas que fixera no N de Italia, ata Boloña.

Pacto asinado entre os representantes de Luís XIII de Francia e Filipe IV en Monzón, onde o rei de Castela celebraba Cortes, o 5 de maio de 1626. Recoñecía a independencia da Valtellina, Bormio e Chiavenna, feito que asegurou as comunicacións entre o Milanesado, dominado por Castela, e o Imperio Austríaco.

Acordo asinado en Moscova, o 5 de agosto de 1963, por EE UU, a URSS e Reino Unido, polo que foron prohibidas as probas nucleares efectuadas na atmosfera, no espazo exterior e baixo o mar, pero non as subterráneas.

Organismo de EE UU que se encarga de coordinar, dirixir e impulsar os programas civís de investigación aeroespacial e responsable da administración dos fondos que lle son destinados. A NASA foi legalmente creada en 1958, co impulso da American Rocket Society e da National Academy of Sciences, e ten a súa sede en Washington. As investigacións céntranse no voo espacial tripulado (lanzadeira espacial, estacións espaciais), na ciencia espacial (física e astronomía, exploración planetaria e lunar, foguetes lanzadores), nas aplicacións espaciais (meteoroloxía, física do Sol e dos océanos, telecomunicacións), na tecnoloxía aeronaútica, espacial e nuclear, e outras. Como traballos notables destacan o programa Apolo e os programas EOS e da Estación Espacial Internacional.

Acordo de paz asinado en Neuilly-sur-Seine o 27 de novembro de 1919 entre os países vencedores da Primeira Guerra Mundial e Bulgaria. Esta renunciou formalmente a Dobruxa, cedeu unha parte do seu territorio a Serbia e perdeu Tracia Occidental en favor de Grecia.

Teito de nubes escuro e uniforme que aparece nunha altura inferior aos 2.000 m. A miúdo vai acompañado por nubes baixas, e produce choivas e nevadas.

Transformación espontánea de ácido nitroso ou nitratos en ácido nítrico ou nitritos que ten lugar no solo en presenza de bacterias do xénero Nitrobacter.

nitrato de Chile.

Tratado de Unión Europea que se celebrou en Niza, adoptado entre os días 7 e 10 de decembro de 2000 e que se firmou o 26 de febreiro de 2001. O seu obxectivo foi adaptar o funcionamento das institucións europeas á incorporación dos novos estados membros. Os principais cambios que introduciu versaban sobre a limitación do tamaño e a composición da Comisión Europea, a extensión do voto por maioría cualificada, a nova ponderación de votos no Consello de Ministros e a flexibilidade do dispositivo das cooperacións reforzadas. Debatéronse outras cuestións de carácter institucional como a simplificación dos tratados e o papel dos parlamentos nacionais. Entrou en vigor o 1 de febreiro de 2003.

Acordo contra a propagación das armas nucleares que entrou en vigor o 5 de marzo de 1970 asinado por un cento de estados. Estipulaba que os países asinantes non podían formar ou aceptar armas nucleares, nin cedelas ou admitilas en control. Establecido por iniciativa de EE UU, URSS e Reino Unido, non foi aceptado por diversos estados, que vían nel un intento de perpetuar a hexemonía nuclear por parte das grandes potencias, nin tampouco foi ratificado por España. A súa validez foi de 25 anos.

Revista publicada en Pontevedra a partir de 1 de agosto de 1891. Cesou en 1892 (nº 10). Apareceu co subtítulo “Revista de los Ayuntamientos, Juntas locales de todos los ramos y Maestros de instrución primaria”. Editada nos obradoiros tipográficos de Luís Carragal Puga, en Pontevedra, o seu fundador, director e propietario foi Xosé López Pérez. Publicada os días 10 e 15 de cada mes, incluíu información sobre as disposicións lexislativas de interese para os mestres así como artigos relacionados cos concellos ou coa escola pública. En 1892 pasou a denominarse El Noticiero.

Acordo asinado en Noyon entre o futuro Emperador Carlos V e Francisco I de Francia o 13 de agosto de 1516. Nel concertouse o matrimonio entre Carlos V e unha filla do rei francés á que pasaron os dereitos franceses do Reino de Nápoles. O acordo quedou invalidado a raíz da elección imperial de Carlos V.

Acordo de paz asinado en Nystad, en Finlandia, o 10 de setembro de 1721. Puxo fin á Guerra Nórdica entre Suecia e Rusia. Suecia cedeulle a Rusia Ingria, Estonia, a illa de Ösel, Livonia, Carelia oriental e unha parte de Finlandia, con Viipuri. Supuxo a substitución do poder sueco polo ruso no Mar Báltico.