"PL" (Contén)

Xénero de fungos basidiomicetos, da orde das agaricais, que presentan o sombreiro plano, coas láminas desiguais, libres e de cor rosa. Viven na madeira. En Galicia dáse a especie P. cervinus, de carne moi feble.

Deus da riqueza, na mitoloxía grega. Represéntase como un mozo ou un neno que leva o corno da abundancia no cortexo de Deméter, a súa nai, e Perséfone. Está relacionado co mundo agrario, a fertilidade dos campos e os metais. Na comedia de Aristófanes, Zeus cegouno para que visitase indistintamente a bos e malos.

Persoa que ten poder ou influencia debido á súa riqueza.

Relativo ou pertencente á plutocracia ou aos plutócratas.

Masa de orixe magmática que ascende desde o interior da Terra e cristaliza en profundidade, antes de chegar á superficie, dando lugar a rochas eruptivas intrusivas.

Noveno dos planetas do sistema solar, atendendo á súa proximidade ao Sol, do que está a 5.913.520.000 km, cuxa órbita dura 249 anos, cunha inclinación de 17°. A existencia de Plutón foi probada por P. Lowell, a partir de consideracións teóricas, aínda que foi descuberto polo seu discípulo C. W. Tombaugh, en febreiro de 1930. É un planeta moi pouco brillante, de magnitude aparente 14,7 e só visible coa axuda de grandes telescopios. En 1978 descubriuse o seu satélite Caronte. Posto que o diámetro de Plutón é duns 3.000 km, o sistema Plutón-Caronte está considerado un planeta dobre. A temperatura media superficial, duns -230°C, non permite o mantemento dunha atmosfera estable. De orixe indeterminada, parece ter una fina atmosfera composta por nitróxeno, metano e monóxido de carbono, que se conxela conforme se afasta do Sol.

Sobrenome ritual de Hades, deus dos mortos e dos Infernos na mitoloxía grega, fillo de Cronos e Rea. Tense confundido con Pluto, deus da riqueza, e asimilouse ao deus latino Dis Pater, ambos os dous de orixe agraria. Na mitoloxía romana era fillo de Saturno e Ops.

Relativo ou pertencente ao planeta Plutón.

Teoría, en desuso, segundo a que as rochas da codia terrestre estaban formadas por fusión ígnea.

Xénero de aves limícolas, da familia dos carádridos, que presenta o corpo de pequeno tamaño, o peteiro curto e as patas longas. Pertence a este xénero a píllara dourada grande (P. apricaria).

Forma prefixada de orixe latina que se emprega na formación de palabras co significado de ‘chuvia’.

Pluviómetro que rexistra graficamente nun pluviograma, dunha maneira continua, as cantidades de chuvia caída.

Gráfico onde se representa a cantidade de chuvia caída en relación ao tempo. Realízase sobre unha folla de papel aplicada a un cilindro, movido por un aparello de reloxaría que xira ao redor do seu eixe nun día ou nunha semana.

Relativo ou pertencente á pluviometría ou ao pluviómetro.