"Ada" (Contén)

Oblast’ de Rusia (461.400 km2; 246.100 h [estim 1999]). A súa capital é Madagan.

Antropónimo feminino derivado do grego do Novo Testamento Magdalene, que pasou ao latín eclesiástico como Magdalena, sobrenome étnico ou xentilicio feminino (‘natural de Magdala’, cidade palestina). Presenta a variante Madanela e os hipocorísticos Mada, Lena e Malena. A difusión deste nome débese fundamentalmente a María Madalena, discípula de Xesús, que é venerada como santa pola Igrexa Católica. Santa María Madalena é titular de 39 parroquias e a súa festividade celébrase o 22 de xullo. Santa Madalena de Pazzi celébrase o 25 de maio. Na tradición oral recóllense ditos como “Chorar coma unha Madalena. Pola Madalena recata ben pola figueira. Entre santa Ana e a Madalena baleira a túa eira. Pola Madalena ceifadores polas leiras. Pola Madalena enche o carolo a nogueira. Pola Madalena a abelá vai chea”.

Ponte situada en Mourence (Vilalba), sobre o río Ladra. Era utilizada como conexión entre Vilalba e As Pontes de García Rodríguez. Realizada en cantería, está composta por dous vans de arcos oxivais e tallamares triangulares.

Ponte situada en Ribadelouro (Tui), sobre o río Louro. Datada no s XVIII, está realizada en cantería e ten un só van.

Relativo ou pertencente ao Madaleniano.

Último período do Paleolítico Superior. O nome deriva do xacemento francés de La Madeleine. Desenvolveuse durante un período climático frío, correspondente á derradeira glaciación (Plistoceno), entre 17000 e 9500 a C. Unha das características técnicas do período é a abundancia de ósos e cornos para fabricar instrumental, entre os que destacan os arpóns. A arte foi moi importante e sobresaen as pinturas rupestres nas covas (Altamira), que representan o período de plenitude da pintura paleolítica. En Galicia existen relacións coa área cántabra e os xacementos máis ricos atopáronse nas chairas de Abadín, Vilalba ou Xermade. Neste último lugar, no xacemento do Abrigo da Pena Grande de Férvedes, encontrouse un colgante lítico da época con decoración lineal.

Ópera en tres actos de G. Pucini, con texto de G. Giacosa sobre un drama de David Belasco, estreada en Milán en 1904. Narra a fidelidade dunha xaponesa ao seu marido, estadounidense, que a esquece e volve casar.

Novela de Gustave Flaubert, escrita entre 1851 e 1856, e publicada en La Revue de Paris (1857). Describe a historia de Emma Bovary, amante do luxo que se considera unha heroína romántica pero que non sabe aceptar a súa realidade. Fatigada pola vida aburrida e polo ambiente provinciano que a rodea, convértese nunha esposa infiel ata que finalmente se suicida. Esta obra, cualificada de inmoral pola crítica da época, está considerada como unha das creacións máis importantes da novela moderna.

Personaxe feminino do Entroido, propio da zona da Ulla.

ariante gráfica do antropónimo feminino Madalena.

Provincia de Papua Nova Guinea (29.000 km2; 365.106 h [2000]). A capital é Madang (27.394 h [2000]).

Provincia de Tunisia (8.588 km2; 421.800 h [estim 2000]). A súa capital é Madanīn (26.602 h [1984]).