"To" (Contén)

1. Axitación producida nunha reunión de persoas ou nunha multitude.

2. Multitude de xente que berra e está en desorde.

3. Declaración oficial dos desastres provenientes dunha guerra que producía o alzamento xeral en armas na Roma antiga. Equivalía á declaración de guerra.

1. Anión poliatómico que ten tungsteno como átomo principal.

2. Sal que contén este anión.

PERSOEIRO

Soberano inca (1471-1493), fillo e sucesor de Pachacútec. Foi un dos fundadores do Imperio Inca e ampliou os seus dominios cara ao N, polo actual Ecuador; ao S, ata o río Maule (Chile) e pola rexión setentrional da actual Arxentina. Foi sucedido polo seu fillo, Huayna Cápac.

1. Relativo ou pertencente ás turbulencias.

2. Que está en estado de axitación.

3. Que promove desorde e disturbios.

PERSOEIRO

Antropólogo. Levou a cabo traballos de campo co pobo ndembus ao NL de Zambia, que reflectiu en Schism and Continuity in an African Society (1975). Escribiu tamén A Forest of Symbols (1967) e The Ritual Process (1969), onde postulou que a vida social é un tipo de proceso dialéctico que comprende unha vivencia sucesiva de arriba a abaixo, da comunidade e a estrutura, da homoxeneidade e a diferenciación.

PERSOEIRO

Último faraón da dinastía XVIII (1361?-1352 a C), sucesor de Akhenaton. Cambiou o seu nome polo de Tutankamon, en honor ao deus Ammón, cuxo culto recuperou substituíndo ao de Atón. Abandonou Tall Al-Amārna e devolveulle a capitalidade do imperio a Tebas. Foi enterrado no Val dos Reis nunha tumba que non lle estaba destinada e que foi descuberta en 1922 por Howard Carter.

DISTRITOS

Distrito de Brunei (1.165 km2; 35.700 h [estim 1999]). A súa capital é Tutong (13.049 h [1991]).

GALICIA

Arquitecto. Iniciou a súa formación na Escola de Artes e Oficios de Ferrol (1895-1898) e posteriormente na universidade e na Escuela Superior de Arquitectura de Madrid, ata 1906, momento no que ingresou na Real Academia de Bellas Artes de San Fernando como profesor axudante. Traballou sobre todo en Ferrol, onde foi arquitecto municipal, e na súa comarca, e caracterizouse polo respecto do contexto arquitectónico e o emprego da galería nas fachadas. Os primeiros anos da súa produción (1910-1920) son de carácter modernista, destacando as casas Vázquez (1912), Romero, Brañas (1913) e Rodríguez Trigo (1914) ou o Hotel Ideal Room (1917). Das obras da década de 1920, eclécticas e monumentais, destacou o deseño da fachada para o Teatro Jofre, o Casino, con Julio Galán Carbajal e José de la Peña Gabilán, a casa Dopico Seselle (1925) ou o edificio Pita Romero, modificado posteriormente por Nemesio López Rodríguez. Na seguinte década achegouse á art-decó, na casa Prieto Poupariña (1933) ou...

1. Relativo ou pertencente ao pobo udmurto.

2. Individuo do pobo udmurto.

3. Pobo que habita maioritariamente na República dos Udmurtos.

4. Lingua finoúgria do phylum urálico que se fala na República dos Udmurts, onde é lingua oficial e se escribe en caracteres cirílicos.

REPUBLICAS

República federal de Rusia, situada ao L do país, entre os ríos Kama e V’atka (42.100 km2; 1.633.000 [estim 1999]). A súa capital é Iževsk. A superficie é chaira e o clima continental. A industria, concentrada en gran parte na capital, diversifícase en construcións mecánicas e industria do metal, siderurxia, extracción de petróleo e industrias de madeira e alimentaria. A agricultura céntrase no cultivo de cereais, liño, legumes e hortalizas. Hai gandaría bovina e apicultura. Constituída en 1920 como rexión autónoma de Votsk, en 1934 converteuse en república autónoma despois de cambiar o nome de Votiacos polo de Udmurtos.

GALICIA

Futbolista e adestrador. Iniciou a súa carreira profesional en Brasil, xogando no Flamengo, co que gañou unha liga, e no Corinthians. Regresou a España ao Atlético de Madrid (1964-1974), co que gañou tres ligas e dúas copas. Foi internacional en 16 ocasións. Retirouse no Rácing de Santander (1974-1976). En 1997 incorporouse como adestrador á Real Federación Española de Fútbol e acadou dúas Eurocopas coa selección Sub-16 (1999 e 2001) e o subcampionato do mundo Sub-20 (2003).