"AN" (Contén)

PERSOEIRO

Historiador, arqueólogo e político. Nomeado par do reino (1887), adheriuse posteriormente ao Partido Republicano (1907) e foi presidente da Câmara Municipal de Lisboa (1908-1910). Trala proclamación da República Portuguesa foi elixido senador (1911). Foi presidente e director da Academia de Ciências de Lisboa e fundou o Arquivo Histórico Português, a primeira revista de investigación histórica de Portugal (1903). Das súas obras destacan Vida e Obras de Gil Vicente e As sepulturas do Espinheiro (1901).

PERSOEIRO

Preceptista portugués. Foi o teórico do neoclasicismo portugués e preceptista gramatical en Reflexões sobre a língua portuguesa e no Dicionário poético. Foi o autor dunha Arte poética asinada baixo o pseudónimo de Cândido Lusitano onde teorizou sobre os xéneros poéticos de acordo coa tradición clásica.

IGREXAS

Igrexa parroquial situada en Celanova. Construída no s XVIII, ten unha soa nave e capela maior con cuberta de madeira. No interior destacan o retablo maior (1759) coas tallas barrocas de santa Liberada, san Sebastián, san Torcado, san Rosendo e santa Cristina, esta última obra do mestre de Sobrado; e os retablos colaterais coas imaxes da Inmaculada (s XVII) e de santa Mariña. Na fachada destacan a porta principal, con molduras e frontón, e decorada cun escudo; e a espadana, que conserva restos do que puido ser un corpo destinado a un reloxo.

PERSOEIRO

Escultor estadounidense. Formouse en Boston e Florencia. Destacou como autor de monumentos públicos. Foi autor, entre outros, de The Minute Man (1875) e da estatua sedente de Abraham Lincoln (1922), situada no Lincoln Memorial de Washington.

PERSOEIRO

Matemático francés. Foi profesor en Toulouse e en Lyon, onde foi tamén director do observatorio astronómico. Fixo un gran número de investigacións sobre xeometría diferencial e estableceu o triedro e as fórmulas que levan o seu nome.

PERSOEIRO

Político. Fundou en París o diario L’Orateur du peuple (1790), que se converteu posteriormente no órgano da reacción antixacobina. Deputado da Convención, reprimiu con fortes represalias ás insurreccións xirondina e realista en Marsella e Toulon (1793). Foi un dos principais responsables da caída de Robespierre (1794), pero só obtivo de Napoleón Bonaparte o posto de comisario en Santo Domingo (1799). Foi desde 1800 amante de Pauline Bonaparte.

GALICIA

Arqueólogo. Licenciado en Filosofía e Letras, escavou o palacio inca de Chinchero (1970) e exerceu como profesor de arqueoloxía americana na Universidad Complutense de Madrid (1973-1978). En 1978 trasladouse a Ecuador para traballar como arqueólogo do goberno no xacemento de Ingapirca. Participou en numerosos congresos de Historia de América nos que publicou, entre outros artigos, “Etnohistoria del Ecuador” (1975) e “Consideraciones etnohistóricas acerca de una tumba de pozo y cámara de Ingapirca” (1978).

PERSOEIRO

Físico. Exerceu como enxeñeiro do Estado para despois dedicarse ao estudo da óptica. Estableceu definitivamente a natureza ondulatoria da luz, demostrou que se propaga por vibracións transversais e elaborou a base conceptual e matemática da teoría ondulatoria. Inventou o biprisma de franxas ou de Fresnal e elaborou a fórmula de reflexión que leva o seu nome.

PERSOEIRO

Psicanalista, filla de Sigmund Freud. Comezou como mestra nos seus inicios e mostrou grande interese pola psicoloxía e educación infantil e polos trastornos psíquicos. Traballou con seu pai no desenvolvemento da teoría da psicanálise e, desde 1938, viviu con el en Londres. En 1947 fundou o Hampstead Child-Therapy Clinic, que ela dirixiu desde 1952, onde se celebran cursos de terapia infantil. É unha das autoras máis representativas da psicoloxía do eu. Colaborando con Dorothy Burlington, publicou Young Children in Wartime (1942), Infants without Families (1943), e War and Children (1943). Ademais cómpre destacar as súas obras Das Ich und die Abwehrmechanismen (O eu e os mecanismos de defensa, 1936), Normality and Pathology in Childhood (1965) e The Writings of Anna Freud (1973).

1. Relativo ou pertencente a Sigmund Freud ou á súa doutrina.

2. Seguidor de Sigmund Freud.

FILOSOFOS

Filósofo e sociólogo alemán. Orientou o seu pensamento cara a unha filosofía da vida. Entre as súas obras destacan Der Staat (O Estado, 1925), Soziologie als Wirklichkeitswissenschaft (A socioloxía como ciencia da realidade, 1930) e Theorie des gegenwärtigen Zeitalters (Teoría da época actual, 1955).

PERSOEIRO

Abade do mosteiro de san Hilario de Poitiers. Organizou a evanxelización de Alemaña dende o mosteiro de Säckingen. A súa festividade celébrase o 6 ou o 11 de marzo.

PERSOEIRO

Xornalista e impresor. Traballou como libreiro na súa cidade natal, ata que en 1887 abriu a súa propia imprenta en Berlín. Influenciado por Bertha von Suttner, comezou a interesarse polo movemento pacifista, fundou a organización Deutsche Friedensgesellschaft, e pasou a editar a publicación Monatliche Friedenskorrespondenz (1894-1899). En 1899 tirou do prelo Die Friedenswarte, outro periódico representativo do pacifismo a escala mundial e en 1905 Annuaire de la vie internationale, no que se promovía a cooperación internacional baseada nos traballos da Conferencia da Haia. Neses anos, desenvolveu o seu labor como secretario xeral da Unión Internacional da Prensa para a Paz. Ao estalar a Primeira Guerra Mundial, foi acusado de traizón polo goberno austríaco. Finalizada a contenda, amosouse crítico cos abusos cometidos na Conferencia de Versailles. Impulsor dunha filosofía e dun estilo propios para a consecución da paz no mundo, recibiu o Premio Nobel da Paz en 1911.