"CEI" (Contén)

Xénero de dinosauros, da familia dos ornitomímidos, de ata 3,5 m de lonxitude. Presentaba as extremidades inferiores moi longas e esveltas, co cerebro e os ollos de gran tamaño. Eran animais veloces e intelixentes, que cazaban na penumbra dos densos bosques da actual Norteamérica, a finais do Cretáceo.

Organización revolucionaria nacionalista que defendía unha Galicia libre da explotación dos seus recursos por parte de monopolios e multinacionais, con especial énfase na defensa dos recursos ecolóxicos (augas, montes) e que utilizou a loita armada para a consecución dos seus fins. Integrada por persoas próximas a organizacións independentistas galegas, como Galiza Ceibe, UPG, PCLN e APU, protagonizou diferentes atentados ata que foi desarticulado pola policía a finais de 1990. O EGPGC, que tivo como precedentes aos grupos Loita Armada Revolucionaria (LAR) e Liga Armada Galega (LAG) e ao que se lle atribuíron conexións con outros grupos extremistas non galegos, iniciou a súa actividade en febreiro de 1986. Dende entón cometeu unha serie de actos violentos, como roubos e atentados contra entidades bancarias, delegacións do goberno central, empresas privadas e bens particulares ao longo de toda a xeografía galega, entre os que cómpre destacar os realizados en Pontevedra (CELULOSAS, ELNOSA),...

Xenios acuáticos femininos, semellantes ás sereas, que viven no río Miño entre Arbo e Melgaço e meten medo ás persoas dunha e outra beira. Cando alguén está a coller peixe nas pesqueiras ou a cruzar o río, se contesta ás preguntas destes seres afoga e fica nas augas profundas para sempre, por teren rachado o silencio ritual requirido nestes casos. Daquela, representan un gran perigo que hai que combater co silencio e nunca se debe contestar ás súas preguntas. Para evitar a tentación, débese cruzar cun obxecto apertado entre os dentes.

Sociedade que ten por obxecto avanzar os recursos financeiros a outras empresas para o financiamento de novos investimentos, a cambio duns xuros determinados.

Po vermello, insoluble en auga e soluble en álcalis, que dá unha solución de cor avermellada que, por dilución, produce unha fluorescencia verde intensa. É un indicador de adsorción obtido por condensación do resorcinol e o anhídrido ftálico. Emprégase para a valoración de cloruros con nitrato de prata, para a obtención de eosina e da eritrosina, para coñecer o curso dos ríos subterráneos e, en medicina, a fluoresceína sódica soluble emprégase para detectar lesións na córnea.

Organización política de carácter asembleario e autodeterminista de esquerda. A súa orixe está na crise da Unión do Pobo Galego (UPG) a principios de 1977, que se saldou coa expulsión dun cento de militantes da súa á esquerda. Algúns destes, como Cid Cabido, Felipe Marzoa, Leónides de Carlos, Méndez Ferrín ou Manuel Pousada, aos que se sumaron Luís Soto, Xosé González, X. M. García Crego e Mª Xosé Queizán fundaron a UPG-liña proletaria que, no seu Congreso Fundacional, decidiu chamarse Partido Galego do Proletariado (PGP), se declaraba marxista-leninista e optaba pola independencia de Galicia. O PGP acordou un programa de mínimos e creou Galicia Ceibe (Organización de Liberación Nacional) como organización de masas. Na VI Asamblea Nacional, en 1983, dezasete dos seus membros, entre os que se atopaban García Crego e Méndez Ferrín, formularon a disolución de Galicia Ceibe e, ao non ser aceptada a súa proposta, abandonaron a organización, continuando a publicación do xornal independentista...

Construción situada sobre o río Salas en Lobios. Trátase dunha ponte dos ss XV-XVI cun van de medio punto e rasante horizontal. Pertenceu ao antigo trazado da vía XVIII do Itinerario de Antonino.

couzoeira.

Cruceiro situado no adro da igrexa parroquial do Hío (Cangas). Obra de Xosé Cerviño García, relata a historia humana desde a Creación ata a Redención. Desde o pedestal da cruz, foi tallado nun só bloque de pedra ao que se engadiron algunhas figuras. Represéntase o descendemento de Cristo da Cruz cando se descrava o corpo e é recollido pola Virxe e san Xoán. No fuste represéntase á Virxe pisando unha serpe, Adán e Eva espidos e os arcanxos. O capitel está sostido por catro querubíns alados, e na base ábrense unhas pequenas capelas ou fornelas onde se representan as ánimas do purgatorio, a visita de Cristo resucitado á Virxe e Adán e Eva consumíndose entre as chamas. Estilisticamente caracterízase polo barroquismo, a teatralidade e o dramatismo, e polo forte movemento das figuras.

Provincia de Marrocos (3.550 km2; 383.000 h [estim 1994]). A súa capital é Al-Hoceima (55.216 h [1994]).

Organización de traballadores, tamén coñecida como Komintern, fundada en Moscova en 1919 coa intención de construír unha unión de partidos comunistas. No Congreso de Moscova (1920), Lenin acolleu a delegacións de 37 países e trazou os 21 puntos que constituían as bases ideais para a adhesión á Internacional, que pasaban pola creación dunha estrutura análoga á do Partido Comunista da Unión Soviética e a loita contra a socialdemocracia. Trala morte de Lenin, o Komintern sufriu as consecuencias dos conflitos internos do grupo dirixente na URSS e, especialmente nos anos de stalinismo coa súa política de socialismo nun único país, o que subordinou os intereses nacionais soviéticos ás demandas do resto dos partidos comunistas. A chegada de Hitler ao poder (1933), xunto coa expansión dos movementos fascistas en toda Europa, levou á Internacional a promover as frontes populares en todos os sectores sociais antifascistas. No transcurso da guerra, Stalin disolveuna (1943).