"SS" (Contén)

PERSOEIRO

Actriz. Graduouse na escola de drama da Universidade de Yale. Traballou en Broadway e en numerosas teleseries americanas. Foi nominada ao Oscar pola súa interpretación en What’s love got to do with it (Tina, 1993). Rodou tamén as películas F/X (F/X: efectos mortais, 1986), City of hope (A cidade da esperanza, 1991), Malcolm X (1992) e Contact (Contacto, 1997).

CAPITAIS

Capital do estado de San Cristovo e Nevis, no SL da illa de San Cristovo, no arquipélago das Pequenas Antillas (18.000 h [1995]). Os franceses establecéronse alí en 1627. Polo tratado de Versailles de 1783, pasou a dominio británico. Dende o 19 de setembro de 1983, data da independencia de San Cristovo e Nevis, é a capital do estado.

PERSOEIRO

Naturalista italiano. Demostrou por primeira vez en 1835 que as enfermidades se contaxian pola presenza de microorganismos no ser humano ou noutros animais.

PERSOEIRO

Física italiana. Formada na Universidade de Boloña. Despois de recibir o doutorado en Filosofía en 1733, continuou estudiando Mecánica, Hidraúlica, Anatomía e Historia Natural. Foi a primeira muller en ocupar a cátedra de Física na universidade e deu clases de Física experimental dende 1745 ata 1778.

PERSOEIRO

Médico italiano. Foi introdutor dunha técnica clásica de tratamento das hernias inguinais coñecida como operación de Bassini.

PERSOEIRO

Crítico, ensaísta e filósofo finlandés. Estudiou na Universidade de Moscova. Integrado nos ambientes revolucionarios, dedicouse á creación literaria e á actividade crítica. Logo dunha época hegeliana, converteuse nun apaixonado materialista que fundou a estética e a crítica realistas. Contrario á arte pola arte e ao intimismo romántico, defendeu a explicación sociolóxica da evolución da arte, o condicionamento do home polas súas circunstancias, o compromiso da literatura e a atención ao espírito do pobo e ás súas fontes literarias.

PERSOEIRO

Pintor. Estableceuse desde moi novo en Barcelona, onde estudiou na Escola de Belas Artes. En 1916 trasladouse a París. Traballou tamén nos EE UU, Bélxica, Italia e na India. A súa pintura é dun aristocratismo sensual e decadente, como se amosa na súa obra La maja marquesa. Foi tamén un retratista de prestixio (Retrato de Rodolfo Valentino).

PERSOEIRO

Político alxeriano. En 1946 foi elixido secretario xeral do Mouvement pour le Triomphe des Libertés Démocratiques (MTLD) e en 1955 adheriuse á Front de Libération Nationale (FLN). Foi ministro de Asuntos Sociais do goberno da República Alxeriana no exilio entre 1958 e 1960 e, en 1961, substituíu a Ferhat Abbas como xefe do goberno provisional. Arrestado en 1964, Ben Bella obrigouno a exiliarse e non volveu a Alxeria ata 1976. Debido á súa oposición ao socialismo crecente do réxime de Boumedienne, foi encarcerado de novo ata 1979.

PERSOEIRO

Escritora sueca que asinaba baixo o pseudónimo Ernst Ahlgren. Autora de novelas realistas como O diñeiro (1885) e A señora Mariana (1887), escribiu tamén un Diario e algunhas novelas curtas onde destacaba a narración de costumes, tituladas Fran Skåne (Páxinas de Escania, 1884) e Folkliv (Vida popular, 1887).

PERSOEIRO

Poeta islandés. Publicou os poemas patrióticos Sögur og Kvaedi (Narracións e poemas, 1897). Evolucionou cara a unha visión máis filosófica en oposición ao realismo na súa obra Hafblik (Luz de mar, 1906).

MUNICIPIOS

Municipio da provincia de València, Comunitat Valenciana, ao S da cidade de València, formando parte da súa conurbación (13.961 h [1996]). O termo esténdese ao O do antigo camiño real de València a Alacant. A maior parte da poboación activa (o 49%) ocúpase no sector servicios. A industria acolle ao 44%: é un sector moi diversificado, con empresas das ramas da madeira, alimentaria, metalurxia, calzado, téxtil e confección, maquinaria, coiro, papel, caucho e química. Seguindo a tendencia das vilas que rodean València, a poboación incrementouse considerablemente pola chegada de inmigrantes, dende os 1.216 h de 1910. Os momentos de maior incremento foron as décadas de 1940 e de 1960. Na vila atopáronse varios restos romanos, aínda que a súa orixe é musulmana. Despois de ser conquistada polos cristiáns no s XIII, foi doada aos cabaleiros de Montpellier, permanecendo baixo o seu señorío ata 1351, que pasou a Giner de Rabassa. Do seu patrimonio arquitectónico destaca a igrexa de La Mare de Déu...

PERSOEIRO

Escritor sueco. Destacou polos seus ensaios sobre figuras históricas como Karl XII: s levnad (A vida de Carlos XII, 1935-1936). É tamén autor de poesía, como a obra Legenden om Babel (Lendas de Babel, 1925).

MUNICIPIOS

Municipio da provincia de Castelló de la Plana, na Comunitat Valenciana, situado na comarca da Plana (9.913 h [1996]). A súa costa ten dous sectores diferenciados: un areoso, ao S, e outro rochoso, ao N. O interior é un sector montañoso que culmina no pico Bartolo, de 736 m de altitude. O 50% da superficie do concello dedícase á explotación forestal. En canto á agricultura, os principais cultivos son hortalizas, cítricos, vide e oliveiras. As actividades industriais céntranse nos sectores téxtil, alimentario,   madeireiro e papeleiro. As praias do seu litoral convertérono nun núcleo turístico no que proliferaron sobre todo as segundas residencias. Situado nun eixo natural de comunicación (a estrada de València a Barcelona pasa por alí), atopáronse restos romanos e dun casarío dos tempos da dominación islámica. En 1603 outorgóuselle a carta de poboamento. Entre o seu patrimonio monumental destaca a igrexa de Sant Tomàs de Villanueva (s XVIII) e as ruínas do castelo de Montornès.

MUNICIPIOS

Municipio da provincia de Alacant, Comunitat Valenciana, no NL da comarca da Marina Alta (9.154 h [1996]). A súa situación, entre a serra de Bèrnia e o Mar Mediterráneo, produce un contraste natural cara ao turismo, a principal actividade económica da vila. Nos 4 km do seu litoral altérnanse os treitos de praia cos acantilados. Nas súas calas pódense tomar baños de mar e de sol ou practicar deportes acuáticos e náuticos (ten porto deportivo). No interior, pódense practicar deportes de natureza. Hai tamén clubs de hípica e de golf. A orixe da vila é musulmana. Trala expulsión dos mouriscos dos reinos da coroa de Aragón en 1609 foi repoboada con colonos cristiáns. Entre o seu patrimonio monumental destacan o antigo hospital (hoxe casa do concello) construído en 1790, a lonxa renacentista do s XV, onde se celebraban transaccións comerciais e as reunións do consello municipal, a igrexa de La Puríssima Xiqueta e de Sant Pere Apóstol, de estilo neomedieval (1902-1929), e o pazo señorial dos Torres-Orduña.

MUNICIPIOS

Municipio da provincia de València, Comunitat Valenciana, na comarca do Camp de Túria (1.672 h [1996]). A agricultura é a base económica do concello; a expansión do regadío grazas á auga do Túria eliminou os cultivos tradicionais de secaño. Os cultivos máis estendidos son a laranxeira, a cebola e outras hortalizas. Tamén é importante a avicultura. A igrexa parroquial é gótica con artesoado mudéxar. O castelo señorial, da segunda metade do s XV, foi construído por Lluís de Vilarasa, gobernador xeral de València.

PERSOEIRO

Director de escena e investigador teatral. É profesor universitario na Universidade de Columbia. Realizou numerosas traducións da obra de Bertolt Brecht. Tamén exerceu, como Kenneth Tynan, a crítica teatral durante un breve período de tempo, o suficiente para crear escola e sentar as bases do oficio. Posteriormente publicou diversos estudios, entre os que hai que destacar La vida del drama (1982) ou What is theatre? (Que é o teatro?, 1984), onde recolle unha boa parte da súa crítica teatral.

PERSOEIRO

Navegante danés. Ao servizo de Rusia explorou a costa setentrional de Siberia (1725) e, nunha segunda expedición, atravesou o mar e o estreito (1728) que levan o seu nome. Tamén descubriu (1741) as illas Aleutianas, a illa de Kodiak e a península de Alasca. Naufragou preto da illa de Avača, co tempo chamada illa de Bering.