"Bo" (Contén)

PERSOEIRO

Matemático e lóxico inglés. Autodidacta, estudiou as obras de Lagrange e Laplace. Catedrático do Queen’s College de Corcaigh (Cork), realizou importantes traballos sobre a análise matemática e contribuíu á fixación do concepto de invariancia. No ano 1854 publicou a súa obra mestra, An Investigation into the Laws of Thought, on which are Founded the Mathematical Theories of Logic and Probabilities (Unha investigación sobre as leis do pensamento, nas que se fundamentan as teorías da lóxica matemática e as probabilidades). Estableceu a base para os fundadores do Loxicismo, e foi o iniciador da Lóxica simbólica. Formalizou un conxunto de regras alxebraicas para a transformación das proposicións lóxicas, ás que chamou leis do pensamento e que se coñecen ademais co nome de álxebra de Boole.

1. Relativo ou pertencente a Georges Boole ou á súa álxebra.

2. Aplícase ao sistema de busca de textos nun ordenador ou nunha rede informática empregando unha aplicación na que se combinan termos como AND, OR e NOT, cos que se indican coa máxima precisión posible que é o que desexamos atopar, limitando os resultados a aqueles que teñan máis posibilidades de achegarse ao obxecto da busca.

1. Incremento ou prosperidade repentina e pouco estable.

2. Máximo dun ciclo económico, é dicir, culminación dunha fase expansiva na actividade económica, cando esta se atopa en situación de plena ocupación dos recursos producidos, manifestada nunha alza xeral dos índices económicos.

PERSOEIRO

Escritor flamengo. Da súa obra cómpre destacar: Mijn kleine oorlog (A miña pequena guerra), De Kapellekensbaan (A avenida da capeliña), Menuet (Minueto, 1955) e Het Geuzenboek (O libro dos pillabáns).

PERSOEIRO

Colonizador e aventureiro. Explorou as rexións dos actuais estados de Kentucky, onde fundou a cidade de Boonesborough (1775), e Missouri. A súa figura foi exaltada pola literatura e o cine norteamericanos.

PERSOEIRO

Realizador cinematográfico inglés. Comezou como crítico de cine aos dezasete anos. Trasladouse aos EE UU, onde realizou algúns filmes de acción e de xénero fantástico. A súa primeira película foi Catch us if you can (Cóllenos se podes, 1965). Traballou tamén para a televisión realizando documentais. Excalibur (1981), o seu mellor filme, é unha compilación ampla e barroca das lendas arturianas, acompañado da impoñente obra titulada Carmina Burana de Carl Orff. Despois realizou, entre outras, The Emerald Forest (O bosque esmeralda, 1985), Where the Heart is? (Onde está o corazón?, 1991) e Beyond Rangoon (Moito máis alá de Rangún, 1995).

FAMILIAS

Familia de actores angloamericanos. Junius Brutus Booth (1796 - 1852), especializado en personaxes shakespearianos, rivalizaba con Edmund Kean, e en 1821 trasladouse aos EE UU. Entre os seus fillos destacaron Edwin Thomas Booth (1833 - 1893), que fundou o Player’s Club de Nova York (1888), e John Wilkes Booth (1838 - 1865), tamén actor, que, ligado á causa sudista, asasinou o Presidente Lincoln.

PERSOEIRO

Armador e sociólogo. Preocupado polos problemas dos traballadores e proletarios, estudiou os seus conflitos no clásico da sociografía Life and labour of the people of London (Vida e traballo da xente de Londres, 1891-1897). Elaborou un proxecto a prol das pensións de vellez.

PERSOEIRO

Predicador inglés. Convertido ao Metodismo, foi predicador ambulante e promoveu un movemento de reviviscencia en Whitechapel chamado Christian Mission (1864), que en 1878 se converteu no Exército de Salvación.

PENÍNSULAS

Península do Canadá, no Océano Ártico, pertencente administrativamente ao territorio do Noroeste. A máis setentrional das penínsulas canadenses, está separada da Terra de Baffin polo golfo de Boothia, e da Illa Victoria polo canal MacClintock. Foi descuberta en 1829 polo capitán John Ross, que lle deu o nome en honor de sir Felix Booth, quen financiara a expedición.

CIDADES

Cidade do condado de Merseyside, no NO de Inglaterra, Reino Unido (62.463 h [1981]). Inclúe o sector norte dos peiraos do esteiro de Mersey, onde traballa a maior parte da súa poboación. Destacan os seus estaleiros de reparación naval, as fábricas de maquinaria e de produción de fío de aceiro.

PERSOEIRO

Lingüista alemán. En 1816 publicou Uber das Conjugations-system der Sanskritsprache (Sobre o sistema de conxugacións do sánscrito), obra que constitúe o inicio da gramática comparativa do indoeuropeo, xuntamente cos traballos de Rasmus Kristian Rask. Con Vergleichende Gramatik des Sanskrit, Zend, Griechischen, Lateinischen, Litthauischen, Altslavischen, Gothischen und Deutschen (Gramática comparativa do sánscrito, grego, latín, lituano, eslavo antigo, gótico e alemán, 1832-1852) remontouse ata a orixe de todo o sistema flexional indoeuropeo.

1. Acción de abrir a boca para inspirar, especialmente a aspiración forte que precede á morte.

2. Abertura involuntaria da boca con inspiración profunda e seguida dunha prolongada expiración, xeralmente ruidosa.